top of page

考DSE前及期間嘅心理調整

之前都講過:「心態決定境界」,今次想講吓DSE前(study leave期間)同DSE期間應該點樣調整好自己個心理質素!


DSE前

我覺得呢段時間最緊要唔好諗咁多😂 即係你盡可能淨係諗住自己個目標然後不斷衝🔥 其實當你不斷操卷/溫書嘅時候,某程度上都麻醉緊自己🤣 冇咩時間諗其他負面野啦~ 另外,就係冇咩必要同人比較。d人成日見倒其他人嘅溫書進度好似好快,然後就驚自己溫唔切。但其實如果你都plan好曬,知道自己一定夠時間溫曬,又何必逼自己同人地嘅進度一樣呢?溫得慢d唔代表你溫唔切/溫得唔夠人好🤔 亦有人會覺得自己好似溫唔曬d野就要考DSE咁,咁其實你身邊嘅人又何嘗唔係🤣🤣? 我覺得溫書係唔會有一個完結,即使你溫到100%,你都會覺得自己可以溫耐d溫到200%。最後尾,其實你盡咗力溫d野就ok啦!


DSE期間

而家講可能尚早,不過見講開就講埋,大家可以save低個post遲d重溫番~DSE除咗係考你嘅智力,亦都會考驗埋你嘅心理質素!我完全明白考DSE期間你會有好大壓力,呢個係完全正常嘅事!但你要做嘅野,係點樣唔畀d壓力過大而影響倒你嘅臨場發揮/之後d卷嘅表現!諗番起我都覺得自己當時唔應該考完每科都去對卷😂 因為真係打擊好大lol💩 但我知大家都好難忍倒🤦🏼‍♀️ 最有效嘅方法應該係unfollow曬ig/fb/youtube所有有可能會post答案嘅account🤣 另外,我覺得如果你唔係去自己間學校到考試,盡可能都預先探吓路,預吓要用幾多時間同jot低要搭咩車+點行等等,然後到真正考試嘅時候就唔會咁怯!仲有,我自己就係會早少少起身睇多一次d notes定吓驚先再出門口嘅,如果大家覺得有用都可以試吓!

bottom of page