一路以嚟好多人都有問過我surveying, urban studies, GRM, planning, urban governance同archi之間嘅分別，今次呢個post就解答到大家呢個疑問喇！呢個post除咗整合咗我之前其他posts嘅資訊之外，我都新增咗一位follower為我提供嘅surveying資訊❤️ 好多謝大家咁熱心！希望幫到各位同學🔥
特別鳴謝之前分享過相關學科資訊嘅各位🥰：
@baetutorr
讀HKU Urban Studies嘅朋友
讀CUHK GRM嘅follower
Double major geog + urban governance (HKU) 嘅follower
呢幾科究竟有咩分別？
呢幾科讀嘅嘢都係同built environment有關，所以佢哋必然有overlap嘅地方。佢哋主要嘅分別係佢哋嘅focus喺built environment industry入面嘅唔同面向。
Urban planner、surveyor同architect喺一個project裡面其實可以話係負責唔同stage嘅嘢。Urban planner負責最早嘅規劃工作，architect 負責construction前到construction完結嘅工作，而surveyor就幾乎出現喺每一個stage。
Surveying 測量
相關本地課程：
CityU JS1201 - BSc in Surveying
HKU JS6016 - BSc in Surveying
PolyU JS3789 - BSc in Surveying
香港嚟講主要分為3個streams: QS (Quantity Surveying)、BS (Building Surveying) 同GP (General Practice Surveying)。佢哋讀嘅嘢包括：計劃一個project嘅budget、驗樓、物業估值等等。
讀完個degree之後，做兩年實習之後就可以考APC試 (Assessment of Professional Competence) 正式做測量師！
HKU vs Poly Survey
上述提到，其實測量有好多個stream。Poly嘅課程係頭兩年所有嘢都要讀，Year 3開始就要喺5個stream到揀一個stream去specialise (QS/ BS/ GP/ Planning and Development/ Property and Facility Mangement)，變相year 3就要決定你之後係做邊一樣測量。
HKU唔需要你揀stream，4年裏面乜都要讀晒。
實際上Poly嘅practical knowledge同technical skills應該會比HKU勁，而一直以來Poly Survey個名同口碑都唔錯。
HKU嘅課程比較多注重theory同presentation，行出嚟比較presentable，市場上普遍覺得HKU個名比較prestigious，所以出路比較闊容易轉行。
Urban Studies 城市研究
相關本地課程：
CUHK JS4838 - Urban Studies
HKU JS6042 - BA in Urban Studies
同urban planning好似，只係qualification唔同，因為多數啲undergrad同冇RTPI accreditation嘅master programme名就會係urban studies而非urban planning (好似HKU Urban Studies咁)。總之如果你係想讀planning嘅話，建議你睇清楚佢有咩accreditation同睇吓課程內容，邊樣貼近你有興趣讀嘅嘢多啲~
HKU VS CUHK Urban Studies
CUHK嘅urban studies係under faculty of social science。
HKU嘅urban studies係under faculty of architecture，所以HKU會早啲教用Photoshop等等嘅app同focus多啲喺arts上面。
CUHK嘅課程認證受到RICS同埋RTPI嘅認證。
HKU嘅課程受到HKIP同RTPI嘅認證。
喺香港讀完urban studies而想做urban planner嘅話就一定要讀Master，如果唔係就唔會考到牌。
CUHK Urban Studies vs CUHK GRM
Urban studies學嘅嘢比較集中喺城市規劃設計/管治上面。讀完theory啲野之後真係會落手落腳砌model、學用唔同嘅software。所以，我覺得佢地chur過GRM。
GRM喺城市嗰方面學嘅野冇urban studies咁深入，唔會學用software去砌model咁practical。所以如果有志學多啲城市規劃嘅嘢，最好就揀urban studies。
HKU Urban Studies vs HKU Urban Governance
Urban Governance就係讀從地理角度去講urban planning。首先intro course會教啲basic concept同 principle，之後嘅advanced course會用到香港做case study去學點樣有效規劃城市。而今年department新嚟咗一個韓國lecturer，所以有個course係用South Korea做例子。同埋佢有分三個stream: Urban planning and Transport Management/ Sustainability and Development/ Urban Economy and Society，你哋可以specialise一個theme或者溝埋嚟讀都得 。不過總括嚟講，urban governance 比較似係將啲同urban有關嘅geog/soci/poli/sowk course放埋一齊，好多都唔關planning事。有啲唔太關事嘅course例如climate change同political geog都可以作為urban governance嘅主修要求（當然都有好多關事嘅course e.g. urban geography, transport, urban planning, urban culture etc.)
Urban Studies就應該比較practical啲，需要學用software砌模型。佢會偏向archi多啲，而urban governance就偏向soc sci/ geog多啲。
Urban/ City Planning 城市規劃
相關本地課程：
CityU Master of Urban Design and Regional Planning
CUHK Master of Science in Urban Design
HKU MSc in Urban Planning
HKU MA in Transport Policy and Planning
HKU Master of Urban Design
PolyU MSc in Sustainable Urban Development
香港係冇urban/ city planning嘅undergrad讀，要讀嘅就要去外國。
主要係讀點樣善用城市嘅空間，點樣分配土地用途，喺呢幾科嚟講可以話係讀啲比較宏觀、macro-scale嘅嘢。讀嘅課題可以包括real estate、urban regeneration 、urban design等等。另外想讀呢科嘅，數學唔需要好好都ok！
Architecture 建築
相關本地課程：
CUHK JS4812 - Architectural Studies
HKU JS6004 - BA in Architectural Studies
HKU JS6028 - BA in Landscape Studies
CityU JS1093 - ASc Architectural Studies
主要係讀點樣為intended user group善用空間同最大限提高使用率，比起urban planning，architecture讀嘅係一個比較細嘅範圍，而唔係好似urban planning咁讀一個好大嘅area。讀嘅內容主要有building structure, architecture history, interior design, building materials and technology等等。有畫底同art sense嘅讀呢科都比較有著數！
如果想成為建築師，讀完undergrad之後就要做一年實習，然後再讀一個為期兩年嘅master，之後再做1-2年實習。最後尾通過HKIA嘅考牌試之後就可以註冊成為建築師！