[中學生必睇] 補定唔補,諗清楚先好補!(ft. Flowclass)

為補而補?

而家嘅年代,補習好似都已經變成一種必需品。但其實大家補習之前,有冇諗過以下幾個問題呢: 1) 你需唔需要補習、2) 補習嘅benefits係咪大過costs同埋3)你適合咩類型嘅補習。我自己嘅建議係唔需要太急住去補習,可以嘗試吓靠自己同網上嘅資源處理嗰科,培養自己嘅解題同思考能力。但當然如果你盡力完之後都發覺成績未如理想、未掌握到啲答題技巧,又或者係你你已經時間冇多,咁補習都絕對係一個可行嘅選項嚟。


大型補習社 vs 私人補習?

揀去邊到補習同埋補邊科都係一門學問嚟㗎!我覺得如果係本身個底子係ok嘅,大型補習社,尤其是一啲intensive嘅班,可能更適合你,因為你好大機會淨係差咁一啲自己比較難鑽研到嘅答題技巧。


如果你覺得自己直頭連內容上都未搞得掂,我覺得私人補習會比較適合。私人補習嘅導師可以根據你個人嘅需要同埋進度為你度身訂造一套教學方法,同埋同你喺補習嘅時候有更多即時互動,令你更加容易掌握到佢教緊嘅嘢,唔會白白咁浪費晒啲金錢同時間。而且私人補習通常課後嘅support都比較好,因為嗰啲導師比起大型補習社嘅導師對於個補習會更上心同埋會有更多時間處理你交嘅功課。


另外,如果底子好,搵私人補習都有佢嘅優點嘅。如果你專登去搵一啲你學校嘅師兄/姐幫你補習嘅話,佢哋可能更清楚你學校本身嘅教學模式,所以通常會更容易了解到你差咁啲咩嘢先可以升到grade。


點搵補習?

唔知大家平時點搵補習嘅呢?我中學時期嘅時候普遍都係流行身邊同學話邊間好就會去試補,又或者係經中介或者去Facebook嗰啲群組到搵補習導師,但呢啲途徑都唔係十全十美。所以今次我就想同大家推介 Flowclass 呢個平台喇!Flowclass有比較學生評價嘅功能,等你足不出戶都可以掌握時間表、教學風格、上課模式等最全面資訊!而且,私補導師、家長、學生配對都完全免費,你地都可以自由聯絡,打破以前補習中介聾斷、低效率、阻礙溝通等缺點!所以呢個平台唔單止係可以幫到啲想搵補習嘅學生,佢都可以幫到一啲考完DSE但唔知點搵私補學生嘅同學仔!