top of page

畀中四至六嘅建議⁣ | 開學必睇!

話咁快就要開學啦🎒~唔知大家準備好未呢?⁣

今次呢個post就係想畀少少喺讀書同心態方面嘅建議畀大家💡 希望你地開學之後更加有方向🧭⁣


【學術】中四-五
  • 唔使咁急住補習,真心建議大家自己嘗試吓處理嗰科先。雖然補習好似係一個捷徑,但我自己就覺得佢skip咗畀你思考嗰part,更何況網上有咁多免費資源。某程度上如果你習慣咗有人spoon-feed你,就算你捱得過DSE,都唔會捱得過大學啲考試。

  • 唔好亂買坊間嘅補充練習。其實喺呢個時期,老師每教完一個課題,你都可以開始操by-topic嘅past paper架啦!完全冇咩需要再出街買堆練習番嚟,因為佢地好多嘅出題模式都唔似DSE。

  • 睇吓邊科需要整筆記,然後開始慢慢搞。好多人成日都後悔自己冇早啲整筆記,所以其實如果你開始feel到嗰科嘅資料喺教科書到好唔齊全/整理得好差,你就可以開始整份筆記,減輕你日後嘅負擔,亦都方便你之後重溫!