​讀書、海外及本地升學心得分享

LS 通識讀書心得 | 應該點溫?

LS 通識讀書心得 | 應該點溫?

我溫LS嘅偏方😂(只供參考,大家斟酌選用) 話說我就真係冇咩投資喺呢科到嘅,因為英國大學對LS嘅要求唔高(呢科嘅問題太大🤫),所以我都係寧願谷我Maths。但自己IES都落咗唔少苦工,又唔想DSE糟蹋曬我一直以黎嘅努力。所以,就搵咗套比較速成/懶嘅方法讀呢科🧐 不過唔係人人啱用啦,因為其實係我讀嘅electives幫咗我LS嘅。 1. 活用Geog同Hist嘅例子/terms 大家都知道寫Geog同Hist嘅essay嘅時候需要你寫一定數量嘅例子/terms 先可以高分倒。咁既然我一直都有溫熟呢d例子,不如就用埋呢d例子落LS到,溫少d野😂 咁講可能有d抽象,或者我舉幾個例子。 E.g. LS M4 (Globalization)可以用番Geog C3 (Changing Industrial Location)入面multi-point production對於home同host countries嘅impacts嘅points去講 E.g. LS M2 (Modern China)可以用History入面China嗰課嘅例子,e.g. Reform and Opening-up Policy有establish d SEZs等等 E.g. LS M6 (Energy Tech & the Env)可以用大量Geog嘅terms, e.g. desertification, global warming, greenhouse effect, sustainable development等等 2. 適當地亂吹 以前未接觸LS嘅時候,聽d人講真係可以畀你亂吹。但我讀咗之後就覺得唔係真係咁。例子呢你就唔好老作啦,但裡面嘅details如果你唔係寫得太準確嘅通常都ok嘅 (當然你用嗰個例子唔好係超級普遍先得。例如,你冇可能連d重要年份都寫錯。如果你真係唔記得確實年份,你就寫in the 1900s咁)。另外,我就覺得你亦可以based on d terms去吹,當做elaboration去扣題咁。 3. 搞清楚d答題要求先 點解有時你d同學半裸考LS都會高分過你?我以前都好執著要溫曬d內容,覺得溫熟就容易高分。但其實後來我發現完全唔係架!咁最基本你就要記吓d terms同例子。然後呢,你應該花多d時間搞清楚d答題要求 (i.e.成個結構應該係點, e.g.幾時要有stance呀rebuttal呀嗰d)。有d答題要求同hist好似,但都有唔同嘅,咁你自己就要知道啦。你要知道,如果你答題個approach錯咗嘅話,就算你裡面d例子有幾好都好,個分都會cap咗喺一個位到。

去英國留學嘅四大原因 | 去英國讀大學比起喺香港讀大學有咩好?

去英國留學嘅四大原因 | 去英國讀大學比起喺香港讀大學有咩好?

1. 英國只需要讀3年🤩 其實呢個都係一個幾大嘅誘因。我讀完3年探索完呢科之後,我仲可以再讀多個master去繼續裝備自己入職場。我覺得呢個會係一個同時cater倒我嘅興趣同前途嘅最好方法! 2. 可以見識倒多好多野🐽 之前有個喺香港讀geog嘅follower dm我話佢地大部分field trips都只係留番喺香港。但係我而家去英國嘅話,年年field trip都可以衝出英國去唔同地方,例如我黎緊嘅11月就會去西班牙同加泰羅尼亞😆 除咗講field trip之外,其實好多同學都會係黎自唔同國家,可以同人地交流吓,從唔同人身上學識更多野。 另外,聽講除咗可以reg自己學校d modules之外,都可以reg其他學校(e.g. LSE)嘅modules😍 3. 瘋狂浸淫喺geog嘅世界到😂 我唔太清楚香港d大學個system點work (對比起英國嗰個佢好複雜)。但我喺UCL呢佢就有d compulsory modules嘅,然後就可以畀你自由揀其他modules。即係你可以揀曬physical geog/human geog嘅modules或者a mix of both咁。我未至於瘋狂到讀曬geog嘅野,我自己就reg咗一個management嘅course (最多take一個唔係自己department嘅course,如果唔想take就再揀多個geog嘅module)。 4. 學識獨立🤯我地呢d中學生由細到大都有屋企人照顧,淨係專心讀書就ok。但過到去讀書就要逼自己獨立,處理自己日常生活中嘅所有大小事務🙈 例如煮吓飯(學習做個賢妻良母🤣)、洗衫洗廁所 (不敢想像😂)、出去租屋...

英國升學心得- 想過英國留學但無從入手?⁣|點準備先可以入讀心儀大學?

英國升學心得- 想過英國留學但無從入手?⁣|點準備先可以入讀心儀大學?

好開心今次 @kosmic.io 搵我同大家再分享吓啲英國升學心得❤️ 希望可以幫到大家同埋增加你地入讀心儀嘅英國大學嘅機會👩‍🎓 另外,@kosmic.io 有好多網上直播嘅教學影片㗎,有啲仲要係免費嘅,有興趣記住去睇睇🔥!⁣ ⁣ 1⃣ 及早規劃同準備⁣ ‘Nothing worth having comes easy’. 想過去英國嘅名牌大學到讀書並唔係一朝一夕嘅事,而係需要你及早計劃好㗎!咁我自己就係F4尾嘅時候就已經同父母傾好咗我想去英國讀書嘅。好多時候我覺得父母如果經濟許可嘅話,好多都會支持你去英國留學嘅決定嘅 (你都可以考慮申請獎學金㗎,e.g. HKSES),但你可能要花更多嘅時間嚟說服佢地你想讀嘅科~ 以我為例,我都用咗一段時間先令佢地放心我去讀地理,因為佢地都比較擔心出路嘅問題。同父母商量好之後,就可以準備吓其他嘢啦。首先,最開頭你應該要research吓你想去邊間大學到讀,睇吓佢地啲課程合唔合乎你嘅興趣同埋睇埋啲收生requirement係點。你總共可以報5間大學,咁你有1-2間可以係進取啲嘅。其他要準備嘅嘢包括考慮吓自己F5去唔去考IGCSE (我身邊好多去英國留學嘅人都有考,因為考得好嘅話某程度上都可以增加你入讀心儀大學嘅機會)、F5升F6個暑假考唔考IELTS (IELTS可以拎倒offer之後先考,但我會建議儘早考咗佢,咁之後就唔使擔心咁多。同埋萬一你考咗出黎meet唔到個requirement都有多啲時間俾你prep過再重考)。你亦都可以開始構思吓自己嘅personal statement點寫 (英國同香港嘅制度有少少分別:英國除咗睇你嘅成績之外,佢地都會好著重你份personal statement嘅質素、份personal statement表唔表現倒你對嗰科嘅熱誠等等)。⁣ ⁣ 2⃣ 訂立明確目標⁣ 當你規劃好所有嘢、填埋份UCAS application之後,就係時候訂立番啲目標!如果你各方面都ok嘅話,唔同大學就會俾conditional offer你,意思即係你DSE成績達到某個level就可以順利入讀嗰間大學。咁呢個時候你就要好好檢視吓自己邊科比較弱,需要努力啲先meet到個offer啦。當時我自己數學就比較弱,所以我study leave期間都主攻呢科,不斷操卷,放少咗力落其他我已經ok嘅科/英國大學唔睇重嘅科 (通常係中文同LS)到。⁣ ⁣ 3⃣ 多手準備⁣ 去英國讀大學可以話係俾自己多一個選擇~ 你可以當佢係backup、當佢係你個first priority。但點都好,你都應該有多手準備,唔好咁快就放棄JUPAS或者去其他國家升學嘅機會。嗰時除咗報JUPAS之外,我都有報巴黎政治學院Sciences Po,最終好好彩佢都收咗我,所以個人就會安心啲~ 不過如果你係一心想入英國大學嘅而你成績又未達到要求嘅 (仲有一段距離),可以試吓報foundation,咁樣都係另一種方式升讀番你心儀嘅英國大學。其實計埋讀foundation嗰一年都係同喺香港讀四年大學一樣!順帶一提,如果你到時DSE個成績差少少先meet到個requirement,應該可以去求情㗎!⁣ ⁣ 今次嘅升學分享就到呢到,希望幫到各位同學❤️ 想睇更多心得分享歡迎去我網站 (www.geogaholic.com/blog)/ Instagram啲hashtags到 (已經幫大家分類好曬啲posts!) 🌟 Good luck🔥!一定要相信你一直以嚟嘅付出係會有回報㗎!⁣

DSE History 世史科 Revision Tips- DBQ

DSE History 世史科 Revision Tips- DBQ

1. 睇曬個source畀你嘅所有野 好多人可能會忽略咗d captions🙈 不過好多時候其實d captions正正就畀咗好多clues我地去答d題目。例如,佢可能會畀個年份你,令你relate倒去相關嘅歷史事件/circumstance。咁樣,你答題目嘅時候就會更加有方向啦。除咗captions,如果個source係d political cartoons嘅話,亦都可以留意吓d人物/動物 (d動物代表唔同國家, e.g. bear --> the USSR) 嘅大細咁。 2. 留意d提問字眼 我個人就覺得history除咗最基本要背倒d史實之外,亦都好需要清楚了解不同提問字眼所用到嘅approach。舉個例,"to what extent" 你就要講曬兩邊嘅pts + 寫1段去justify你個extent (例如用d parameters, e.g. duration of influence);如果條題目問 "relative significance" 嘅話,你就要寫d factors嘅importance同比較埋佢地嘅importance。除咗要知道個大概approach,其實你都需要知道當你dbq同essay遇到相同嘅提問字眼應該點應對,因為其實都幾容易撈亂架🙈 3. 1分=用2分鐘時間作答 做好DBQ嘅時間管理好重要!好多人可能做第一條嘅時候見到自己識就開始好興奮😂條條題目寫到勁detailed....點知做做吓先發現自己唔夠時間(尤其是最後尾一條dbq)。所以呢,真係要望實自己隻錶,唔好畀自己超時!做唔曬份卷會好蝕底架🥺 我自己嘅做法就係會喺條題目隔離mark低咩時間要停筆落去做下一條咁🙈 4. 分段好重要 d markers一日改咁多份卷真係會超級攰。雖然做history份卷嘅時間的確比較緊迫,字體好難好靚,但至少你都要喺適當嘅時候分段,等個marker睇得舒服d。如果想做得更好,就應該寫埋topic sentence啦(conclusion喺dbq黎講算係optional,有時間先寫)。

DSE History 世史科溫書流程

DSE History 世史科溫書流程

1️⃣ 打notes我會打3份:⁣ ▶️ 打一份主要關於內容嘅notes- 整理教科書內容 (非重點嘅野就篩走佢) + 上網搵額外資料 (可以搵多d相關嘅例子/ 再research吓你現有嘅例子,加d重要details落去幫你喺essay到elaborate) + 上堂寫落嘅notes (如有)⁣ ▶️ 打一份關於essay嘅notes (見第二幅圖)- 打低一d有關嗰條essay嘅points/marking scheme,方便自己日後重溫同知道同類型題目應該點答。我亦會再打多一個table講關於每個提問字眼應該點答 (e.g. 需唔需要畀立場) ▶️ 打一份關於DBQ提問字眼嘅notes- 寫低曬每課提問字眼嘅答題framework,考試前重溫番一流👍🏻 2️⃣ 打完notes之後,操卷亦都好重要。 操卷嘅話我就係用2種方法黎操:(1) 唔計時操。主要喺你未完全溫熟書前咁做。呢個方法亦都可以訓練你諗野嘅flow。(2) 計時操。溫熟書/考試前可以咁做。因為呢科真係好易唔夠時間做完份卷,所以一定要計時試吓做 (1分=用2分鐘做),逼自己寫字同諗野快d!⁣ 3️⃣ 至於背野/溫書,我有用幾個方法令成件事冇咁悶😌 ⁣ ▶️ 如果真係好冇心機溫書/有時間,可以上Youtube睇相關嘅歷史片段。最好睇番一d同你應考語言相同嘅片啦~ 有d片真係整得好有心,睇完真係可以學倒野架!⁣ ▶️ d年份有時真係好難記。之前我都有介紹過,其實可以用Quizlet幫手!詳情可以click番入呢到睇!⁣ ▶️ 背野方面,我會開聲讀😂 之前都講過點解我會咁做。讀到攰,亦可以試吓背默,大概寫低曬你溫咗嘅野出黎。寫唔出應該係代表你溫唔熟~覺得呢d太悶,都可以同同學互相問書!⁣

學校冇咩海外升學support...可以去邊到睇多啲英國大學嘅資訊?

學校冇咩海外升學support...可以去邊到睇多啲英國大學嘅資訊?

睇官網係大家最常用嘅做法,但其實仲有其他source畀你了解多d每間學校好/唔好嘅地方又或者係佢個vibe咁。而家就同大家介紹一下! 1. The Student Room 呢個有d似香港嗰d學術討論區咁,入面就係唔同人對一個topic嘅comments。佢會有d topics係XX uni VS xx uni,如果你struggle緊揀邊間做你個firm choice同insurance choice,睇呢類嘅posts就啱曬啦。佢都會有其他posts係關於一間大學嘅某個學系,通常每年都有會開一個新嘅thread,然後你就可以喺submit咗application之後入去睇吓d人幾時拎offer/ interview,等自己冇咁不安🤣 2. YouTube 外國有好多youtubers都會記錄吓自己讀大學嘅生活。如果有興趣知道UCL Geog嘅野,可以睇 Anpu 個頻道,因為佢之前同我地geog dept合作拍咗幾條片講關於喺UCL讀geog嘅野!另外,我有睇開Jack Edwards,佢係喺Durham讀書嘅~ 大家可以去Youtube發掘吓🙆🏻‍♀️ 3. UCAS.com UCAS呢個網站除咗畀你去搞你個application之外,佢都會提供各類嘅資訊,例如personal statement應該點寫~佢亦都會有其他articles講吓喺英國讀書嘅野。 4. British Council/ 教育展 British Council有提供好多去英國留學嘅資訊,例如係一d畀international students嘅建議、介紹吓唔同學科咁。如果真係想深入d認識某d院校,我記得佢每年好似有舉辦d教育展,嗰陣就會有唔同英國嘅大學參展。 5. 去d升學agents嘅talk 我就唔建議搞UCAS都搵agents嘅(因為根本上自己都做倒)。但佢地搞嘅talks就不妨去聽一聽嘅,因為佢地同唔同院校可能有d connections,可能請倒一d相關嘅人士同你講關於英國升學d野。

UCAS Personal Statement VS JUPAS OEA 兩個有咩分別?應該點寫?

UCAS Personal Statement VS JUPAS OEA 兩個有咩分別?應該點寫?

發覺仲有人因為學校老師講得唔清楚而撈亂咗呢兩份野嘅要求😱,今次再同大家recap吓! 基本分別👇🏻 ⭐️JUPAS: 1篇500字嘅OEA Additional Information + 1份1000字以內嘅SLP ➡️ 相對其他黎講,呢份可以hea寫,因為JUPAS最著重你夠唔夠分入,其次就係面試表現(只適用於某d科目) ⭐️UCAS: 1篇4000 characters (characters同words唔同,前者包括埋d空格、標點等等) ➡️ 一定要認真寫,透過寫你對事物嘅睇法 (e.g. 一本書裡面嘅觀點、一d時事) 同個人經驗表現出自己對嗰科嘅熱情/自己具備相應嘅skills。ECA應該佔大約10%-20%,不宜太多(尤其是唔相關嘅ECA)。 內容焦點嘅不同👇🏻 ⭐️因為JUPAS你可以排好多個choice,而嗰d choice又可以係完全唔同科/範疇,所以我覺得你寫嘅野可以冇咁specific。即係你可以講吓你從你d ECAs得到d咩skills,學咗d咩,但唔使好直接咁同你想讀嘅學科扯上好大關係。當然,如果你已經target咗想讀某d科目,咁你喺OEA入面講番相關嘅經驗就會最理想。如果冇咩直接相關嘅經驗嘅話,我建議大家可以上google睇多d你想讀嘅嗰科想d candidates具備d咩skills/qualities,然後你就盡量張你d經驗link番去嗰d skills到~ ⭐️UCAS只有5個choice,5個choice都需要揀一d相近嘅學科,所以你份personal statement需要好聚焦咁講番你想讀嗰科。最好講番相關嘅經驗,然後個經驗點樣啟發你想讀嗰科。如果冇咩相關經驗,可以講吓自己而家讀緊嘅electives點啟發倒自己鐘意呢科。亦可以講吓自己對一個相關議題嘅睇法/ 睇完一本相關嘅書嘅讀後感 (唔好hea講,你可以提出質疑等等以顯示自己嘅critical thinking skills,又可以提出某個觀點可以套用落某d情況咁) 。至於睇咩書,可以自己google吓相關嘅reading lists, 如果唔想睇reading list嘅書,都可以講番自己睇咗嘅相關書籍。唔相關嘅ECA真係唔使講太多,一小段已經夠曬啦,因為d admission tutor係想睇你對嗰個學科嘅passion/interest多過你有咩其他唔太相關嘅興趣/achievements。

香港本地升學 (JUPAS)、海外升學 (UCAS, Sciences Po) 常見問題 FAQ

香港本地升學 (JUPAS)、海外升學 (UCAS, Sciences Po) 常見問題 FAQ

1. JUPAS VS UCAS VS 法國Sciences Po報名個system UCAS雖然係英國版嘅JUPAS,但好多程序同JUPAS都有好大出入。而法國嗰個同JUPAS嘅出入就更加大啦😂 以下會列舉幾個不同之處: 1️⃣Personal statement: JUPAS: 1篇500字嘅OEA Additional Information + 1份1000字以內嘅SLP ➡️ 相對其他黎講,呢份可以hea寫,因為JUPAS最著重你夠唔夠分入,其次就係面試表現(只適用於某d科目) UCAS: 1篇4000 characters (characters同words唔同,前者包括埋d空格、標點等等) ➡️ 一定要認真寫,透過寫你對事物嘅睇法 (e.g. 一本書裡面嘅觀點、一d時事) 同個人經驗表現出自己對嗰科嘅熱情/自己具備相應嘅skills。ECA應該佔大約10%-20%,不宜太多(尤其是唔相關嘅ECA)。 Sciences Po: 1篇1000字嘅personal statement (for dual degree個programme) + 1篇1000字嘅personal statement (for Sciences Po嘅bachelor degree programme) ➡️ 我個人唔能夠肯定佢有幾重視PS,但唔可以hea寫呀。另外,面試時佢都可能問番你寫過嘅野~ 2️⃣Reference letter: JUPAS: 只有校長推薦計劃,唔係人人有份。 UCAS: 必須要有1封reference letter,可以係老師/校長寫 Sciences Po: 必須要有2個老師幫你寫reference (據我所知唔係一封信,但要填寫好多關於你嘅野,如成績) 3️⃣面試: JUPAS: 視乎你讀邊科 UCAS: 視乎你讀邊科+邊間院校。Oxbridge一定有面試。LSE所有科目都不設面試。UCL使唔使面試應該睇番科目而定,geog就唔需要。 Sciences Po: 一定要面試。唔使飛去法國,喺HKU有得in。面試入面有3個面試官,2個係黎自Sciences Po,1個係黎自HKU。 4️⃣所需資料/ 文件: JUPAS: 你ECA嘅證書或相關證明 (系統隨機抽你要提供邊幾個) UCAS: 需要由學校遞交predicted grades。如有報考IELTS,都要提供番個reference number (FYI IELTS可以喺拎倒offer之後先考) Sciences Po: CV, transcript, IELTS證書 (optional), predicted grades (optional, 但強烈建議有。如果唔係,d admissions tutor好難知道你大概嘅實力。) 2. 應該幾時開始準備 UCAS/ HKU-Sciences Po dual degree/ Sciences Po d野? 就UCAS個application黎講,我覺得F5升F6個暑假就要開始準備啦。Must-do嘅有寫personal statement、揀科目+5間院校、填寫UCAS個system入面所需嘅資料同諗定搵邊個老師寫reference letter。 Sciences Po方面我都建議係喺F5升F6個暑假到搞,因為佢所需嘅文件/personal statement都比較多。但佢提交申請嘅deadline大概係喺2-3月,所以如果遲d開始prep都ok嘅。 3. 而家先報UCAS會唔會太遲? 唔會呀。如果唔係報oxbridge,其實1月先截止,所以仲有大把時間畀你寫PS、搵老師寫reference等等。 4. 我想讀geog/ geog-related嘅科目,但父母反對,我可以點應對? 或者可以講吓我嘅個人經驗啦。個個父母都望子成龍嘅,咁當初佢地都有d反對我過英國讀geog(都係意料中事)。雖然反對嘅聲音冇人想聽倒架啦,但而家回望番我又覺得其實正正係嗰d聲音令我更加去思考我係咪真係想讀嗰科。當時佢地就冇話真係極力反對,不過都有叫吓我諗清楚或者叫我考慮吓其他科。我諗佢地大概驚我太衝動同擔心出路問題。出路方面我自己就覺得其實讀geog(呢d非專業嘅科目)出到黎可以做嘅工作有好多(只要唔係專業行業就得)。如果想爭取一份好d嘅工,咪考好d搵多d高質intern做,寫靚個cv,裝備好自己。再唔係就讀多個master🤭 雖然我最後冇選擇讀dual degree,但係呢個都係另一個大家可以考慮嘅選擇黎,既可以cater倒自己嘅興趣,又可以免除父母嘅擔憂。例如可以讀geog+econ, geog+management咁~

點揀英國大學?Tips on Picking Your 5 University Choices on UCAS

點揀英國大學?Tips on Picking Your 5 University Choices on UCAS

講d方向之前,大家一定要清楚知道因為你只會寫一份personal statement,所以你果5個choices of subject都應該係差唔多嘅。即係你唔可以報2間學校讀soc sci然後另外3間讀醫咁~ 咁講番啲possible嘅方向啦! 1. 興趣 其實興趣喺呢d時候都應該行先。你諗吓,你去英國d大學到讀3年書,如果你係讀緊一科你唔鐘意甚至係討厭嘅科目,你唔會覺得好浪費時間同金錢咩?所以,你應該諗清楚自己鐘意d咩,唔好太受身邊嘅人/社會影響你嘅決定。當你知道自己嘅興趣喺邊,就可以上網search番提供相關課程嘅院校啦。 2. Course content 雖然你可能知道自己嘅興趣喺邊,但都需要縮窄範圍嘅。好似我咁,我鐘意地理,但我更鐘意嘅係人文地理,所以我揀院校嘅時候都會留意番佢地d course係focus喺邊個area咁~ 3. 排名 去外國讀書係一個長遠投資,你都唔想求其去間野雞大學讀完書,然後番香港真係「乞食」架。所以,你都應該睇吓你間院校嘅排名。排名應該睇兩種:(1) 果間大學喺你學讀果科嘅全球排名, (2) 果間大學喺全球嘅overall排名。雖然兩樣都應該睇,但個人覺得(1)重要d。舉個例,Sciences Po係法國好出名讀politics嘅大學,佢喺(1)嘅排名好高,但(2)就好一般,但就代表佢唔好?通常喺(2)排名高嘅都係一d有提供science subjects嘅學校,因為果d會出產比較多諾貝爾得獎主、論文數量等等(呢d係排名嘅時候會考慮嘅因素)。所以(2)當係一個參考就ok. 另外,如果你睇(1)嘅時候,發現喺幾個source (e.g. QS, TIMES higher education, Guardian...)佢個排名都低過香港嘅大學,我覺得就應該斟酌一下啦。如果你話英國升學係backup嘅話,就可以照擺入去你嘅choice到嘅。 4. Reputation 講完排名,我覺得大家都需要留意一下院校嘅喺香港嘅reputation. 我諗大部分人喺英國讀完書都會番黎香港工作,所以我地都需要考慮吓我地嘅院校喺香港僱主間嘅認受性。其實呢樣野比較難知,建議大家可以問吓番緊工嘅屋企人,叫佢地問番做果行嘅人~ 5. Others 如果你考慮完咁多樣因素之後,都仲struggle緊邊間可能會好d,放入自己嘅choice到,我建議大家去student room到睇吓d人嘅comments哈哈,佢地有好多posts係關於xx學校 VS xx學校咁,不妨參考參考~

IELTS分享 | 同DSE English英文有咩分別?應該點準備?

IELTS分享 | 同DSE English英文有咩分別?應該點準備?

臨近暑假,無論你諗好定未諗好去外國讀書,都可以考定IELTS以備不時之需。所以今次就分享番相關嘅資訊畀大家啦! ​ 首先,IELTS係有分好多種😂因為我係為咗去英國讀大學而考IELTS,所以我揀果隻就係IELTS for UKVI (Academic) (ps 可以拎咗大學嘅offer之後先考,但因為我當時驚s6會好忙,所以s5升s6個暑假就去咗考啦) 我諗比較多人想知嘅係IELTS同DSE英文嘅分別喺邊🤔老實講分別都算幾大😂畀我嘅感覺係IELTS冇DSE咁睇重d答題技巧咁~但有一共通點係reading定listening都可以靠操去拎靚grade😉網上其實有好多資源,大家不妨自己發掘吓然後操吓卷先再去考,話曬考一次都成2200蚊🧐 至於writing,我覺得係IELTS之中最難嘅。難係難在時間比較緊迫。當你又要時間睇清楚條題目/d數據,又要時間思考/draft就變咗幾急吓。呢part我覺得大家可以花多d時間鑽研一下。如果自己搞唔掂,可以上youtube/google搵吓相關嘅tips/教學片段呀! 最後黎到speaking啦~你會同一個native english speaker對話😂d topics都幾多變化,古靈精怪🤔我就冇咩點prep到💩我覺得只要你講d野合理,講野流暢而又冇咩grammatical mistakes,又會vary吓自己嘅用字,個分都唔會太差。 咁考完之後呢就大概13日之後會知道成績,係上番個指定網站到check der~ 另外,想補充番嘅係而家IELTS有電腦模式嘅考試,但就係經IDP報名 (非廣告lol) ~佢好就好在好快可以知道自己個成績咁。大家有興趣可以自己去睇吓呢!

法國升學心得- 巴黎政治學院 Sciences Po Application | 點報名?| 程序係點?

法國升學心得- 巴黎政治學院 Sciences Po Application | 點報名?| 程序係點?

法國留學應該比起英國/美國/澳洲升學冷門,但如果有意讀political humanities嘅話,其實法國係一個不二之選!而之前都有d followers pm問過我相關嘅野,所以今日決定講吓我自己嘅經歷🤓​ ​ 講番自己點解會consider法國升學,事緣係因為我見到HKU同法國一間幾出名嘅大學Sciences Po有個dual degree program,覺得幾吸引同埋自己對呢方面都好有興趣,所以就報讀咗~ 首先講吓個programme structure,dual degree係兩年喺法國讀,兩年喺香港讀。報讀之前唔需要識得法文,可以到時再學~ Sceinces Po果度可以揀campus,唔同嘅campus focus嘅地方唔一樣。例如我報讀嘅Le Havre Campus就係focus落europe+asia嘅issues。另外,HKU果度有好多學科可以畀你選擇,如business management, geog哈哈 如果單純係Sciences Po個bachelor degree(其實如果報dual degree,個application system都規定你一定要報埋佢自己個bachelor degree),就係讀3年,2年喺佢自己間大學到讀,最後1年一定要去佢d partner universities到讀。佢partner universities嘅選擇有好多,好多國家同名校都cover到,例如英國嘅話就有Oxford果d啦 至於點樣報讀,其實程序我覺得比起UCAS更為繁複🙈首先,你要去Sciences Po個網站到開個account,然後入面就有超多資料你要填 除咗你d個人資料外,仲要畀埋transcript+predicted grades+CV,仲有2 personal statements (1000 words each)。PS有兩份嘅原因係因為一份係for dual degree programme,另一份係for Sciences Po嘅bachelor degree programme。建議兩份都寫一d自己嘅"真心話",因為interview嘅話有可能會問到架~ 講到interview,你會喺submit咗application大約1個月後收到通知。如果有幸去到interview,佢會畀篇新聞畀你,然後有30mins去prep,之後你就會同3位interviewers present你自己對果樣野嘅睇法/意見 (~10mins)。d interviewers就會based on你講咗嘅野/議題再問你一d challenging嘅問題。完咗呢一part之後,就會問你一d比較personal嘅問題,可能係關於你嘅背景、志向等等 呢到要提一提番,呢個application嘅reference letter果到同UCAS嘅做法有d唔同,因為你要搵2位老師幫你答Sciences Po準備咗嘅一d question boxes咁。 希望呢個post可以畀大家了解多一d法國升學嘅野啦🙋🏻‍♀️其實如果有意畢業後從事政治/入UN organizations果d,去Sciences Po到讀真係有好大優勢架!佢一路以黎都產出咗好多總統同國際組織嘅主席😳

關於英國聯招UCAS你一定要知道嘅野 All You Need to Know about UCAS

關於英國聯招UCAS你一定要知道嘅野 All You Need to Know about UCAS

幾時開始搞?我記得我搞UCAS應該就係F5升F6個暑假嘅時候 順帶提一提,如果想報IGCSE,最好暑假plan定。至於IELTS都建議大家暑假報埋黎考,減輕之後嘅負擔 (雖然可以喺出offer後再考),同埋如果touch wood考衰咗,都可以再考呀嘛 講番UCAS,如果學校係UCAS centre, 要問學校拎個buzzword將自己個acc link去學校到 開咗UCAS acc之後,應該有一堆資料要填,仲有最重要嘅就係要填你4000 characters (characters唔同字數,因為佢計埋spacing果d) 個personal statement 由於你篇Personal statement係畀曬5間你所選嘅大學睇,所以你揀嘅科應該相類似 Personal statement(PS)方面佢同JUPAS果d好唔同,需要你講d比較academic嘅野,例如可以係一本書畀到你嘅啟發、你對某件事嘅睇法等等,總之要show到你自己對學科嘅熱誠。而ECA果d應該佔大約10-20%,其實都可能要視乎你報嘅大學嘅實際要求係點 建議大家填好曬所有資料之後,可以將自己寫得7788嘅PS放落去睇吓字數,因為有時你用嘅doc未必準 臨近UCAS deadline嘅時候(如果報oxbridge應該10月15倒會已經係deadline),建議你畀咗個手續費嘅先,然後press submit,之後叫負責個老師release番個acc畀你改野,因為真正嘅submit應該係由學校去幫你搞嘅 講完自己有d咩要做,其實你都要搵一位老師幫你寫reference letter。最好果位老師係關你想喺大學讀果科事同埋係幾熟你咁。如果你好有好奇心睇老師寫咗咩同埋學校submit咗咩predicted grades畀你,其實可以喺submit咗之後打電話去英國UCAS果邊叫佢send番畀你睇 (有法例保障咗你嘅權利去access你d個人資料,包括ref letter在內)