唔夠時間用？點樣可以善用時間黎溫書？

每個人一日都只係得24小時，但點解有時你身邊d人好似可以做得多野過你，productive過你呢？今次就同大家講吓我會點樣善用d時間～ 1. 搭車/ 等車時間🚌 我之前搭車嘅時候通常就會做吓MC，因為MC唔需要我寫個答案出黎，就咁圈好方便，同時又可以清吓concepts！咁做法就係你要事先scan咗d pp/ 上網download d pp，然後我就係懶到用apple入面嘅markup功能圈答案嘅😂 除咗做MC，我都會善用嗰d時間plan吓自己嗰日要做d咩 (比較適合喺放學搭車嘅時間做)。我就會用apple入面嘅Notes打低一個to-do list (排埋priorities會最好)，等自己番屋企唔會唔知自己應該做d咩。 2. 學校嘅小息 我覺得喺學校嘅小息/飯後時間溫書其實幾好。佢嘅其中一個優勢就係你可以同你d朋友一齊溫，互相問吓書/ 討論吓一d大家唔明嘅野。咁樣溫書又唔會話好悶好死板。另外，如果你喺學校溫書溫溫吓有d野好唔get，而其他同學都解答唔倒你嘅時候，你可以放學之後又可以即刻搵老師解答 (我成日都覺得面對面問好過whatsapp問老師野哈哈)。 3. 沖涼嘅時間🤣 聽落好搞笑，但我自己之前真係有咁做。咁可以做倒d咩呢？通常如果就黎有背默之類嘅野 (e.g. d範文)，咁我就會喺沖涼嘅時候背番出黎(前提係你有開始溫咗)。我覺得佢幾有效嘅原因係因為你唔會tempted去睇番原文，所以就逼倒自己真係靠記憶黎背。背唔出嘅地方你之後就可以針對番嗰d再重點去背啦～