中五 2021DSEr
1⃣️ 盡快KO埋啲SBAs
中五好快就會完，之後你升上中六就會更加忙同chur㗎啦！啲SBAs如果可以而家做到嘅 (e.g. 中文閱書報告、IES) 就快啲開始清埋佢啦！唔係到時你一定會後悔㗎！同埋其實唔單止係你中六會忙啲冇時間兼顧SBAs，last minute咁做SBAs好多時都唔會高質，咁變相可能會連累你最後DSE個grade㗎！
2⃣️ 考好finals (如有)
有啲學校會用你F5 finals/mock exam嘅成績去決定你UCAS嘅predicted grades，所以如果你學校係感嘅話就盡力考好佢啦！考衰咗之後再去r grade會難好多 (除非個老師真心認為你失手啦)。
另外，雖則校內嘅考試有時好離地，但我都覺得唔應該hea考/裸考。把握好每個實戰嘅機會，睇吓自己喺咩部分做得唔好，需要喺暑假到再改善吓。
3⃣️ 如果有意去英國升學，就要開始諗吓UCAS application啲嘢
如果你老師冇咩講關於UCAS嘅嘢嘅話，你就應該盡快問清楚佢學校有啲咩特別procedures要跟。例如你可以問吓佢個buzzword係咩 (俾你之後開個UCAS account嘅)、幾時要搵老師寫reference letter等等。如果你中六先嚟問，到時啲嘢好亂會搞到你好frus㗎！
之後你可以諗吓自己嚟緊個暑假報唔報IELTS嚟考～ 我會建議你今個暑假就考，因為如果你等出咗offer先再考，可能會clash咗prep DSE嘅時間/ post-DSE JUPAS面試嘅時間。所以趁得閒就考咗先啦！
至於personal statement就唔使咁早開始寫嘅。不過你有時間都可以開始構思吓～ 因為篇嘢唔係短時間內可以寫好！早啲構思都係好事！
中四 2022DSEr
1⃣️ 認真對待要做SBAs
SBAs其實都幾重要㗎！成日都聽人講佢地後悔冇做好啲SBAs，拖低咗自己DSE嘅grade... 你地記住有得做好嘅就做好啲啦 (同埋千奇唔好得罪改SBAs啲老師呀🤫)。同埋如果而家老師就叫你開始做嘅，就好做啦！唔好堆埋啲嘢喺一齊加重自己之後嘅負擔！
2⃣️ 如果有意去英國升學，可以上網睇吓自己想讀咩u咩course同屋企人傾吓，亦都可以諗吓嚟緊9月報唔報IGCSE
中三 2023DSEr
1⃣️ 考好finals (如有)
中三嘅finals成績會決定你揀唔揀倒你鍾意嘅electives！所以記得出盡力考好佢🔥
2⃣️ 諗清楚選科嘅嘢
之前都講過選科係要考慮多方面嘅因素，包括你嘅興趣、能力、將來大學想讀嗰科有冇咩特定學科要求。一定要諗清楚/同屋企人傾吓先好落決定！good luck🥰