Geogaholic知道大家除咗英國同法國升學之外，都仲想知多啲關於其他國家嘅升學心得🔥 所以今次就邀請到 @canada_sharing 嚟同大家分享吓加拿大升學嘅嘢🇨🇦，指點吓有意去加拿大升學嘅你地！好多謝佢打咗咁大篇嘢俾我❤️ 以下係佢嘅分享👇🏻
大家好！我係@canada_sharing，宜家係University of British Columbia (UBC)讀緊Microbiology and Immunology！今次係呢到唔係想介紹我個科(因為我都係啱啱declare major)，反而係想同大家介紹吓加拿大嘅升學+生活環境😝因為我報嘅所有大學都冇揾過中介，所以呢啲都係第一身經驗㗎😆
1️⃣ 究竟加拿大報大學係用咩系統？
唔似英國嘅UCAS，除咗Ontario (安大略省)呢個省嘅大學係有一個中央報名系統叫OUAC，其他嘅大學都係要逐間報嘅🤧 但其實係OUAC個系統度交咗啲基本資料俾所屬大學之後，每間大學都有機會要你另外係間大學嘅系統到交一啲資料(Transcript, Recommendation Letter)。有啲大學如果唔係只係純睇成績嘅話🤞🏻 仲會要你交personal profile 但係就唔哂好似UCAS咁寫personal statement 要講自己嘅嘢嘅話，都係以一問一答形式答完就攪掂，要你答嘅離不開你嘅學科興趣、義工經驗、leadership experience、其他personal interests 聽落去逐間大學報好似好複雜咁🥴 但係其實報得相近科目嘅話，只要稍稍根據問題adjust吓，其實寫嚟寫去都係嗰啲🤪 再加上唔係間間都要寫personal profile (個人經驗: UBC要，Univeristy of Toronto唔使)。至於使唔使interview，我相信呢個係睇你讀咩科(i.e. 報commerce要interveiw嘅機會應該係最大)。因為我all-in Science 嘅關係，所以全部都冇interview過就收咗🙈同㙕逐間大學報嘅好處就係👍🏻你可以係唔同嘅大學報啲完全唔同嘅科 ，埋只要你願意俾application fee嘅錢，你報幾多間大學都得。呢邊比較出名嘅大學都係一月中截止報名(因為六七月已經reg科)，同埋啲offer係三四月就會出㗎(考DSE之前已經可以有offer 啲offer仲要係寬鬆😏)。
2️⃣ 加拿大難唔難適應/文化差異大唔大？
如果上述嘅問題係導致你去加拿大有所卻步，身為一個過來人可以答你，除非你去啲好偏遠嘅省🧐 呢啲絕對唔使擔心。加拿大係一個移民國家，除咗係原住民之外，其他嘅人都係從亞洲、歐洲等世界各地移民過嚟住，因此歧視問題並唔嚴重。呢到對住普世價值都好著重(人人平等之類)🤤 行出街根本唔會分到啲人係呢到長大定要後期移民過嚟。温哥華嚟講，華人同亞洲人嘅人口比例好高，喺街上食嘢買嘢好容易滿足到思鄉嘅感覺(有茶餐廳、好多地方飲茶、日本餐廳、韓燒、各種係香港揾到嘅珍珠奶茶舖)。買嘢嘅話直頭有華人超市😂 我喺呢到遇到嘅人俾香港人隨和，喺呢到同人相處同生活真係好舒服，只要肯step out of comfort zone，要融入加拿大人嘅生活真係唔難😝。
3️⃣ 心大心細緊去加拿大升學定係其他國家好呢？
我喺呢到唔係慫恿大家去加拿大，但係揀國家揀大學有幾樣嘢值得考慮🤞🏻畢業之後有冇打算留低？如果有嘅話，申請國籍難唔難(以加拿大為例，一個全國唔夠四千萬人嘅地方，佢每年需要嘅移民人數高達三十萬) 🥺 大學係世界嘅知名度其實同樣重要。加拿大雖然聽落去唔係香港人嘅首選☝🏻但加拿大嘅大學絕對唔差，亦有唔少世界知名嘅學府。再者，呢度人口密度好低、環境優美，融入本地人唔太難😍 其實都係一個幾好嘅選擇！
大家對加拿大仲有疑惑嘅話，歡迎問我。宜家我有做免費一對一咨詢，亦會係放榜前開live，大家可以密切留意🤧