去英國倫敦大學學院讀人文地理 | Life at UCL BA Geography

👇🏻 學術野📚 1. 讀書好hea?冇8半堂?! 去外國讀書畀人嘅印象可能係唔使點讀書,輕輕鬆鬆咁。其實完全唔係🧐 當然,你自己可以選擇唔讀,做個真·廢青啦哈哈😂 以我嗰科黎講,d lectures/seminars/tutorials真係唔算好多,而且最早都係10點開始,最遲4點完。咁樣睇落雖然好似好輕鬆,但其實你每次上堂之前都要prep,要睇大量嘅readings📖少則一個chapter of一本書,多則成本幾百頁嘅書架! 2. UCL讀geog係點? 呢到其實geog dept入面有offer幾個degrees- BA/ BSc Geog, BA/ BSc Geog (international) (讀4年,第3年去一間partner uni到讀), Geog with Quantative Methods, Geog + Econ. 咁我就係讀緊BA Geog,要讀d compulsory modules同埋可以自己揀其他geog modules (可以揀曬有關human geog嘅野) (亦可以揀少一個geog module,讀一個其他dept嘅module,我就選擇咗呢個配搭嘅)。另外,我地每個term都有field trip嘅。今個term就係去西班牙🇪🇸,而field trip入面其實就係包含咗human同phy geog嘅野。下一個term就好似留番喺倫敦🇬🇧 除咗field trip,我地第3年嘅term 1都可以去exchange呀😍 至於有關呢到geog係讀d咩,同大家想像中有咩分別我就留待下次再講🤣 3. UCL唔俾你成日走堂 我唔清楚香港係咪可以成日走堂(聽番黎就係),但我地UCL就唔可以成日唔上lecture嘅,seminars同tutorials就更加唔使講。我地嘅attendance要過70%,如果唔係就唔可以畀你去考試💩 咁其實有好有唔好嘅。向好嗰方面諗,可以逼你盡早prep吓d readings/ 預習。唔好嘅話就係有d lectures雖然比較廢,但你都侷住要去咁。 4. 好著重你個人嘅input 其實呢個唔一定係apply落去我讀UCL呢個case,應該係適用於成個大學嘅制度。中學嘅時候就話可以唔預習、靠學校老師/補習老師。但大學完全係另一回事,因為d lecturers好少會慢慢咁同你解釋每樣野架。雖然我地有一d 讀緊year 2嘅transition mentors幫吓我地,但其實有99%都要靠自己鑽研d readings、做更多research、整notes等等,然後最後做好d coursework/ 考好d試。 5. UCL嘅lecturers/ tutors 好恐怖? 佢地比我想像中平易近人好多🤣 佢地好鼓勵你去問問題/ challenge佢地嘅諗法,而唔會好似中學某d老師咁嫌你煩阻住佢咁🤫 同埋其實有時可以同呢d知識水平咁高嘅人交流吓都會有好多得著,袋倒好多錢落袋 👇🏻 課外生活 1. 課外生活係點? 首先講吓d societies。呢到有好多千奇百怪嘅societies😂例如有bubble tea society😆不過,想要正經d嘅society都有大把,例如就係business或者其他subject/career-related嘅societies。基本上你講得出呢到都會搵到。咁year 1都可以畀你take up d posts嘅,所以其實都幾好🙆🏻‍♀️ 至於平常生活,呢到d野比起香港真係比較貴😢食物選擇又唔多(重點係我唔覺得好味),交通費又貴...所以呢到d人大部分都會係自己煮野食同以行路為主。我而家直頭覺得自己係全職家庭主婦,然後兼職做學生哈哈哈~ p.s. 呢到唯一我覺得抵嘅係衫褲鞋襪嗰d😂 👇🏻 悠閒/日常生活嘅野👅 1. 宿舍點樣? 我覺得自己比較慶幸抽倒一個唔係超級social嗰type嘅hall,所以番到宿舍都可以慢慢宅🤪 我亦都慶幸我個hall有電梯(有d真係冇) 同非常方便。另外,我宿舍就比我想像中大嘅,不過呢到嘅宿舍你要expect冇冷氣(呢到應該唔會太熱)同會有暖氣咁。 2. 天氣如何? 我黎嘅第一個禮拜呢到就幾乎日日落大雨🌧,有d路嘅排水唔好仲搞到好似水浸咁。但近呢一兩個禮拜就正常番,間中有落雨,但可以接受。如果黎呢邊,真係要買番件防水嘅外套+鞋哈哈! 👇🏻 社交野👭 1. 英國好興飲酒,去到留學係咪一定要飲先可以埋堆? 黎英國之前我都有擔心過呢個問題嘅。但之後都發覺其實自己嘅擔心可以多餘嘅。我身邊我有好多人都唔飲酒(就算飲,都飲好少)同唔去clubbing嗰d,你總會搵倒一d同你差唔多嘅人。就算真係當你搵唔倒,其實人地叫你飲酒嘅時候你say no都冇問題,佢地都唔會介意/ 會尊重你。之前同班同學食飯,然後其中一個就提議之後去gay bar,但我同另一個唔飲酒嘅女仔都拒絕咗,其實都冇咩野😂 2. 亞洲人同外國人好難相處? 呢樣我又唔覺。呢到d人普遍黎講好nice,好outgoing,通常如果你自己一個,佢地都會主動介紹吓自己同你傾計。但係咁始終大家都可能有d文化差異,所以如果講容唔容易熟落去,可能就會難少少嘅。

去英國倫敦大學學院讀人文地理 | Life at UCL BA Geography