澳洲升學懶人包 (大學 + Foundation) | 一文解答常見疑問

不知不覺間已經集齊晒英國、澳洲、加拿大同法國嘅升學資訊🤩 今次要多謝 @cher_melbdaily 嘅幫忙,解答大家對於澳洲大學同foundation嘅疑問🇦🇺!


澳洲大學常見問題

報大學嘅申請過程係點?

要喺開學3-4個前就開始報。首先就係報讀學校同埋course,然後申請visa。如果所有野都順利,學校畀咗offer後學校會出CoE (Certificate of Enrolment),咁你就可以去reg科等等之類嘅嘢。最大嘅建議會係搵agent幫你搞,起碼真係唔使煩咁多野,交漏野都起碼會有人同你跟番。


應該係DSE前定係後報?

我見啲朋友有啲係DSE前,有啲係DSE後報。如果喺DSE後先報就要預咗遲人地半年開學㗎喇。同埋都要留意番你個course有冇honours,因為大部分course都會係寫讀3年full time,但就冇include honours。所以如果冇honours 係會早過香港畢業,但如果唔係就會要再讀多年。


DSE成績要求?

其實真係好depends你邊間學校,因為間間都唔同計法 best 5 20就應該係基本,都係會建議問番agent。


IELTS通常要幾多分?

Overall 6.5-7.0。


如果放棄香港offer,淨係報澳洲會唔會太冒險?

其實無論你係想去外國讀書定係喺澳洲讀書,定多條選擇而唔係淨係等香港個offer都好,我會建議你唔好淨係報一間嘅大學。因為真係會好risky,所以無論你想撒魚網咁報晒英美澳紐加嘅大學,定係淨係想報一個地方嘅大學,都唔好淨係報一間大學。但如果唔係的話,純粹放棄香港嘅offer連sem 1都唔讀,其實影響唔大。


澳洲大學嘅生活係點?

其實我諗上堂嘅形式同香港都會幾似。老師都會有幾多問題問學生,都會想同學多啲問野。講到學生,好多都會好主動,每次臨落堂/落咗堂之後都會有人問野,而且都好有主見。So far group project 冇遇過free rider,都冇聽過啲朋友畀人free ride~


Monash University點?

Monash唔錯㗎,science 同埋therapy之類嘅科都幾出名。


澳洲Foundation常見問題

報名資訊?用咩嘢成績去報?

我係從啲留學展覽同埋網上得知報名資訊。如果有agent嘅話,佢地可能會解釋得清楚啲。我係用中五中六嘅成績去報,成績大概要係60%-65%以上會比較理想。嗰陣我有問學校攞埋DSE predicted score去俾澳洲呢邊嘅foundation參考。呢個做法其實對你自己都會有好處,因為學校通常都會predict高分啲。亦都有frd係用dse成績去報,如果係用dse成績去報,其實best 5 10分都ok…


Foundation升番上大學難唔難?

睇吓邊間u同咩course。Melbourne U嘅Trinity College 就出名難升番上大學 (講真要入已經難)。唔同course要升番上大學嘅分都會有唔同。如果好似我呢個case,由Monash嘅foundation 升去Melbourne U 嘅大學係可能有啲難,因為Monash都未必會咁容易放人走~ 不過呢啲都係個別嘅case。


其他常見問題

報大學/Foundation需唔需要搵agent?

強烈建議搵agent,因為佢地真係會幫到你好多。申請visa或者寫personal statement嘅時候都可以俾到啲建議你點樣可以寫得好啲。總之有agent跟一跟會好d!搵agent 好似都唔使特別俾咩錢俾agent, 所以都幾方便㗎~


點解揀去澳洲留學而唔去其他國家?

講到天氣,澳洲嘅天氣同香港都幾似。我自己其實鍾意多啲陽光,所以完全冇諗過英國。美國同加拿大就太遠啦…同埋美國歧視嘅問題都好似有啲嚴重。同埋澳洲嘅音樂系都唔差㗎~

難唔難適應澳洲嘅生活?

我就覺得唔太難適應,畢竟大家都仲後生,適應力都應該強嘅!其實呢邊咩餐都有,只係可能冇咁正宗,但飲食方面就真係唔使太擔心,買嘢各方面都方便~只係天氣就同香港調轉,Melb嘅話天氣就比較涼。即使而家係夏天,都仲係20幾度左右,想去沙灘都覺得凍~

去之前有冇咩特別嘢要準備?

其實冇咩要特別準備㗎,只要學校嘅野係香港已經搞掂好晒,就真係唔使準備啲咩!入境嘅時候帶埋print定嘅visa同埋學校出嘅CoE會比較好,佢地唔一定會check,但可以帶定喺身。


同場加映:好心followers補充

英文要求方面其實嗰邊部份嘅大學接受用DSE英文嘅成績去取代IELTS/ TOEFL等等嘅English proficiency tests(睇返學校,我自己嗰間就係英文Lvl 5以上唔使考TOEFL嗰啲,我自己係呢個情況),唔同科有唔同嘅要求(例如係Nursing或者物理治療呢一啲科目嘅話要求會高啲,所以建議同學早啲準備。因為我身邊有讀呢啲科嘅朋友係考IELTS考咗幾次先reach到學校嘅requirement)。

另外喺學校application fee方面,我自己報咗三間(USYD, UNSW, UMelb), 每間都報咗多過一科,其中一間分開咗兩次報,如果同學都係呢個情況嘅可以send email俾學校問佢可唔可以waive咗個application fee(大部份情況都應該OK)一間大學嘅application free平均AUD150左右


我嗰陣都係搵agent幫手,慳返好多功夫🤣👍🏻同埋雖然我都係考DSE幾個月就報咗 但係我都係揀新一年嘅T1先開學🙈(攞咗conditional offer先會方便啲 到時放咗榜直接交成績就OK)


最後,提提報澳洲既大學所有申請文件要certified!