喺英國大學到上莊究竟係點?有冇仙制?好competitive?應該揀咩societies?

今日想同大家講一啲輕鬆啲嘅話題,分享吓我喺英國上莊嘅經驗~ 幾時可以上莊? 英國呢到主要就興Year 1就已經可以做soc committee/ sub-committee嘅一份子~ 開學冇耐 (10-11月) 通常有好多soc都會招first year rep/ 一啲畀任何年級都做得嘅executive position。要申請做呢啲position通常都要交application (CV, 答幾條問題),然後如果你係適合嘅人選就會畀你去面試。有得面試唔代表一定入硬㗎,好多比較popular嘅soc嘅競爭都好大。如果成功入選,恭喜你,如果你第二年想升做VP/ director嘅位會容易啲! 咁應該揀上咩莊? 如果純粹為咗experience吓上莊係咩一回事,心態係想玩同識朋友嘅,會建議大家join一啲non-academic/sports/其他casual嘅soc。但如果你係真係想攞經驗豐富一下CV,想見識多啲勁人,又chur得起,可以join一啲比較formal嘅莊 (e.g. econ, business, consulting, tech嗰類嘅soc)。入嗰啲soc學到嘅嘢一定唔少,而且有機會可以透過partnership接觸到大公司嘅人。順帶一提,呢到上莊就完全冇香港嗰啲恐怖嘢嘅 (至少我冇經歷過同聽過),而且應該好多大學都有policy防止呢樣嘢發生,所以大家都需要擔心呢點哈哈。 唔同莊嘅culture有咩唔同? 至於莊culture,我會覺得多香港任同多外國人嘅soc都幾唔同吓。多香港人嘅soc通常做嘢嘅節奏都比較快,而通常某啲香港soc都會多出去飲(劈)酒嘅。多外國人嘅soc唔係話hea,但外國人做嘢嘅節奏普遍冇咁快。當然chur嘅時候都會好chur哈哈。而且多外國人嘅soc比較多socials,大多數嘅socials都會落pub/ 搞party (e.g. house party)。另外,好多人可能覺得上莊最想就係識一班好莊友,做到好朋友,但我就有種感覺呢到上一啲formal嘅莊係好難會做得成好好嘅朋友,大家都有啲距離感,好似真係出到嚟職場做嘢嗰種感覺咁,各有各忙。但正面啲咁諗,你可以當自己係建立緊一啲professional嘅connections,唔多唔少之後都可能幫到自己嘅,e.g. 一啲經驗比較豐富嘅莊友會refer你去一間公司/startup到做intern咁。

喺英國大學到上莊究竟係點?有冇仙制?好competitive?應該揀咩societies?