中四升中五我做咗d咩？
我花得最多時間都應該係做中文SBA d閱書報告😂大家都應該知道之後升上s5會更加忙，你可能要做electives嘅SBA，參加各種各樣哥ECA等等。所以，暑假就正正適合你去做定d閱書報告先啦！就算唔寫曬一篇完整嘅閱書報告，至少都起個稿先，到時到候再吹大佢🤣又或者隔咗一排你會有更多靈感呢～
另外，我覺得可以整理番你之前未整完嘅notes。d notes最好整理得好d (e.g. 用電腦打好確保唔會唔見同埋可以隨時加野)，因為你要預d notes用到dse完！
如果之前發覺自己有任何concepts唔清可以趁呢個機會慢慢消化一下，等之後自己學其他相關嘅野嘅時候會吸收得好d
最後，你都可以開始發掘吓自己嘅academic interests. 因為喺不久嘅將來你就需要揀你大學咩科。正正因為呢d野唔急得黎，所以你要慢慢開始諗吓，畀個方向自己/set d目標畀自己！
想提多一點，如果想報IGCSE，暑假都可以考慮吓，因為開學冇耐就要報名
心態方面，其實大家冇需要太緊張。去吓旅行hea吓都可以架🤪要玩就趁呢個暑假啦😂我記得我自己都有去到旅行哈哈
中五升中六做咗d咩？
開始進入作戰階段😂
呢段時間我都有繼續整notes，因為我冇notes基本上溫唔到書，不過呢樣野就因人而異嘅。但始終我自己好相信整notes都係溫書嘅一種黎架！除咗打notes，我都有操/睇吓dse d past paper，令自己溫書嘅方向更明確！
另外，好重要嘅係要開始plan吓升學d野 (不論係jupas/ucas等等). JUPAS方面建議你search吓你想讀果d科嘅收生準則同分數等等，等你排choice嘅時候跟興趣時都可以貼近現實多d. 亦都可以draft吓OEA Additional Info. UCAS方面建議你開咗個UCAS account先 (要問學校拎buzzword)，然後開始填資料+寫personal statement！寫personal statement係一個好漫長嘅過程，所以一定要盡早開始！
雖則話呢個暑假係一個作戰階段，但你絕對可以抽d時間放鬆吓🙆🏻♀️有時畀太大壓力自己反而會有反效果架！
值得留意嘅係呢兩個暑假我基本上係自然醒😂大家成日都話休息是為了走更遠到路。其實啱架，你平時番學又趕deadlines又要考試都chur到差唔多半死，你需要休息一下，充一充電架！要愛惜自己嘅身體，唔好畀自己病，否則d productivity就會更低啦._. 同埋DSE係一個長途賽，你需要堅持到底先會做到贏家！如果暑假就chur死自己，咁s6開學之後/study leave嘅時候你點呢？
點都好，大家加油🔥