點樣操 DSE Geog 中學文憑試地理科嘅past paper?

雖然之前已經喺一個講關於geog溫書流程嘅post到略略講過應該點操pp,但仍然有好多人問我呢個問題,所以今次決定詳細少少咁講!⁣

1️⃣ DSE⁣

所有DSE嘅題目我基本上都會做曬 (除咗essay)。MC嘅話,我by topic同by year都有做過。By year嘅話我覺得淨係適合S6臨到差唔多DSE先咁做,因為個目的都係想睇吓自己時間管理點。By topic嘅話比較有針對性,有邊個topic唔熟/就黎考試就操番邊個,同埋咁樣你會比較容易搵倒d伏位出黎。DBQ嘅話,你要識得點答嗰題嘅內容固然重要。但大家千其唔忽略d提問字眼呀!唔識答題某程度仲慘過你唔記得d內容,因為一來你個分數會cap咗喺一個位,二來其實DBQ嘅sources點都有d hints畀你,你唔使擔心要記得曬自己溫過嘅野 (有時你答咗一d書有但source冇嘅points你仲會冇分添!)。Essay方面,研究提問字眼同樣重要啦~ 你亦都可以從essay題目分析出你究竟需要更詳細咁溫邊d部分同埋需要背番d咩例子咁。另外,DSE marking scheme入面有一樣野係好多人忽略咗架!佢就係candidates' performance啦⚠️ 睇完之後你就可以掌握倒d考生普遍會犯d咩錯。咁呢個時候如果你覺得自己都有機會犯嘅話,就記住mark低佢啦!⁣

2️⃣ CE⁣

我覺得CE入面嘅MC同DBQ入面好有參考價值🤩 當你將CE同DSE嘅MC by topic咁操,你就可以一次過發現倒好多伏位,清concepts一流!至於DBQ,我都係冇時間做曬所有,有時直接睇marking算😂 我覺得睇marking最值得你留意嘅就係入面用咗嘅geog terms,因為嗰d好可能係攞分位黎架😌⁣

3️⃣ AL⁣

我主要睇AL而又喺dse syllabus入面嘅essay,因為佢地成日喺DSE到翻炒架 (可以睇圖/上geogaholic.com睇成個pdf啦,我已經幫大家整理好) 🤭 咁我就唔會真係寫篇essay出黎,畢竟有太多題,而我時間都有限。咁你可以選擇諗吓points然後就睇marking scheme,又或者直接去研究marking scheme。你亦都可以留意埋咩提問字眼應該用咩方式去答。⁣