其實如果大家平時喺學校paper 3唔係考得太好，都唔使咁灰心(真心)。我嗰時喺學校嗰分都一般般哈哈🙈 咁係因為通常學校d卷都好低質、好離地，完全冇跟到dse嘅遊戲規則。另外，就係可能大家未真正操卷，所以都未掌握倒應該點應對呢份卷。所以，今次我就會同大家分享一下呢份卷有d咩要注意/應該點做，希望幫到迷惘中嘅大家😘
1.做 listening嗰part要超級小心
如果你個答案同marking scheme有少少唔同 (eg 漏咗個"the", "s"或者唔記得大階)，都有可能會被扣分！所以，我嘅做法係喺listening嘅預備時間嘅時候就會估吓d空格需要我填d咩。「估」唔係真係亂估呀！有幾種方法可以提高你答題嘅命中率。(1) 諗吓嗰個blank係填noun/ verb/ adj等等; (2) 如果佢上面已經示範咗嗰格係點填，你下面嘅答案都應該跟番嗰個format; (3) 如果嗰格係要填地址/人名/國家名等等，就喺嗰到mark低要capitalize第一個letter！
2.成日寫唔切listening d野可以點？
我覺得好多人寫唔切d野都係因為佢地好執著要寫full sentence或者一d字嘅全寫😂 其實listening嘅步伐真係比較快，你應該喺預備時間嘅時候就諗定d keywords (喺份卷到不斷重複嘅字眼) 嘅縮寫，咁到時你要jot低d野嘅時候就可以快好多！除咗d keywords可以寫abbrv.，其他字一樣可以架，只要你自己睇得明就ok🤣 例如我習慣咗寫 ∵/bc (because), ∴ (therefore), u (you), sb (somebody)等等...
3.做paper 3 d tasks嘅時候個順序應該係點？
講吓我自己嘅做法畀大家聽。首先，我會睇咗個situation入面嘅第一段先，等我可以清楚了解倒自己嘅role係咩。之後，我就會去睇封email (ie 第一個source)。email入面會話畀你聽嗰3個tasks分別係d咩，咁我就會用3隻唔同顏色嘅highlighter highlight住個genre同佢地分別需要include d咩。然後，我唔會直接睇data file入面其他source住。我會先睇data file嘅contents page，大概咁配對番邊個tasks需要邊個source。雖然咁做唔可以100%完成配對(因為有時一個source可以用於2 tasks，要睇曬篇野先會知)，但可以好粗略咁幫我地縮窄範圍，唔使真係每篇source都睇完先再諗(其實你都唔會有咁多時間)。做完呢個step我就會睇一睇答題簿啦。呢到有個好重要嘅hint，就係佢咪畀咗一句文字話"write a (genre) using information from the B2 Data File (and your notes)"嘅。如果佢有mention到"and your notes"，咁即係代表嗰個task需要你喺listening note-taking sheet到jot低番d相關嘅資料。咁我就會諗埋listening note-taking sheet入面d headings係畀邊個task specifically，等我更清楚我需要摘錄d咩資料啦。