香港讀地理你知幾多?| CUHK/HKU/BU Geography/Earth System Science | 唔同大學地理/地球系統科學系嘅分別

大家聽我講UCL Geog就講得多啦,今次想同大家講一講關於喺香港讀Geog嘅嘢,因為有好好嘅follower願意分享一下哈哈❤️~⁣

本港大學嘅地理系特色⁣

其實本港大學嘅geog不外乎都係由4個核心組成⁣


1. Urban Development⁣

🌍 主要包括城市規劃、經濟發展同資源管理嗰啲,算係同而家你地讀緊嘅C4就最接近。⁣

2. Sustainability⁣

🌍 主要包括環境研究同可持續發展,值得留意嘅係呢部份教嘅嘢其實同理學院嘅環境科學environmental science係好相似。其實env sci就係比較偏science嘅,主要讀同ecology有關嘅嘢 (有啲似DSE Geog C5-7嘅嘢),當中亦會涉及比較chem同bio嘅嘢。學嘅課題例如有forest, agriculture, global warming (HKU有啲intermediate course (即以2字為開頭嘅course) 就會教basic hydrology, landscape ecology, climatology等等)⁣

3. China Studies⁣

🌍 就係現代中國嘅地緣政治,資源分佈個啲 (HKU有啲course係講關於一帶一路嘅嘢)⁣

4. Methodology in Geog⁣

🌍 人地成日話geog係一門好common sense嘅一科,但其實佢有時都可以好專業,因為大學會教一啲地理學嘅專業技能,例如GIS、remote sensing、map reading & making同field method等等⁣

🌟 香港亦會將natural geography拆開當做earth sci/ env sci單獨開班。好似CUHK同HKU嘅理學院就會提供earth system science (ESS) 咁。Earth sci 係以自然地理為主,4個spheres嘅嘢都會涉獵到,i.e., (1) Geosphere:Plate tectonics; (2) Hydrosphere:oceanography (ocean currents,coastal嗰啲); (3) Biosphere:biogeochemical cycles (Carbon Cycle嗰啲); (4) Atmosphere:climatology, circulation。簡單啲黎講,佢同你而家DSE有讀嘅C2, C7同E2有關。⁣

🌟 值得留意嘅係,CUHK嘅ESS係非常需要數理底子,因為佢有兩個stream俾你specialise,分別係atmospheric sciences同geophysics(地球物理),數學叻嘅地理迷可以考慮CUHK。

而HKU嘅ESS就比較宏觀,基本上海陸空嘅地理氣象都要學。數理方面,由於HKU嘅syllabus冇CUHK咁專業化,所以唔需要學太多數學,好多時候都係sub數、加減乘除就算。不過HKU要學基本python program去做data analysis。


更多資訊:
HKU ESS: https://www.scifac.hku.hk/prospective/ug/6901-bsc/majors/earth-system-science
⁣CUHK ESS: https://www.cuhk.edu.hk/sci/essc/

🌟 其中HKU更開設Geology地質主修,係全港唯一嘅,對plate tectonics, dynamic earth特別有興趣嘅可以考慮吓!⁣


更多資訊:https://www.scifac.hku.hk/prospective/ug/6901-bsc/majors/geology#:~:text=The%20University%20of%20Hong%20Kong,postgraduate%20studies%20in%20the%20geosciences.

唔同大學嘅專精領域 (concentration areas) 有咩揀?⁣⁣

1. CUHK GRM⁣⁣

🌍 Geo-spatial Data Science⁣

🌍 Physical Environment & Resource Management⁣

🌍 Urban and Regional Development ⁣

🌍 Smart Sustainable City ⁣

✨ 另一位follower提供補充🙏🏻:19/20學年開始入學嘅freshman都可以declare major concentration area。只要讀夠concentration area course list要嘅credits就得~


2. HKU Geography⁣⁣

🌍 China & the Pacific Rim⁣⁣

🌍 Environment & Resources⁣⁣

🌍 Tourism & Leisure⁣⁣

🌍 Urban & Transport⁣⁣


3. BU Geography⁣⁣

🌍 Geographical Methodology⁣⁣

🌍 Physical and Environmental Geography⁣⁣

🌍 Human Geography⁣⁣

🌍 Regional Geography⁣⁣

⁣⁣

🌟 每間U focus嘅嘢都唔同,想了解深入啲可以直接去佢地既官方網站到睇佢地個course list~⁣⁣

⁣⁣

More about HKU Geog⁣⁣

1. 課程內容⁣⁣

🌍 HKU Geog嘅introductory course (即以1字為開頭嘅course) 就類似AL程度嘅嘢,唔算太難。⁣⁣

🌍 HKU Geog嘅intermediate course除咗同上次講過嘅sustainability同china studies比較有關,亦都同business同economics幾有關係,所以你唔使怕讀嘅嘢千篇一律。例如有:⁣⁣

👉🏻Financial Geography ⁣⁣

👉🏻Economic Geography⁣⁣

👉🏻Tourism and the Shrinking World, Recreation & Leisure in Modern Society, Tourism Policy Planning (類似旅款嘅嘢)⁣⁣

🌍 而HKU嘅advanced course (即以3字為開頭嘅course) 就偏向environmental science。⁣⁣


更多資訊:https://www.geog.hku.hk/

2. Field trip⁣⁣

🌍 HKU Geog唔算多field trip,但指定嘅course (e.g. 關methodology事嗰啲) 都會有field trip俾你去~⁣⁣

🌍 而overseas field trip就會當係final year project (FYP), 有幾個地方可以俾你選擇。基本上就係去完個field trip之後就番黎寫個field report,而往往個FYP喺year 3嘅暑假就已經會完成,變相year 4唔會chur~⁣⁣

🌍 另一邊箱,HKU嘅earth sci同geology就較geog多field trip, e.g. 之前曾經有得去台灣、日本等等⁣⁣

⁣⁣

3. 考核模式⁣⁣

🌍 眾所周知香港嘅應試教育係「非常發達」,而佢係大學入面都係一樣情況,以HKU為例,我地嘅geog course都係50% assignment + 50% exam。⁣⁣

🌍 考核嘅都係不外乎以lecture slides為主。不過,值得一提係geog嘅reading唔一定係千字文journal,有時反而係啲外國小冊子,歐美科學機構嘅article同report為主,好似水管理就會引用番聯合國嘅調查報告咁。⁣⁣