​讀書、海外及本地升學心得分享

課程結構 Year 1同year 2大部分都係以讀history為主。Year 1只會有1科入門教你寫politics essay，其餘都係compulsory，不過會有40 credits畀你揀discovery modules (同自己本身讀嗰科唔同嘅嘢)，呢啲就要自己衡量。 究竟讀啲咩？ 就係瘋狂睇文、書又好、journalist article又好，都係睇。睇完一大堆嘢就寫，除咗睇文第二個highlight就係sem尾有個類似小型會議咁嘅嘢，好考英文水平。其餘嘅就冇咩特別 group presentation呢啲大路嘢就唔深入講了。 同想像中有咩出入？ 其實都冇咩出入，要有全部同學都係外國人嘅心理準備囉。 適合咩人讀？ 呢科就適合啲英文好嘅人讀，好似我英文唔好嘅話睇書都睇死。亦都適合鍾意思考嘅人讀，但係如果要靚grade，要有chur嘅心理準備，好多readings要睇。 考核模式 上文都提到交assignment (essay)係主力。其他科都會有group presentation同考試。Exam到最後都係寫essay，所以essay寫得好係非常重要嘅。 收生要求 我就係讀DSE嘅，分數唔夠入呢科。因為佢A Level 嘅entry requirements 要A* A A，換返條數係5* 5 5，但係我讀咗Leeds uni開嘅international foundation year，夠6成就可以升year 1。 點解揀呢間大學？ 老實講，揀呢間大學都係因為臨急抱佛腳。不過consult過一啲師兄師姐，覺得唔錯就揀咗。我就覺得自己有少少揀錯。Leeds最出名係clubbing，但係我就唔好呢範。如果你係對落club落bar感興趣，Leeds絕對會係你好嘅選擇 。 除咗呢樣，因為本身濕疹嘅問題，環境亦都係我concern之一。我住嘅宿舍係森林隔離，空氣好，香港人嘅鼻敏感問題都會好好多。唯一問題就係成日落雨，個人會有少少depressed，不過習慣左問題就唔大。另外由於地理位置比較北，冬天長期零下，怕凍嘅人要注意返。 出路 英國會比較多出路，香港嘅話出路都係教書或者從政，或者考政府工。

應該係第一個media and communications嘅post～ 之前你地都有人request想睇嘅😆 多謝投稿嘅有心人❤️ 課程結構 Year 1-3都可以喺compulsory以外揀唔同嘅elective。我media and communications嘅話就可以揀唔同嘅creative media (設計poster、網站、拍片）。 Year 1唔計分，year 2佔40%，而year 3佔60%，year 3要寫長文FYP。 究竟讀啲咩？ 讀唔同關於傳媒、社會同媒體產品相關嘅理論。例如我地應該用啲咩方法嚟研究媒體，一啲有關媒體嘅爭論、新聞同政治、權力嘅關係，甚至係一啲我地日常生活經常用嘅，例如hashtag、memes背後嘅理論。 同想像中有冇咩出入？ 少少啦，因為本身以為會好似香港啲朋友咁，可以自由揀科，pack到個schedule好滿咁，點知我呢科每個禮拜淨係得8-10個鐘要上堂，其他時間都要自己睇readings/準備下禮拜嘅嘢，變相好考自己嘅自制能力。
適合咩人讀？ 我覺得係啲expect讀大學係真係學知識，而唔係成為專業人士嘅人。因為暫時嚟講讀呢科最大嘅好處就係真係知多咗呢個世界好多野，同時亦都可以用一個學術性嘅角度去分析，同friend傾偈亦都可以有多啲角度，有多啲野講。 教學模式 都係普通lecture同seminar。
考核模式 寫essay (1500-3000字嘅都有)同portfolio (反思吓每個禮拜學過嘅嘢，睇過嘅readings)。 收生/成績要求 DSE: 544，包括2個electives，而英文至少要有5，因為要呢科要寫文 IELTS (academic): Overall 6.0，每個subset至少有5.5 點解揀呢間大學？ Sussex喺media行業裡面出名，而Brighton亦都係一個幾chill嘅地方，有唔少地方可以去，有返個work-life balance。

繼上個post之後，今次又有Durham嘅分享！想知道business呢科喺Durham係點同埋間大學係點就要睇呢個post喇🤩
究竟讀啲咩？ 第一你會有6個modules，下面我會略略講解吓每個大概係讀啲咩，等你地有個概念呢科係點。 People, management and organisation- psy for business management, how to motivate, take perspectives and approach various of cultures (mainly the first two) Changing world of business- events could impact business or the industry as a whole, we get to learn how to keep up with the latest news and adapt accordingly Strategy in practice- strategise…you get to be put in a simulation with a team, and as time progresses you and your team has to plan ahead and take on various of executive roles to keep the business afloat (in seminars) Accounting for managers- 其實就係BAFS，但係比起DSE就會有多啲analysis Introduction to Business Research- everything you need to know about research papers (for your summatives and references) qualitative and quantitative... Marketing Principles
呢間大學點樣？ 好處 同老師嘅interaction幾好同埋佢地啲feedback都好有用 Student support幾好 有好多non-academic嘅嘢可以畀你去試同玩 排名幾高 有college system，比較特別
壞處 Location比較偏僻，距離啲main cities比較遠 大部分香港人都會喺呢度讀law而唔係business呢科 好多香港人都係喺Durham foundation到升返上嚟，所以你有可能會喺DUHKS嘅OCamp到覺得有啲被left out嘅感覺 收生/成績要求 DSE: 5 5 4 in 3 subjects from any combination of Group A Electives, Core Mathematics, and Core English Language IELTS (academic): Overall 6.5，每個subset至少有6.0
有啲咩建議畀同學仔？ 報degree嘅時候留意返佢係bachelor of arts (BA) 定係bachelor of science (BSc)。BA會係theory based，而BSc就係比較practical，講求應用方面嘅嘢。 揀UCAS choice嘅時候可以著重多啲整體嘅experience會係點 (透過上網做research)，而唔係淨係因為間學校嘅reputation或者嗰科就做個決定。

係大家request想睇嘅犯罪學💁🏻‍♀️ 今次呢科有Durham同Lancaster嘅分享，多謝兩位有心人❤️ 希望幫到大家揀UCAS嗰5個choices啦～ Durham Criminology L370 究竟讀啲咩？ 主要讀關於犯罪同犯罪行為嘅嘢，例如係一啲犯罪學理論同埋England同Wales嘅刑事司法系統。同埋都要讀吓social research，例如係data analysis同sampling等等。 同想像中有冇咩出入？ 有少少。我以為會讀多啲law同psychology嘅嘢，但係之後發現其實犯罪學係一個sociology嘅sister degree咁。 要有咩心理準備？ 要有心理準備要睇好多readings。如果你本身嘅writing同analytical skills比較好都會有著數，但係如果你呢啲skills一般嘅話，個course都會教你嘅。 教學模式 都係lectures同每兩個禮拜一次嘅seminar。同埋有時我地啲professors會搞啲drop in sessions，我覺得佢地好有用。 考核模式 主要都係寫essay。第一年嘅話就淨係得兩個考試for core modules，而第二年嘅話就淨係得一個考試for core。 點解揀呢間大學？ 我揀呢間大學主要都係因為佢整體嘅reputation都幾好同埋佢有一個collegiate system。而值得注意嘅係，有啲大學會提供BSc degree而唔係BA degree。同埋其實犯罪學呢科喺唔同大學都會有啲唔同，有啲會係law based，有啲就係psychology based，而Durham就係比較sociology based嘅。 收生/成績要求 DSE: 5 5 4 in 3 subjects from any combination of Group A Electives, Core Mathematics, and Core English Language. IELTS (academic): Overall 6.5，每個subset至少有6.0 Personal Statement Tips 顯示出你對犯罪學呢科好有熱誠。同埋建議大家真係要做吓research，例如係睇吓書或者係take一啲短嘅course，從而了解吓犯罪學真正係啲咩嚟。另外，如果寫埋工作經驗落去就最好喇，不過都唔係必要嘅。
出路 其實好多非相關嘅行業都可以做到。如果係同犯罪學有關嘅就會有Police Force, Criminal Justice, Civil Services, Prison Services等等。你都可以喺social research方面再進修，跟住成為一個data analyst。 Lancaster Criminology M930 究竟讀啲咩？ 讀犯罪學有唔同科，最主要偏向理論同應用，大方向有預防犯罪、執法/司法系統、犯罪統計、國際毒品、性犯罪、社會構成、種族犯罪等等。 同想像中有冇咩出入？ 同想像中差唔多，偏向多論文要寫。 需要具備啲咩skills？ 英文稍為要求高少少，有聽書基本上可以應付功課同考試。多同人溝通，老師定同學都好，英文口語唔一定要好，但係可以培養信心，唔駛格硬應付，隨心就好。
教學模式 教學模式因老師同學校而異，通常都係圍繞教學理論，普通大學lecture形式，比較容易習慣。 Exchange Exchange可以自己申請，睇學校畀咩選擇你，我自己冇參加，但係推介去吓廣闊眼界，我就係出咗去外國讀書先知自己適合做生意。 點解揀呢間大學？ 呢間大學我揀嘅時侯我讀嗰科係全英國第一，名銜都算好，其他大學有其他專業範疇，唔清楚所以唔方便評論。 收生/成績要求 A level嘅話就ABB，詳細HKDSE成績要求要自行向校方查詢。 For students taking three elective subjects, grades ranging from 544 to 5*55 in those three elective subjects For students taking two elective subjects, grades ranging from 54 to 5*5 in those two electives subjects, and 54 to 55 in any two core subjects excluding Chinese. AND (all students) 3 in all remaining core subjects, excluding Chinese. IELTS (academic): Overall 6.5，每個subset至少有5.5 佢地通常唔會有面試，但係都有呢個可能，所以都要做好準備。 Personal statement tips 唔好last minute先寫！寫personal statement嘅時候最好就誠實啲，同埋顯示自己對呢科嘅熱誠同自己嘅目標。 出路 如果只係想打工跟返原本專業，可以去幫政府部門做嘢，通常都係執法部門或者文員。我自己雖然讀呢科，但係到頭來都係做生意，自己專業未必係未來出路，自己想行嘅路唔使太拘謹，最緊要有方向同唔好怕麻煩。

之前有follower投稿，話想為大家提供多少少關於喺英國讀完biomedical science嘅出路嘅資訊💡～ 希望呢個post幫到有興趣讀/已經讀緊呢科嘅同學仔啦❤️ 想喺英國讀完之後返香港攞牌有咩要注意？ 我當時喺英國讀嘅大學嘅biomedical science(bms)就係IBMS accredited嘅，因為我讀之前有同香港(PolyU)嘅比對過，我間大學同PolyU都會讀histology, microbiology, haematology同clinical biochemistry呢4個disciplines，同時都係政府醫院都會有嘅lab，所以其實呢4個course就好似醫生係兒科定心臟科一樣，化驗師都有分科嘅。咁所以如果真係想去完英國之後返香港攞牌，強烈建議要讀IBMS accredited嘅bms，仲要最好有嗰4科讀。 有咩英國大學嘅bms係IBMS accredited？ 我嗰時係讀Nottingham Trent University，佢嘅bms係IBMS accredited嘅，而同一個城市有University of Nottingham，但佢就唔係IBMS accredited嘅。IBMS accredited嘅degree一個城市得一間大學有㗎，真係多數都係差啲嗰間先有。最誇張係London嗰啲咩UCL、Imperial College間間都唔係IBMS accredited，所以要取捨。我好似有聽啲同學講過話叻嘅大學多數都想培訓自己啲學生做research，反而其他大學差啲嘅就唯有practical啲等啲學生就業率高啲。 List of IBMS accredited course: https://www.ibms.org/resources/documents/ibms-accredited-undergraduate-degree-coursesa/1accredited-course-honours-updated-2021-february-16.pdf 如果係IBMS accredited嘅bms，點樣申請攞牌？ 我返到香港之後就遞表去申請個牌，佢同我間大學確認過有我呢個學生之後就畀咗我喇。 順帶一提，香港嘅PolyU都係accredited，所以我嗰時先會識點揀。而喺香港，一開頭拎到個牌就會係part 2化驗師。做夠三年之後再去申請part 1嘅registration。到時候份表就會叫你填你三年入面做過啲乜嘢，好detailed。 如果唔係IBMS accredited嘅bms，點樣申請攞牌？ 我返到香港之後識咗另一個人係讀University of Manchester嘅bms (not accredited)，亦冇讀晒4個disciplines，所以去申請攞牌嘅時候，個board就叫佢考試，但係個exam合格率係得3成，而且冇得升part 2。 點樣喺英國申請攞牌？ 而喺英國，攞牌嘅準則就係要有一個IBMS accredited嘅degree，同埋喺IBMS accredited嘅lab到完成一個portfolio。呢啲lab多數都係政府醫院嘅lab，佢再細分都係照microbiology, haematology, histopathology同clinical biology咁分嘅。完成個portfolio嘅時間由半年到2年都有可能，睇你同個lab點夾。 我final year嘅時候有同學就係做咗IBMS lab嘅placement再返嚟，所以佢一畢業就順理成章攞到英國個牌。而我因為冇做到placement，而家就打算經international routine申請。首先要考IELTS，然後再將自己嘅工作經驗、學歷同around £400 交過去畀HCPC再睇吓佢批唔批，成唔成功都會收咗你錢。

註冊GP GP即係General Practitioner，即係你之後有病就會去呢度睇醫生 (雖然呢度真係唔興傷風感冒就睇醫生)。正常嚟講你學校都應該有同你講去邊間診所到搞。我記得嗰時我去到診所之後填完啲個人資料之後，佢就會畀個樽畀我去驗尿，跟住就見一見姑娘，好快就搞掂。 習慣用contactless 香港普遍都係用現金為主，但係英國周圍都係收contactless。如果想再方便啲，所以好建議你地set up好Apple Pay/Samsung Pay/Google Pay。另外，contactless都可以用嚟搭車㗎！ 買電話卡 大家買電話卡之前都不妨上一上呢個網都check吓你個地方嘅network coverage。除咗到咗英國先買，香港都有地方可以買到英國嘅電話卡。個人建議大家唔需要join plan，可以用pay as you go！ 睇吓需唔需要申請student oyster card 如果你係喺倫敦讀大學嘅，可以考慮申請 18+ Student Oyster photocard。嗰陣時我就唔知頭唔知路申請咗，但係其實如果你唔係成日搭車嘅，我覺得冇呢個必要申請。因為佢唔似香港啲學生八達通咁，普通搭車就有優惠，佢係要你購買週票、月票同年票嘅時候先會畀7折你。所以我覺得如果你係住得唔近學校或者成日travel嘅就可以考慮吓申請。 網購日常生活用品 啱啱去到英國都應該好多嘢要買，而且有啲都好大件同重吓，所以可以選擇網購。

唔知啱啱升中六嘅你準備好報UCAS同埋諗好UCAS嗰五個choices填咩未呢🤔？嚟緊我將會繼續為大家介紹唔同英國大學嘅學科🇬🇧，希望幫到大家make一個informed choice🔥！喺度好多謝所有投稿嘅有心人🥰 Surrey Business Management (Marketing) BSc (Hons) UCAS code: N294 課程結構 一年60 credit，讀6科左右。第一你就咩都要讀，例如有social science, psychology同accounting。 究竟讀啲咩？ 主要讀supply chain同B2B ，同埋會研究市場趨勢。 佢都會教你啲Excel同埋accounting嘅知識。 同想像中有冇咩出入？ 我諗住會有比較多嘅實踐活動，但係教授書本嘅知識比較多。 適合咩人讀？ 適合鍾意市場研究social media嘅人讀。要有心理準備就係出嚟搵工會比較難，因為marketing唔太專業 。 考核模式 主要以寫paper為主。 收生/成績要求 DSE: 444 (包2個electives) IELTS (academic): Overall 6.5, writing至少要有6.0，其他subset至少要有5.5
點解揀呢間大學？ 雖然佢唔係最top，但係佢近London，飛機都唔使搭咁。而佢business subject嘅配套都幾好。 Personal Statement Tips 盡量寫多啲關於呢科嘅嘢，例如係你嘅相關工作經驗。同埋講吓你喺學校以外你為你呢科做過啲乜嘢，顯示出你對呢科嘅熱誠。 出路 都係同marketing相關，一係做in-house，一係就做agency。 UEA Management and Marketing UCAS code: NN52 究竟讀啲咩？ 每個sem大概讀3科，所以一年就讀6科。Year 1-3讀嘅科都唔一樣，但都環環緊扣嘅。讀嘅範疇包括accounting, quantitative math, business ethics, business law等等。而year 2-3可以自選2-4科。 順帶一提，你報名嘅時候都可以揀讀多一年，中間做一個一年嘅placement。 同想像中有冇咩出入？ 讀落其實同想像中冇咩分別，都係讀啲theories同埋有啲都係common sense咁...適合對商科有興趣嘅人同懶人哈哈。
教學模式 主要係lectures同seminars。而大學有時都會請啲大公司嘅管理人嚟講talk同埋同我地介紹番一啲就業機會。 考核模式 Essay and/or exam。 收生/成績要求 DSE: 一個選修科至少有4，一個必修科/選修科至少有4，英文至少有4，Maths (core)至少有3 IELTS (academic): Overall 6.0，每個subset至少有5.5 (或者可以以HKDSE Eng Lv 4代替)
點解揀呢間大學？ 講真嗰陣我自己都唔知揀邊間大學，揀UEA好大原因都係因為嗰陣嘅男朋友讀緊lol。但講真，UEA呢到所有prof都好nice，而且campus幾靚。Norwich都係一個治安相對比較好嘅城市，呢度好多嘢都幾好，所以都冇後悔我當初呢個決定。 Personal Statement Tips 主要都係顯示番你對呢科嘅熱誠，同埋你喺business field方面嘅經驗/ECAs就可以。 出路 呢科嘅出路好廣, 有hr, marketing, advertising, management, operations等等。 Exeter Marketing and Management with Industrial Experience UCAS code: N2N5 究竟讀啲咩？ 成個課程內容比較all-rounded，唔單止有marketing同management，仲有statistics同economics。
適合咩人讀？ 適合啲比較外向、有創意、鍾意同其他人一齊合作做嘢同埋well- organised嘅人讀。最好識講幾種語言。 考核模式 有啲group work，所以要識點同人相處，同埋都可以藉此加強你嘅teamwork同埋領導才能。通常都係自己要做額外嘅research，因為老師好少會解釋咁多。 大部份都係MC Q考試，有啲例如econ同埋finance就係要一半MC Q加一半short answer咁答。 點解揀呢間大學？ 報呢個course嘅時候可以報埋year abroad 或者 placement year。如果選擇呢啲嘅話，原本3年嘅課程就會變為4年，第三年嘅時候就係你嘅year abroad/placement year。而我揀呢間大學主要係因為佢有placement呢個選項。
收生/成績要求 3科5，科目配搭可以係以下任何一個： 3個Group A NSS Elective Subjects; 2個Group A NSS Elective Subjects加中文或者英文 IELTS (academic): Overall 6.5，每個subtest至少要有6.0。 Personal Statement Tips 最緊要寫一啲相關嘅例子去顯示你對嗰科嘅興趣，同埋講吓你嘅興趣之後點樣再develop落去同埋你再做咗啲咩去繼續加強你對嗰科嘅熱誠。 出路 比較相關同常見嘅出路例如有marketing, management, HR, event management, communications, PR等等。

唔知去英國留學嘅大家準備好未呢😆 今日就同大家happy share吓一啲我覺得好實用嘅app/網站畀大家🤟🏻 去英國留學嘅大家記住要download喇🔥！ 慳錢法寶 呢幾個app/網站入面有好多優惠，而且涵蓋咗好多唔同類型嘅商店，無論係網上購物或者係實體購物/食飯嘅優惠都有。而當中UNiDAYS同埋Student Beans就係特登為學生而設嘅！ UNiDAYS Student Beans Honey (Chrome extension) Voucher Codes UK (網站)
路癡必備 Citymapper 喺英國嚟講，我自己覺得用Citymapper比起用Google Map方便得多，而且佢嘅功能都更加全面。如果你要步行去一個地方嘅話，佢會幫你計你可以消耗到幾多卡路里(啱晒啲崇尚健康嘅人哈哈)。佢都可以清楚顯示到啲巴士/tube仲有幾多分鐘會到、搭tube喺邊個車卡上會係最好同埋你去目的地所需嘅車費等等。 Tube Map 喺Tube Map呢個app入面你可以輸入你想去嘅地方，然後佢就會幫你計算車程需時幾耐同埋點樣搭係最快。佢都可以顯示仲有幾多分鐘有車到。 懶人購物 Amazon 英國就冇香港咁方便，唔係所有野隨處都可以買到。Amazon基本上咩野都有得賣，連groceries都有！學生仲可以免費用半年Amazon Prime，即係可以免運費同快啲運到畀你咁，超好！ 消磨時間之選 想喺英國睇港劇用呢個app就啱晒喇！雖然其他網站都可能有得睇，但係呢個app入面有嘅比較齊同埋更新得比較快！ 搵屋必備 如果大家需要搵屋嘅話，呢幾個app都會幫到大家手！Rightmove同Zoopla就係最常見嘅搵屋app，而Spareroom就專係畀一啲想搵flatmate一齊住嘅app！ Student.com 就可以畀大家方便搵到唔同嘅學生宿舍～ Rightmove Zoopla SpareRoom Student.com

今次講啲輕鬆啲嘅話題，同大家分享吓喺英國大學會遇到嘅5種人😆 諗諗吓其實呢幾類人好似都唔係淨係喺英國大學到搵到哈哈😂 唔知你又係邊種人呢？🤟🏻 吃喝玩樂型 疫情之前，好多同學都會成日落club同其他人social吓，有啲都會玩得幾癲吓添。有啲成日落club但讀書好叻嘅我係真心唔明佢哋點平衡到clubbing同讀書哈哈，真係時間管理大師！ 佛系型 有啲人你feel到佢真係好chill，chill到一個點係已經唔太理自己嘅學業或者自己畢業之後嘅出路咁，有種得過且過嘅感覺！ 深藏不露型 去到英國，你就會發覺呢個世界嘅勁人有好多，有啲人諗嘢嘅思維真係會令你大開眼界！但係唔係個個有料嘅都會周圍去show off，更多嘅係深藏不露，從佢喺seminars同lectures等等嘅發言可以feel到。
虛有其表型 有深藏不露嘅人，就一定會有虛有其表嘅人！我試過做group work，有一個組員明明平時嘅表現都正正常常，好識吹吓水，但做起嘢上嚟個就完全係兩回事！
學霸型 呢種人我覺得係佢本身已經有一個好明確嘅目標，知道自己喺無論學業上同埋career上想achieve到啲咩。而佢地本身嘅自我要求都好高，會把握唔同嘅機會去裝備好自己同埋去build一啲professional嘅connections咁！有時同呢種人相處我自己都學到好多嘢，可以互相交流吓～

我今年報同收到offer嘅internships所有都同地理冇咩關係，有law firm有FMCG firm等等。而我都知道大家喺揀geog呢科之前都會對出路有一定嘅憂慮，所以今次就同大家分享吓我少少嘅心得～ 大家自己斟酌選用啦！ 我今年報同收到offer嘅internships所有都同地理冇咩關係，有law firm有fmcg firm等等。而我都知道大家喺揀geog呢科之前都會對出路有一定嘅憂慮，所以今次就同大家分享吓我少少嘅心得～ 大家自己斟酌選用啦！ 前期準備 Job search 我主要用幾大平台，包括JobsDB, CTGoodJobs, LinkedIn同埋各大公司嘅官網。要注意嘅係唔一定所有公司都經其他平台做招聘，所以如果你對某間公司有興趣，我就建議你subscribe to佢嘅newsletter alerts先，等你第一時間知道有咩opportunities。另外，我知可能有啲人都會疑惑點解經啲平台報名好似冇回音，但係其實真係work㗎！ 報intern嘅心態應該係採用漁翁撒網嘅方式，因為你永遠唔知道一間公司會唔會收你。另外，好多job description都會話自己prefer讀商科/相關科目嘅學生，但我自己嘅策略係會照報嘅，只要你有相關嘅skills同經驗就可以！That’s why我成日叫大家喺大學嘅時候要把握機會儲經驗，無論係上莊、參加case comp定係做義工等等都好，因為呢啲嘢你好難吹出嚟，反而係你有咗個經驗之後就可以再吹大啲。順帶一提，我覺得大家都應該開個LinkedIn profile整靚佢，build吓啲connections。
為咗加快報名嘅速度，我後來報嘅時候已經冇咩交cover letter (除非佢係compulsory啦)，因為通常其實如果佢見到CV唔啱佢就可以bye bye啦。 面試 我覺得真係practice makes perfect，所以炒咗一次面試真係唔好放棄住！面試之前做research係必須的吧！首先，就係要了解多啲間公司本身先，最快捷嘅方法就係去佢官網到睇。可以睇吓annual reports同埋佢地social media上面最新嘅動向。之後，我自己通常就會上Glassdoor同埋各大討論區上面睇吓間公司通常會喺面試到問啲咩問題。 除咗呢啲之外，其實都幾肯定每間公司每次都會問你一啲behavioural 同competency-based questions同埋自我介紹，所以你都可以prep定先。另外，作為一個geog學生，我覺得你要expect咗面試官會問你點解你讀geog但係唔係想做geog相關嘅工作、點解自己係適合做呢個位同埋你之後嘅career path會係想點。 最後，如果你知道面試官嘅名，你可以上LinkedIn到睇睇佢個profile，然後嘗試喺面試嘅時候投其所好。 Notes of reassurance 報工嚟講，心理質素真係好重要！睇過我story嘅都知道我都灰過～ 但記住you’re not alone! 同埋其實geog嘅學生都有自己嘅優點同selling point嘅！要相信自己呀，加油！

多謝兩位有心人投稿😆 今次有Nottingham同Keele physio嘅分享！希望幫到大家了解到多啲唔同英國大學嘅課程🤟🏻 Keele B160 究竟讀啲咩？ 全面發展，由基本醫人手法，背後嘅科學理論，到學習點樣去睇醫學論文，點樣判斷幾時用最好嘅治療方法等等。 同想像中有咩出入？ 基本上冇咩出入，因為身為醫療人員要與時並進，所以學識如何睇醫學論文去學習最新嘅治療手法都好重要。 適合咩人讀？ 基本上所有大學科目都係為咗準備你去進入社會工作而去學，所以如果你選擇你自己鍾意嘅科目去讀，你就會有動力去讀。相反，如果要讀一科你討厭嘅科目，你只會想盡辦法去逃避。不過，我認為讀物理治療嘅學生要識多角度思考、應變能力，而且需要自律。首先，因為同一個治療方法未必識合用於唔同嘅病人，所以如何去為病人計劃屬於佢嘅治療方案就要睇你如何變通。自律係因為物理治療有好多嘢背，而且老師都會expect你自己做research、自習，考試都有機會考啲上堂冇咩講但係叫你去自己睇嘅topic，所以如果你可以plan你自己嘅學習時間表，會有所幫助。 教學模式 Lectures | Practical lessons 基本上星期一二上lecture學theory，學唔同嘅病、病因同治療手法等等，星期四五practical會俾機會你去練習治療手法。 考核模式 Oral | Practical 考你病例嘅theory、點樣治療，practical exam會有同學做你model，要你表演治療手法。其他modules就寫文、presentation 等等。
Exchange？ 呢到year 3 有exchange placements，先向學校報名，然後interview，因為名額有限。 成績/收生要求 英國物理治療基本上a level aab/abb, 正常會要求chem 或bio 期中一個要a, 不過這只是參考，請跟據uni website上寫嘅最新要求作準。 點解揀呢間大學？ Keele 嘅賣點係比起其他大學讀3年bachelor畢業，佢係4年 integrated master畢業。placement hours 會比較多。不過因為要跟master 要求，所以yr 2,3,4係50%先合格。 Personal statement tips PS係一篇令對方知道你係一個咩人而寫，所以冇可能有標準答案。不過正常你會想sell自己嘅優點，點解讀物理治療etc。然後interview 記住要記得自己ps寫咗嘅野，因為interviewer一定睇過你嘅PS。如果你interview答唔出或答案同ps 有出入，佢就知你篇ps係亂寫。 出路 英國物理治療畢業基本上香港學生一係留返英國做，一係返香港做，睇你自己preference。 Nottingham B160 究竟讀啲咩？ 讀嘅嘢包括anatomy (解剖學), pathology (病理), muscular disease and disorder, professional and personal development同research methods等等。 要有咩心理準備？ Workload比較大，同埋有時都需要學啲唔係超級關事嘅嘢，例如research methods。 教學模式 都係以lectures同tutorial為主。 考核模式 大部分都係口試，冇咩筆試。
收生/成績要求 A level AAB 要經過interview先知入唔入到，7個人得4個人入到。 點解揀呢間大學？ Nottingham呢科嘅排名都幾好，喺全英國排第二。 出路 通常讀得呢科畢業之後都會做番物理治療師。

係一直好多人request有關考古學嘅post呀😆 好開心今次可以同港大嘅考古團隊 @apsap.armenia 合作，為大家分享吓有關呢個project、HKU考古課程同埋考古in general嘅一啲有用資訊畀大家🔥 以下係佢哋少少嘅自我介紹： 我地係香港大學一個新嘅考古團隊 (包括教授同學生)，歡迎各位加入我地成為下一批學生，或者以義工方式加入。我地嘅研究方向比較廣闊，焦點主要係古代亞洲幾個地點，由西南亞(即古代近東/ 米索不達美亞) 到東南亞 (寮國, 泰國) 到東亞地區。暑假嘅時候，我地會喺南高加索地區(亞洲西南方向)進行考古發掘，而且我地都喺香港大學開展咗幾個新嘅考古course。呢個post有我地幾位隊員分別解答咗各位嘅問題，歡迎再同我地了解更多㗎，我地好樂意認識新嘅朋友仔！ 考古學係啲咩？同歷史學/人類學有咩分別？ What is Archaeology? What’s the difference between Archaeology and History/ Anthropology? Archaeology studies the human past through physical evidence, namely, material culture, to better understand the life, environment, social activities and ideologies of groups of people who lived long before us. In other words, archaeologists study the things people used in the past and then left behind - pottery bowls, the bones leftover from meals, ruined buildings, metal tools, etc - to understand what their lives were like. On the other hand, history uses written texts to study the past. Anthropology studies human beings from many different perspectives such as behavior, biology, culture and society - in the past and the present. 考古學係通過分析實物遺存嚟研究過去人類嘅生活、所處環境、社會活動仲有意識形態。而歷史學針對歷史文獻的研究嚟了解人類嘅過去。簡單而言，考古學家會研究古代人類使用嘅物品，例如陶碗、飲食留下嘅骨頭、荒廢嘅建築物、金屬工具等，目的為研究佢地嘅生活習慣。人類學既研究人類過去，亦研究人類現在，主要包括人類行為、人類生物學、文化同社會。 考古嘅工作流程通常係點？ What is the normal workflow of archaeology? Archaeology starts with regional research and landscape survey to determine potential sites for excavation and understand human interaction with the environment. During excavation, we carefully record and analyze everything we remove. During and after fieldwork, we will publish preliminary reports to share information with other archaeologists and the public. After we spend time on our analyses, we will write more detailed research papers so we can inform the world about our interpretations of the past. An archaeological project must also include public outreach and stewardship of the places we study. 考古嘅流程以區域研究為開始，而後進行地表調查，考古發掘，在發掘嘅同時對出土信息進行記錄同分析。喺發掘完成後，發掘者發表初期考古報告，其他考古學家會發表跟進研究。後續嘅工作係基於考古成果撰寫完整報告，並向大眾傳遞呢啲有關過去嘅資訊。而且每個考古項目都需要進行公眾宣傳同管理嘅工作。 HKU有啲咩考古嘅課程讀？ What archaeology courses are provided in HKU? Can you introduce and explain the courses 1 by 1? HKU好多比較新嘅考古課程，包括 CCHU9080 Dead People’s Things: Excavating the Past with Archaeology, FINE2102 The Connecting Sea: an Introduction to East Mediterranean Archaeology, FINE2108 Emerging Societies: an Introduction to Mesopotamian Archaeology, 同 BBED6796 Cultural Heritage and Information in the field。另外亦都有一個 ancient history course係同考古有關嘅: HIST2136 The Graeco-Roman World: From Homer to Augustus. In all these courses, students will study introductory archaeological concepts, methods, and theories. They will learn how to investigate the human past through the materials people left behind. These classes also teach about digital humanities methods that can be used to study the past, from 3d reconstructions of ancient buildings, to comparative databases of pottery. CCHU9080 Dead People’s Things is a broad foundational course that introduces all aspects of archaeological thought and practice. As part of HKU’s Common Core, we invite students from all disciplinary backgrounds to join us for this initial exploration into the importance of things in the human past. FINE2102 The Connecting Sea introduces the cultures, sites, and objects of peoples who inhabited the eastern Mediterranean Sea - including the ancient peoples who lived in the region stretching from Greece and Turkey to Palestine. These peoples were all in contact with each other over thousands of years and thus we can trace the ways they shared ideas and objects. This course covers the time period from roughly 2000 to 1 BCE. FINE2108 Emerging Societies introduces a region with the earliest development of complex society in the entire world. Centered on what is now Iraq, Mesopotamia (the land between the Tigris and Euphrates river), saw the earliest agriculture, cities, writing, and states. In this class we will study the time period from about 4000 to 300 BCE in the areas spanning Turkey to the South Caucasus to Iran. BBED6796 Cultural Heritage and Information in the Field is a very special course among all university classes in Hong Kong. In this course, students travel to the south Caucasus in southwest Asia, to the country of Armenia, to participate in an actual archaeological excavation project! Students learn how to survey the landscape looking for pottery and other evidence of the past, they also learn how to carefully dig into an ancient site and record everything they find, and finally they gain exposure to advanced digital humanities technologies such as drones and 3d modeling. All of this while living in a beautiful landscape and learning about the wonderful Armenian culture while making friends from all over the world. Finally, HIST2136 introduces the famous ancient texts and culture of Greece and Rome during the 1st millenium BCE. HKU啲考古course係咪會有field trips？會做啲咩？ Are there field trips in the HKU Archaeology courses? What do they do? Yes, there are field trips in the HKU Archaeology courses. For example, this year the course BBED6796 was unable to travel to Armenia but instead conducted six field trips in Hong Kong. We went to the HKU Libraries Preservation and Conservation Division, Ma Wan, Sha Lo Tung, Wun Yiu, Sheung Yiu, and Lamma Island. In a normal year, students will travel to Armenia to actually learn how to do archaeological survey and excavation, and to work with the objects we find. 香港大學嘅考古課程有提供田野考察。例如本學年嘅BBED6796原計劃到亞美尼亞的Vedi Fortress— 呢個喺2019年由港大亞拉臘平原東南考古項目發現同發掘的遺址進行田野考察。但由於疫情關係，今年課程就安排咗喺香港進行六次田野考察，到訪香港大學圖書館文獻保護與修復中心，馬灣、沙螺洞、碗窰、上窰和南丫島。正常情況下，學生都會去到亞美尼亞，學習同進行考古勘測、發掘同研究所發掘嘅文物。 點樣先可以參與到APSAP嗰個考古project？係咪一定要major人類學先可以參加？ How can you join the APSAP archaeology Project? Is a major in anthropology necessary? APSAP welcomes participants from all academic and professional backgrounds. We believe everyone who’s interested in the study of the human past can contribute to and learn from the project. In the past, we had students from a wide range of backgrounds including history, architecture, conservation, biology, computer science etc. Any HKU student can sign up for any of the archaeology courses offered and volunteers can find other ways to participate. In each field season we plan to take students and volunteers to participate in the ongoing archaeological fieldwork in Armenia. Our day to day work includes excavation, landscape survey, drone photography, documenting finds etc. There are also options to be involved in the project remotely by working on our various digital projects. APSAP focuses on integrating emerging information technologies into archaeological research, and particularly welcomes the participants with interests and backgrounds in computer science and engineering. APSAP歡迎嚟自各種學術同職業背景嘅人士參與。所有對人類歷史同考古研究感興趣嘅參與者都有機會對我們嘅研究作出貢獻同得到收獲。往屆學生嚟自唔同嘅學術背景，包括歷史學，教育學，園林景觀，建築保育，計算機科學等等。任何港大學生都可以報讀港大嘅考古課程，而volunteers亦都可以透過其他方式參與。每年暑期，我們都會組織學生同志願者去亞美尼亞參加一線田野考古實務。日常工作包含發掘、地面勘測、航拍攝影、整理記錄出土文物等。同時，遠程參與嘅人士都有機會通過我們嘅數位項目參與考古學研究。APSAP特別重視喺考古中應用新興嘅資訊科學和計算機技術，尤其需要同歡迎擁有計算機科學及工程興趣同專長嘅人士參與。
APSAP個考古project大概係關於啲咩？ What is the APSAP project about?
The Ararat Plain Southeast Archaeological Project (APSAP) is an archaeological research project led by researchers at Hong Kong in collaboration with colleagues from the Armenian Institute for Archaeology and Ethnography. We conduct archaeological fieldwork in the Vedi River Valley in the southern Ararat Plain, which was an important crossroads between transit routes that connect vast geographies. We aim to utilize various archaeological methods such as surface surveys, architectural documentation, and excavation to illuminate the everyday life of a region, and better understand the changing dynamics of mobility, infrastructure, trade, and political control through history. For more information, please visit us online: http://www.openarchaeology.org/armenia 亞拉臘平原東南考古項目 （APSAP）係港大考古學家同亞美尼亞研究人員合作嘅考古學項目。研究地點位於亞美尼亞亞拉臘平原東南面嘅 Vedi 河谷。Vedi 河谷係歷史上重要嘅交通走廊，連接周圍多個主要人口同政治中心。研究團隊希望通過田野發掘、系統性勘探等考古學方法，更好咁理解呢一個地區古代先民嘅日常生業、政治組織、商業交往、人口流動，從歷史變遷嘅角度更深入地理解古人嘅生活。請參閱以下網址查看更多資訊： http://www.openarchaeology.org/armenia 如果對考古有興趣嘅，有冇啲咩入門書籍/影片推介？ Any recommendations on Introductory books/ movies on archaeology? 如果對考古有興趣，建議可以睇由T. Douglas Price同Kelly Knudson寫嘅呢本textbook- “Principles of Archaeology”。睇完呢本書之後你會了解到點解考古學係咩一回事同埋考古學對於理解古代生活嘅重要性。書入面都有介紹到唔同嘅archaeological methodologies同practices。 如果你想知道多啲關於ancient southwest Asia (Mesopotamia), 你可以睇吓例如Michael Roaf嘅Cultural Atlas of Mesopotamia and the Ancient Near East。如果係對southern Caucasus有興趣嘅，你可以去睇吓Anthony Sagona’s Archaeology of the Caucasus: From Earliest Settlements to the Iron Age。 睇完相關讀本之後，建立有關遺址同文物的深入知識都很重要。你可以選擇你感興趣的特定範疇再加深了解。例如按照地域、文化、城市或文物類型。無論係文章或書籍，閱讀有關你感興趣的範疇，都有助於鞏固你的知識並培養您對該領域進一步研究嘅興趣。 If you are interested in archaeology, you may learn more about it by reading the textbook “Principles of Archaeology” written by T. Douglas Price and Kelly Knudson. This book is available online for HKU library users. Through the reading, you will learn what archaeology is and why it is important to have archaeology in order to understand life in the past. And it will introduce the different archaeological methodologies and practices used while studying the site and objects. To learn more about ancient southwest Asia (Mesopotamia), you might look at a book like Michael Roaf’s Cultural Atlas of Mesopotamia and the Ancient Near East (available for free online), and for the southern Caucasus, one could look at Anthony Sagona’s Archaeology of the Caucasus: From Earliest Settlements to the Iron Age (available to HKU library users online). After that, building knowledge about the sites and objects is also important. You can choose a specific field that you are interested in. For example, a region, culture, city or object type. Reading books and articles about the materials, culture and properties related to the site or object type you are interested in can help to solidify your knowledge and develop your interest in further study in that field.
看過相關讀本之後，建立有關遺址和文物的深入知識也很重要。你可以選擇你感興趣的特定範疇再加深了解。例如按照地域、文化、城市或文物類型。無論是文章或書籍，閱讀有關你感興趣的範疇，均有助於鞏固你的知識並培養您對該領域進一步研究的興趣。 讀考古嘅話喺香港嚟講其實有啲咩出路？ Future of Studying archaeology in Hong Kong? (i.e. future careers in HK) Related jobs for the one who studies Archaeology include studying and managing archaeological sites and artefacts. They may work as researchers and lecturers in the universities and study the sites and the objects found during excavation. Since archaeological excavation may not be limited to the Hong Kong local area, archaeologists may remain in Hong Kong during the semester and leave for the archaeological fieldwork during the excavation season. After excavating objects, the objects will be recorded and studied to understand their history. Other options are the posts in AMO (Antiquities and Monuments), and public or private museum curators and conservators who will manage, preserve and display artefacts. Some places will also hire archaeologists before developing the land to ensure the place does not have any valuable archaeological sites, we call this cultural resource management (CRM). 考古學嘅學者完成學業後大部分會係進行研究同管理遺址、文物嘅工作。 例如喺大學入面做研究員同講師，並對某啲遺址同文物進行研究。除咗香港，世界各地唔同國家都正進行考古發掘，所以考古學家們一般喺學期中會留喺香港，並喺考古季度時離港到海外遺址工作。發掘完成後，就會進行紀錄同歷史研究。 除此之外，工作職位也包括古物及古跡辦事處(AMO)、公營或私營博物館的館長、文物修復師等，以進行管理、保育及修復文物同策展嘅工作。喺一啲地區，政府都會聘請考古學家喺發展地方前進行探測以確保該區域下冇遺址，我們一般稱作文化資源管理(CRM)。