從中學到大學- 你需要嘅心態調整

嚟緊升讀大學嘅你地,唔知心態上準備好未呢🧐?未嘅話,呢個post可能幫到你🤓~⁣

入大學即係距離你踏入社會又近咗一步,所以你地真係要成長㗎啦,唔可以再好似中學咁咁唔成熟!⁣

冇人會再spoon-feed你

#1 「大學同人生一樣,都冇標準答案」

中學就仲話可以俾你出去補習學啲「神技」、出去買啲即食嘅雞精書,又或者等老師同你講晒啲標準答案,但大學就唔會再係咁!大學冇spoon-feeding呢回事,好多lecturers都唔會話晒所有嘢俾你知,要靠你自己去睇readings同埋做吓多啲research。我地英國就更加唔興問人攞sources嘅,最多同同學或者喺contact hours約professors討論吓啲嘢,所以基本上所有嘢都要靠自己!同埋大學啲essays好多時候都冇一個標準答案,係可以俾你自由發揮嘅,咁就真係要睇吓你學咗同消化咗幾多知識。

為自己決定負責,也為自己做決定

#2 「Hea定唔hea,hea得起先好hea!」

大學係一個好自由嘅地方,唔似得中學咁有咁多規範,好多嘢你都有選擇權喺手~ 你大可以走堂、唔睇readings、欠交formative assessments等等... 但請你問吓自己:「你讀大學係為咗咩?」。我諗應該都冇咩人想third hon畢業掛~ 唔係話唔可以走堂定點,不過你一定要好好安排好自己嘅讀書大計,有一定程度嘅自律。最後自己個GPA出到嚟係差嘅,你都冇得怨邊個。Hea定唔hea,hea得起先好hea!


大學嘅自由度大亦意味住你可以做到好多嘢,e.g. 上莊、join啲比賽、做part time等等,但同時你都要識得將啲嘢排優次同安排好自己嘅時間先得。呢啲課外嘢固然會令你有所得著,但如果你為咗呢啲而顛倒晒自己嘅生活,讀書都搞唔掂,會唔會係本末倒置?你自己就要衡量返值唔值得啦。


學習享受獨處

#3.1 「想成長,先學會享受獨處」

大學同中學唔同,你同你嘅朋友好可能會上唔同嘅course同tutorial㗎~ 唔一定所有嘢都可以一齊做。你同你班中同亦都可能各有各忙,甚至係分隔異地。咁就算係你自己一個人,生活都要繼續架!獨處係一個可以俾你更深入認識自己同思考人生嘅時間。

#3.2 「低質量的社交,還不如高質量的獨處」

大學亦比起中學有更多社交活動,有時真係會多到令人難以喘息,甚至會令你覺得獨處係一種奢侈。不妨停低,諗一諗係咪一定要去晒咁多個?人地去我就要去?