有咩辦法可以減輕唔同類型嘅壓力呢？
我自己就覺得第一步係要認清壓力嘅來源，然後再搵方法去減輕佢地。
1️⃣ 學業壓力
面對排山倒海嘅功課、SBA、大學入學面試等等，好多人都會覺得好大壓力唔知可以點。某程度上可能係因為自己慣咗last minute先黎趕工，搞到自己本身唔太緊張都驚可能做唔切/唔夠時間做得好而好緊張。我就習慣咗一早規劃好幾時之前要做好d咩，再寫落個 to-do list到。之前同大家介紹過可以用 Tasksade呢個app。 我而家都冇用Apple內置嘅Notes，轉用咗佢啦！佢可以畀你喺每一項要做嘅野set個due date+time，然後佢就會send email+app notification去提醒你要完成呢d tasks！咁就唔使驚自己大頭蝦唔記得咗有d咩要做。當然，時間有限，你可能仲要兼顧埋溫書、ECAs等等，所以好難咁早就做曬d野。但我會建議大家至少要事先諗清楚喺嗰份task你想用嘅approach/ 詳細你所需要prep嘅野。e.g. 如果你有份essay要交，你可以一早就開始諗定有d咩points你想寫/ 開始做定research等自己有個概念想寫d咩；如果你之後要去面試，你就可以一早諗定自己之後要prep自我介紹、對嗰科/公司嘅認識。做咗呢d野之後，你到時再pick up番就容易好多，事半功倍！同埋如果之後真係有d咩urgent野突然要你去做，你都唔會兼顧唔倒你本身就黎要做/交嘅野！
2️⃣ 朋輩壓力
唔知大家有冇因為同人比較而覺得好大壓力，成日好想搵辦法超越對方咁。呢種心態唔係一面倒差，但佢的確可以為你帶黎好大嘅壓力。同朋友比較成績/課外活動同其他achievements嘅多寡唔係唔得，但過分比較就好容易令自己感到好迷惘，好似做咩都為咗超越對方咁，完全冇咗做嗰件事本身嘅意義。但如果將呢個比較心態轉做一個學習嘅心態，你可能會冇咁大壓力。睇吓你嘅朋友有咩可取之處，然後諗吓自己嘅實際需要 (e.g. 咁樣做係咪可以令你cv靚d/ 嗰樣野需要冇咩用，但自己會做得好開心、識到多d朋友， 再衡量吓自己係咪花額外嘅時間同心機應該去做一樣野 (e.g. 參加多d課外活動/ take up某d posts)。咁樣嘅話，你唔會一味為咗做而做，而你亦都冇咁容易放棄你一開頭決定咗要做嘅野架！