留學對我嚟講絕對係一個好好嘅成長過程嚟，佢會令到你更加獨立同成熟。而加速我成長嘅好多時都係一啲比較辛酸嘅嘢～ 大家去得留學就遇咗要經得起唔同嘅磨練🤣 今日同大家分享幾樣哈哈！#吃得苦中苦方為人上人🔥
1. 病都要頂住，要繼續照顧自己
以前喺香港病咗嘅時候，屋企人都會照顧我，例如幫我煲吓粥、同我睇醫生。但去咗英國留學之後，我病咗就唔會有人喺我身邊照顧我。就算病得好嚴重、好唔舒服，都要繼續自己煮嘢食、搵藥食。之前好唔舒服嘅時候，有一刻簡直覺得自己暈咗喺間房都唔會有人知道哈哈哈。同埋嚟到英國之後唔好expect你有病就會去睇醫生。因為啲醫生好少開藥俾你㗎，都係叫你多啲休息(廢話lol)，唯有自己喺香港帶定啲藥過去英國自己醫自己～ 我記得有一次我感冒得好嚴重，夜晚出完街食飯喺條街到諗住買咳藥水食，點知附近嘅藥房已經閂曬，搞到行咗十幾分鐘去超市到睇，點知都係冇...我得到嘅體會就係要好好確保自己身體健康防止自己病，飲食盡量健康啲 (喺香港嘅話我成日食啲邪惡嘅煎炸嘢)、行多啲路當做運動，因為病咗比起平時真係有啲麻煩～
2. 生活嘅大小事都要自己處理
留學嘅其中一個目的就係想自己更加獨立，但有時自己要處理咁多嘢少不免會覺得有啲辛苦哈哈。成日唔識啲嘢點搞、啲嘢食點煮，而又冇得問人嘅時候，我就會 Google ‘how to...’，然後自己再試驗吓～ 另外，有一次試過冬天嘅時候宿舍冇曬熱水沖涼 (其實平時沖涼啲水都好凍呀救命 TAT)，我就唯有自己煲水沖涼，好似以前人地啲原始生活～ 學識處理曬啲家頭細務都係好嘅 #賢良淑德 (誤)
3. 想搵香港嘅人傾訴時，奈何有時差
喺異地少不免都有好多嘢想同喺香港嘅朋友/屋企人傾同分享～ 但問題就嚟啦，由於香港同英國有時差，好多時我夜晚返到dorm嘅時候佢地都已經瞓曬覺，嗰時唯有就揾其他嘢麻醉吓自己 (當然其實都可以揾喺英國嘅朋友傾訴嘅～)，搵啱時間再同佢地講。