考試係好講臨場表現嘅。我諗冇人會想自己一直以黎付出嘅努力因為自己緊張而化為烏有。咁點樣先可以調節倒自己嘅心裡質素、唔好令自己太緊張？*有緊張嘅情緒係正常，但過量嘅話就會有反效果。
1️⃣ 前一晚早少少瞓，第二朝早少少起身
臨考前嗰晚，其實都唔溫得幾多野，不如索性早少少瞓，養好精神。瞓之前可以執埋書包先，費事自己朝頭早趕住執執漏野。第二朝我會早少少起身。除咗食輕量早餐，我都會把握最後關頭睇多一次我mark低咗好重要嘅notes/points，畀自己一個安心😂 然後最後尾就早少少出門口去考場。千其唔好諗住google map寫你需要幾多時間，你就直接跟佢。你真係需要預鬆少少時間，咁樣亦都唔會令你咁緊張。
2️⃣ 到考場之後我會食朱古力定驚🍫 之後臨考前就飲水
唔知係咪真係有效，但心理作用一定有😂😂 朱古力記住食黑朱古力 (>70%)，可以促進大腦分泌多巴胺，令自己冇咁緊張。另外，臨入考場之前我會飲水。因為之前有研究話考試前飲清水，成績普遍黎講會好d🤣 (信不信由你) 因為佢話可以令到你思考更靈活同埋幫你鎮靜神經，等你喺考試途中唔會因為口渴分心而影響表現。但我建議大家唔好飲太多，考考吓急尿去廁所就唔好啦🙈
3️⃣ 唔好再睇手機
專心進入考試模式啦！睇手機不外乎就係上ig、fb嗰d，見到人地尋晚/今朝溫咗咩或者話自己好有信心定點一定會令你更加緊張。