去英國留學必備嘅Apps!

今日要推薦嘅係黎到英國必備嘅幾個免費apps! 唔知大家鐘唔鐘意睇呢類實用資訊呢?始終大部分人都應該留咗喺香港讀大學,所以我都唔知有冇人想睇呢類post😂 等我試驗吓先~ 1. Citymapper Google Map大家就用得多,但我覺得Citymapper某程度上係比Google Map優勝嘅。首先,佢會顯示畀你睇揀唔同方法去搭車個價錢會係咩。佢亦都會話你知喺邊個車卡到上車會最近你要出嘅嗰個地鐵出口。佢仲會話埋畀你知出邊個出口架,啱曬d路癡😂 另外,如果你要步行去一個地方嘅話,佢會幫你計你可以消耗倒幾多卡路里(啱曬d衝上健康嘅人哈哈)🤪 佢都更加清楚顯示倒d巴士/tube仲有幾多分鐘會到(個人覺得佢呢個顯示user-friendly過Google Map)。 2. Tube Map 呢個app顧名思義其實就係有曬成個tube map,然後你就可以輸入你想去嘅地方,佢就會幫你計算車程需時幾耐同埋點樣答係最快。佢都可以顯示仲有幾多分鐘有車到。 3. UNiDAYS/ Student Beans 呢個app入面有超多學生優惠😍 基本上咩野category嘅鋪頭涵蓋倒!超正呀!佢d優惠係for online shopping and/ in store用嘅,所以都好方便。 4. Amazon 英國就冇香港咁方便,唔係所有野隨處都可以買到。Amazon基本上咩野都有得賣,連groceries都有😂 學生仲可以免費用半年Amazon Prime,即係可以免運費同快d運到畀你咁,超好!

去英國留學必備嘅Apps!