知道好多人都想參考吓我溫geog時嘅流程，今日就分享吓啦～
1. 課堂前預習睇吓自己唔get邊part
我覺得預習對於我嘅學習進度有好大幫助。一黎可以確保自己跟得上課堂嘅速度(你知有時唔夠時間嘅話，d老師就會開始衝書)，二黎上堂嘅時候可以重點留意番自己原本唔明嗰part。
2. 上堂嘅時候抄notes，番屋企打notes鞏固自己學咗嘅野
我老師當時有用ppt同派WS。因為嗰d睇落去唔係好詳細，所以佢會喺口頭上補充/喺doc到打d supplementary info畀我地。我往往覺得呢d係最精華嘅野😆 番到屋企之後我就會整理番嗰日學咗嘅野。除咗整合番老師嘅ppt、WS同佢畀嘅extra info，我都會上網搵吓資料- essay嘅例子又好，一d更深入嘅資料又好。其實整理嘅過程已經算係溫緊書架啦
3. 打完notes同理解曬d內容之後我會先操by-topic MC
做by topic MC去最好同最快嘅方法去test吓自己係咪真係明d野。因為有時你以為自己明咗，但其實有d細微位你都可能會忽略咗，以致你畀d MC伏咗你。做完MC之後對答案睇吓自己啱幾多固然重要，但更重要嘅係你明白點解你某d題目會錯咗(買番本joint-us solution可能幫到你，個人覺得有少少參考價值，但有d部分仍然寫得好一般) - 係你careless定係你中咗伏呢？明都唔夠架，最好搵本簿寫低佢/開個doc打出黎/加埋入自己份notes到，方便自己日後重溫。
4. 操完MC後，我會開始背吓野
簡略咁溫完之後，當然要深入d咁溫去應付DBQ同essay。應該點溫？呢個時候就輪到自己份notes出場啦～我會review一次成份野，再重點背d geog terms, 例子同d points嘅flow。之後我就會做吓DBQ同essay，做法有兩種嘅- (1) 真係當exam咁寫曬d答案出黎; (2) 就咁諗吓d答案。我通常會用(2)嘅做法，因為比較省時🤣 做/諗完之後一樣會研究marking！睇吓要寫d咩terms先中marking、d 考生常犯嘅錯誤(睇後面candidates' performance)。見倒有用嘅points同d伏位同樣可以記低佢，咁就可以令自己份notes更完美同更貼合自己嘅需要啦！
5. 書又溫完，卷又操完，仲有咩可以做？
有d人可能覺得geog溫咁多課好辛苦，但正如我之前講過真係要work SMART instead of work hard！即係點？如果你讀完咁多課，你應該會開始figure out倒唔同課題之間嘅關聯/ overlap嘅地方～咁通咗呢d位嘅話，你就應該會溫得輕鬆d啦！
另外，我唔建議大家買出面d mock/exercise黎做。我基本上買咗大部分市面上嘅geog野番屋企睇，但冇一本高質。例如，Kxxdy出版社嗰本mock連答案都有出錯...... OXP嗰本FBQ超級離地，完全唔dse-oriented... 與其花時間喺呢d，不如專注喺past paper先。做past paper已經好夠架啦👍🏻