之前有follower話想知道多啲美國升學嘅資訊，所以今次就邀請咗 @une.etrangere 嚟解答大家嘅問題啦❤️
報讀大學嘅問題
報名過程大概係點？
因為每間學校都有自己嘅college essay，application嘅準備時間會比英國大學長好多。建議早一年考SAT/ACT，apply前嗰個暑假開始寫essay。報名全程都係喺Common App/Coalition App網站上面搞。需要準備Personal Statement、college essays、成績單、2x老師推薦信、學校推薦信同ECA。有三種收生安排：Early Action、Early Decision同Regular Decision。Regular嗰round通常係十一月截止，其餘兩個deadline會早啲。收生通知書會喺三/四月出爐。
成績要求？
而家好多大學都逐漸唔睇SAT/ACT。今年疫情關係，大部分都可以waive咗個requirement。一般如果要求SAT/ACT嘅話，最遲可以報十二月嗰個，考完補返個成績就ok。
同埋其實大部分大學都接受DSE成績㗎。學校網站會有個世界各地公開考試嘅conversion table。但係要留意，入學後未必可以用DSE成績計college credits。成績好壞方面，似乎你嘅dream school程度去到邊，但其實美國大學對成績只不過係個benchmark，ECA同社會服務先可以特出你份application。
係咪好睇重ECA？
係！美國啲ECA係越誇張越好XD，好似幫山區兒童起學校嗰啲。諗唔到有咩可以做嘅話，其實校內做多啲社團活動，盡量做leadership positions，或者做多啲義工就可以㗎喇。
Personal statement tips？
Personal statement 要見到你嘅獨特性，有創意、破格嘅essay往往會被睇高一線。要避免好似英國嗰啲style，唔好focus咁多喺academics上面。寫之前建議上網睇下其他人嘅essays攞下靈感會寫得容易啲。
建唔建議搵agent？
如果本身對美國大學唔太熟悉，agent都係一個好嘅選擇。其實好多人都有用agent幫手。我自己就覺得呢個唔係必需品，有agent會方便啲咁囉。
CC嘅報名過程係點？
CC (Community College) 升大學報嘅係transfer application。截止日期係三月。除咗截止日期比較遲之外，報名流程基本上同Freshman入學一樣。通知單會喺四/五月收到。
大學學費係咪貴過英國？
係！美國一個學期嘅學費好似係英國嘅一年。但成個experience係唔同嘅。如果同倫敦啲大學比嘅話，美國喺住宿方面可能會平少少。
大學生活問題
大學文化係點？
開放、自由。咁答好似有啲cliche，但係喺campus你真係會感受到美國做乜都得嘅文化（除咗有警察嗰陣），都幾容易搵到自己嘅一片天。如果心態夠放、鍾意試新嘢/周圍玩嘅話，美國都係一個唔錯嘅選擇。
去美國留學有咩必帶用品？
除咗文具之外，好似冇乜嘢一定要帶過去XD好多嘢都可以買到。
美國生活問題
美國嘅治安點樣？
視乎你住嘅地區～夜晚過咗10點周圍都好危險XD，我學校裡面直程發生過綁架案。因為貧富差距有啲大，社會上面係有唔少矛盾嘅（尤其係依家）。遇到啲咩事，叫警察都未必即刻幫到你。最好避免自己一個出去，同唔好玩太夜啦～
歧視問題係咪好嚴重？
西岸啲人包容性比較高，畢竟呢邊華人都好多吓，所以so far都未遇過被歧視嘅事。但聽講東岸/內陸地區嘅歧視問題比較嚴重。
難唔難適應美國嘅生活？
其實大學嚟講，美國生活都算幾容易適應。難嘅地方可能係地方大，交通會好貴。另外就係地方設施有啲舊，同埋啲街道嘅衛生情況都啲惡劣。但始終亞洲人好多，食物/交友方面唔使擔心。