上次就講咗幾樣english speaking時需要注意嘅事項 ，今次我就想講吓點樣可以進步倒自己嘅說話技巧/ 流暢度/ 諗points嘅速度。
因為我冇參加過出面嘅英文mock/ 報補習班，所以我自己就淨係喺學校嘅課堂/考試先有機會練倒speaking嘅。咁你可能諗：你唔join嗰d點樣可以爭取更加多機會練speaking呀？其實自己一個都可以練架😆 通常我就會隨機揀份past paper黎做，唔睇source直接睇題目。之後，我就會畀一分鐘自己逼自己諗d points同組織好點講(其實dse唔需要你一定refer to個source，所以就算練習嘅時候唔睇都冇咩所謂)。咁成個過程唔需要好formal嘅，志在畀機會自己喺比較impromptu嘅情況之下講吓英文。同埋喺呢個過程入面我就比較少用紙筆寫低自己想講嘅points，因為我想養成一個少d依賴cue card嘅習慣。至於individual response同上面嘅做法差唔多，揀條題目畀自己即刻講。
我亦都建議大家可以錄自己音😂 雖然聽自己把聲你會覺得有d奇怪，但事實上你可以聽吓自己講成點，諗吓有d咩可以改善。
仲有其他follow-up actions可以做嘅。例如，你可以上網搵番嗰個issue嘅相關資料，睇吓嗰個theme入面有d咩常用嘅terms而你又唔識嘅。見倒唔識嘅話就抄低佢/ 打落個doc到整成一個list方便自己重溫咁。
最後，都想講番其實一group人練都有佢嘅價值嘅👷🏻♀️ 始終speaking好著重隊友之間嘅溝通，係需要大家交流而唔係自說自話嘅。但係呢到提供另一個方法畀大家，係想話畀你地聽唔一定要等到有機會練先練，自己一個都已經可以練架啦！咁樣想升grade就冇難度啦🆙🤩