1️⃣ 避免食生冷+煎炸食物
我知好難忍口😈 但如果你一病咗，就會影響你嘅溫書進度，甚至係應考當日嘅狀態！所以，呢排就唔好食呢d野住啦👊🏻！DSE之後大把時間畀你出去食好西🤤 記住食多d菜同生果，總之就均衡飲食lol😆
2️⃣ 開始調整自己嘅生理時鐘⏰
考DSE嘅時候應該每日都要幾早起身吓，所以大家而家就要開始習慣吓！試吓早少少瞓，早少少起身，然後確保自己朝頭早嘅狀態係ok、個腦係運行倒嘅😂 同埋如果你知道你考DSE嘅時候，屋企人已經唔喺屋企 (冇得喺你賴床嘅時候叫醒你)，咁你都要習慣埋一聽到鬧鐘就起身！如果唔係到時遲到就大鑊啦！
3️⃣ 就黎冇動力...可以點？
適當嘅休息好重要～ 冇動力嘅話不妨將手頭上嘅野暫時放低一下，然後聽吓音樂/小睡片刻放鬆吓。你都可以一邊播youtube上面"study with me"嘅影片，一邊溫書📖。另外，我之前冇咩動力嘅時候就開咗個list寫低自己DSE之後有咩正野可以做，真係成個人都有動力d，想快d衝埋呢個最後階段🤣 好快就會辛苦完架啦💪🏻🔥