我Year 2 Term 1讀咗咩?大學嘅地理原來係讀呢啲?!| UCL Geog Modules

上次好多人投票都話想知我上個term讀咗啲咩,所以而家就找數,希望大家可以了解多啲大學嘅geog係點😆 我都喺呢個post入面推介咗啲相關嘅書畀大家~ 大家記住睇到最後呀!!


Political geography and geopolitics

係我好鍾意嘅geopolitics!見到呢個module嘅時候我二話不說就reg咗~ 喺佢入面教過嘅嘢之中,我覺得最有趣嘅就係political performance呢個concept。你可以用呢個概念套入我地喺新聞入面見到嘅好多事件,例如係北韓嘅閱兵儀式、中國國慶嘅升旗儀式等等。呢啲事件入面會有好多symbols/場面畀你分析到㗎!


Political geog入門書籍推介:

  • Geopolitics and the Event - Alan Ingram

  • Popular Culture, Geopolitics, and Identity (2nd edition) - Jason Dittmer and Daniel Bos


Economic geography

呢個module結合咗econ同geog嘅嘢一齊~ 有econ底嘅會容易啲上手,但冇都完全冇問題。簡單嚟講,呢個module會研究吓care work (例如係點解care work通常會由女人去做同埋點解咁低薪)、internal migration同labour market嘅關係同埋保險呢樣嘢 (例如啲保險點樣設計到令啲人會改變佢地嘅行為,我地稱之為self-governing behaviour)。


Economic geog入門書籍推介:

  • Economic Geography: A Contemporary Introduction - Neil M. Coe, Philip F. Kelly and Henry W.C. Yeung

  • Take Back the Economy: An Ethical Guide for Transforming Our Communities - J.K. Gibson-Graham, Jenny Cameron and Stephen Healy

Development geography

呢個module涉獵到嘅議題到幾廣泛!顧名思義主要係環繞development呢樣嘢。例如點解一定要由MDCs幫LDCs去發展?以人為本嘅發展方式 (e.g. NGO) 係咪真係好啲?Gender inequality點樣係一個development issue?Business-led development嘅成效如何 (e.g. Unilever)?呢啲到係一啲呢個module會探討嘅問題。


Development geog入門書籍推介:

  • Decolonising the Mind: The Politics of Language in African Literature - Ngugi wa Thiong’o


Methods in human geography

呢個必修module係幫我地準備寫dissertation,當中教學內容會分為qualitative同quantitative嘅methods。Qualitative就係例如大家都好熟悉嘅interview、focus groups同discourse analysis,而quantitative就用繼續學用R (Year 1已經教咗啲寄出嘢)。R係要寫codes嘅,所以其實都比較麻煩。我地會用R做statistical analyses同埋mapping嘅嘢~ 雖然過程都辛苦嘅,但當你見到自己喺自己做嘅report到run到啲codes,個成功感真係好大!如果大家都想用多啲R嘅,可以考慮吓讀BA Geog with social data science!呢個soft skill將來喺職場都可能有用~


咁其實geog係咩?

"Geography is what geographers do."

如果要我講,其實geog真係讀晒全世界嘅嘢,只不過係用一個geog嘅角度去切入。再簡單啲咁講,geog就係而家geographers研究緊嘅嘢,好多佢哋研究緊嘅嘢你就咁睇落去都可能同geog冇咩關係 (e.g. literary geography),但其實如果你有睇相關嘅書/papers就會知道佢同geog嘅聯繫!