見幾多人都知我嘅溫書schedule，所以今日就決定講吓我上年F6開學之後嘅溫書日程😂 /
因為我平時搭校巴番學，所以好早就已經到學校，連班房都未上得🤦🏼♀️ 為咗唔好白白咁浪費d時間，我就會利用嗰半個鐘等上班房嘅時間溫書。通常會溫吓d notes、默書或者預習吓嗰日嘅課堂。朝頭早頭腦比較清醒，而且我學校個環境都算靜，所以其實呢個時候溫書都幾有效率架。然後等到7:30可以番班房之後，我都係繼續喺到溫書😂(+可能同同學吹吓水🤫)
有d人可能選擇上堂唔聽書自己溫書，但我就係會聽書嗰d人黎嘅。我覺得聽書+抄筆記其實真係可以加快我嘅學習進度，落堂之後番屋企理解埋堂上未get倒嘅野+打番d notes出黎就ok。如果嗰堂真係好廢嘅話，都會自己溫書嘅😂 不過就醒少少啦，盡可能唔拎份notes出黎，自己搵張紙背番自己溫咗嘅野，落堂之後睇吓自己記漏咗d咩咁。
放學之後因為我冇咩補習，所以通常我都會直接搭車番屋企。搭車嘅時間比較難溫倒書，但我會利用呢段時間喺手機嘅notes到打番個to-do list，確保我番到屋企之後唔會做漏野。
番到屋企之後我第一時間唔係溫書，而係食個tea先🤣 geogaholic係個吃貨，一定要有d食物落肚先會有動力同能量溫書。食完野之後，我首先會清功課，然後就會打notes，清番當日或之前嗰日寫落嘅notes，費事積聚太多之後workload過大。完成打notes之後，我就會溫書 (操卷嗰d我大部分放咗落study leave到)，一係就prep第二日有嘅測驗，一係就純粹想溫番自己覺得有需要溫嘅嗰科/ 清一清pp by-topic嘅exercise。btw 溫書我就習慣咗讀出黎嘅😂 所以喺自己屋企溫書對我黎講係最好嘅選擇keke。同埋有時如果功課又做曬書又溫完嘅話，我就會去預習～
順帶一提，我係有畀break自己架😂 唔係嘅話會chur死。大break嘅話通常我會花半個鐘頭睇吓電視減吓壓或者瞓個晏覺🤪 小break嘅話就係碌吓ig, fb咁😆
溫到大約夜晚10:30我就會開始執書包同準備上床瞓覺啦🙆🏻♀️ 我份人比較少通宵達旦咁溫書，因為我覺得個productivity會好低同埋對身體唔好lol🤭
我一日會做嘅野就係咁lu~~~其實溫書schedule人人唔同個。只要制定最適合自己嘅溫書日常就可以啦😙