我係一個好鐘意用to-do list黎計劃自己一日要做d咩嘅，上到黎大學我都用緊呢個方法😆 我冇寫一個好詳細嘅時間表係因為我覺得人嘅生活唔需要太有規律😂(家陣唔係坐監🤣)。同埋根本上你就知道大概某d時間你一定會做d咩，e.g. 幾時食飯、幾時沖涼...另外好重要嘅一點就係quality > quantity。即係點？如果你寫timetable嘅話，你可能會定1個鐘畀geog，但其實你有效率嘅話，唔使1個鐘就搞掂，咁咪變咗其實成個時間表都係廢？！
翻番正題，寫to-do list其實唔需要好複雜，我係用iphone入面內置嘅notes。咁我當時大約就開咗2+ to-do lists，每個都有唔同嘅用途。第一個係比較general，只係列番你有d咩要操/溫，然後你就自己安排好自己嘅時間，逼自己盡快做曬😂 咁當然最好就跟番重要程度黎決定邊樣野做先啦！然後我都會開其他to-do lists track住自己操卷嘅進度，以防自己做漏。我亦都會整d checklists睇吓自己係咩已經溫曬某一科某個topic嘅野 (e.g. geog annotated diagrams可以咁做)。咁大概就係咁啦，超級簡單！
但我某程度上覺得呢種方法適合一d比較自律嘅人。因為如果你唔自律嘅話，你可能d野會拖慢黎做，然後最後尾to-do list上面嘅野可能做得完幾樣🙈