1. 做戲係基本😂
係呀，你冇睇錯，係做戲呀！入房前如果你係第一個就敲門，如果係最後一個就記得閂門啦～入房後就禮貌地用雙手將張分紙遞畀d markers。你可能覺得呢d門面功夫好無聊，但留個好印象冇壞架嘛，DSE咁重要當然唔好同分數作對🧐
到考嘅時候，你都要交足戲😂首先，組員講野嘅時候就算你真係聽唔明都好，都請你點頭去增加你嘅投入感。第二，你自己講野嘅時候就要望吓d組員，唔好不斷望張cue card！eye contact超級重要呀！如果你坐最左/右就通常唔使擔心自己同其他組員冇眼神接觸嘅，但若然你係坐中間嘅話，就記住要望吓左同望吓右(自然地！)。順帶一提，你係唔應該望d markers嘅，你專心投入個discussion就可以！我知大家都會緊張想快d完，但請你都唔好成日望住個timer呀！其實緊張嘅時間會好快過🔥
2. 留意發言結構
你每次講野都唔可以好似平時同朋友講野咁，「唔經大腦」、毫無組織就衝出黎講😂 考oral嘅時候，往往你諗好、組織好先講會比較理想（同埋你會有信心d）。我通常發言嘅時候首先會回應(可以係同意/唔同意人地講嘅野+原因)/paraphrase/elaborate on人地嘅觀點，然後就帶入自己嘅觀點。我闡述我嘅觀點嘅時候會用番我打geog notes嘅方法🤣，將個flow講出黎，等人地容易d理解倒你想講嘅野同埋自己都唔會咁亂（你知緊張嘅時候思緒會好亂架啦💩)+唔解釋就突然跳去個結論。
另外，individual response都有結構可言。我嗰時答條問題就有從2個aspects去講，咁樣個marker會覺得你嘅思路好清晰，好容易follow～
3. 發言次數多＝高分d？
如果冇記錯，我應該淨係講咗兩次野🤔 其實當時並唔係我冇野講，而係其中一個組員take d turns太長... 所以講野講得越多並唔代表越高分。反而，你應該著重你每次嘅發言質素（例如你有冇回應/paraphrase到其他人嘅發言？你有冇提出另一d角度去切入個問題？）。當然，唔係話你講一次野嗰次超高質就會高分，而係講緊你唔應該以發言次數多作為高分嘅指標。
4. 發言時間越耐＝越好？
我嘅dse eng speaking經驗簡直係一個災難😢(之前有fol開我應該知)。到而家我仲記得當時有個男仔組員佢英文好一般，每次講野都好唔流暢又講得超耐。其實咁樣只會自曝其短🤔，所以keep everything precise就可以！你霸多d時間講野其實對你自己，甚至係全組人都毫無益處。因為group discussion唔係個人短講，唔需要你一個turn講勁耐。反而，你應該講短少少，畀其他組員一個回應嘅機會，等可以有d interactions，促成一個成功嘅group discussion～