超級感激我好好嘅中同🤩 我記得之前有follower dm同過我講想知呢科嘅嘢㗎～ 所以特登搵咗人嚟share❤️
個post睇到最後你地會發現原來呢篇係警世文lol (誤)😂
UCL嘅BA English 係 under the Faculty of Arts and Humanities 嘅科目，雖然係叫English但其實指嘅係English Literature，想讀嘅同學要準備讀足三年文學啦~
1. Course structure
First year 基本上無得揀，所有人都讀4個core modules: Narrative Texts, Criticism and Theory, Intellectual and Cultural Sources (ICS) 同 Medieval Literature. 基本上係將英國自古至今嘅文學作品簡略教一次，等同學諗定下年讀咩modules. First year 學生每兩星期要交一份2000-4000字嘅essay. UCL English 最正的地方係每人都有personal tutor，定期同你討論essay，仿效Oxbridge嘅tutorial system。
Second & Third Year 一共要讀8個modules，其中兩個係Shakespeare 同中世紀Chaucer，其他Optional 嘅由Old English 至Modern Literature 都有。比較特殊啲嘢有Literary Linguistics 同Literary Representations and the History of Homosexuality，亦可以讀其他European subjects (e.g. Italian)，但quota少啲而考試制度都唔同。
2. 考核模式
First year 嘅grade係唔計落final degree 嘅，但都要考好啲。之後兩年八科desk exam，其中兩科可以轉用coursework essay考(除咗Medieval English modules)，然後最後一年要寫份6000字嘅research essay.
3. 同DSE EngLit 有咩分別？
讀到就會發覺DSE嘅syllabus其實好modern, 亦偏American. 同學有心理準備讀一啲Renaissance/Romantic/Victorian 嘅作品，甚至要學一set新嘅grammar去睇Old English，而且Professor 唔會再一步步guide住你，切記一定要做足reading!!! 會有好多位都係自學/research，不過得返嚟嘅insights都深入好多，好有滿足感。
4. Personal Statement 點寫？
最緊要係表達出你對EngLit 幾有興趣，咪嘥氣講你有咩優點云云。深入講吓你對睇過嘅書嘅insights，表現出你會read beyond the syllabus，有自己獨立見解。
5. Entry Requirements
基本DSE requirement 係英文同數學5，三科electives(有EngLit) 5，中文LS 3。不過UCL競爭大，喺俾conditional offer 前有機會收到一份assessment, 要求你analyse一篇poem同答啲有關EngLit 嘅問題。
6. Career
想留喺英國發展嘅同學其實有好多機會，做publishing 同 journalism 嘅較多，但亦有人做政府工，finance，media同law。不過建議想返香港做嘢嘅人諗清楚，有機會要進修下先搵到工。