1. 先整理好要背嘅資料
整理可以分為幾種，你可以用個table整理好啲內容，又或者純粹用bullet points去整理好要記嘅重點。我自己有時都會colour-code份筆記，用幾支唔同顏色嘅螢光筆highlight d key words、需要記嘅數據等等。唔鍾意colour-code嘅話都可以選擇bold咗d重點字眼/句子佢！咁樣就可以方便你重點去溫習嗰d內容啦！
另外，整理啲內容嘅時候都係幫緊你去理解啲內容㗎！理解咗之後就自然容易啲背入腦啦 🧠！
2. 大聲朗讀 + 聽自己嘅錄音
呢個有科學根據㗎🤣 之前滑鐵盧大學曾進行研究發現，大聲朗讀啲內容有助文字同內容嘅long-term memory～ 而聽自己嘅錄音都有相同嘅作用，就就比起大聲朗讀差啲。呢個方法唔單止限於背書㗎，背interview啲自我介紹都work！咁樣除咗可以記到自己想講啲咩之外，仲可以練埋自己講嘢嘅流暢度、自然度同速度添～
3. 抄寫
如果要一字不漏咁背啲野 (e.g. 中文範文)，我會建議用抄寫呢個方法！一方面可以幫你背到你要背嘅嘢，另一方面都可以確保你係識寫啲字！
4. 背完野之後要有充足睡眠
唔係我亂講😂 上網睇過啲研究都係話睡眠有助強化記憶㗎！
「睡眠週期中各階段都有重要功能，能重新複習、組織、過濾資訊，並跟已經存在的相關記憶連結，成為穩固且能靈活應用的知識與智慧。」(Commonhealth.com.tw)