大學Essay心得- Research篇 | 淨係識用Google Scholar?!教你搜尋技巧!

今次想同大家分享吓我大學寫essay嘅心得,同你地講吓research嘅tips~ 希望大家覺得有用啦,記住睇到最後呀😂 戴吓頭盔先,呢啲只係我嘅心得,cover唔到晒所有嘢👷🏻‍♀️ 唔知大家平時點做research? 我覺得以下嘅網站/系統都好有用: Google Scholar、Web of Science、Scopus、PubMed、Google Search (refined)同埋學校圖書館嘅搜尋系統 Google Scholar 用Google Scholar可以配合埋睇cited by邊位學者嘅paper,建議大家留意嗰啲papers點樣同本身份paper有一個academic conversation。究竟佢認同定認同本身個作者嘅觀點?定係佢對於原本嘅觀點有補充?又或者你可以參考吓佢地點樣好精簡咁summarise本身份paper入面嘅points!同埋你都可以善用create alerts呢個功能,等第時有相關嘅papers你都會收到通知。 Web of Science Web of Science嘅好處係可以更加精準咁去search嘢 (見圖)。我都鍾意佢可以用categories去sort你嘅搜尋結果,咁就可以篩走同自己科目/個field冇關嘅嘢。你都可以check埋啲journals有幾權威㗎 (impact factor)!同Google Scholar一樣,你都可以create alerts! Scopus、PubMed Scopus同PubMed我自己就冇用過,不過都知道佢地幾出名,大家都可以善用呢兩個平台做research!不過,PubMed比較適合讀醫療科/理科嘅同學! Google Search (refined) 有時我都會直接Google search,但我通常會用「””」quote住關鍵字眼 (= search for an exact match),同埋如果想睇相關嘅papers/reports就加pdf呢個字喺搜尋字眼嘅後面。我覺得Google search都有佢嘅價值,因為可以畀你睇埋相關嘅新聞/大學嘅blog/其他網站。雖然你最後唔一定cite呢啲網站,但佢地都可以畀到啲靈感你! 同場加映:你可能忽略咗嘅hack! 好多外國professors都有開Twitter account,而佢地通常都會分享吓自己做緊嘅研究/一啲佢地覺得有參考價值嘅文章/其他人做緊嘅研究。到你寫essay嘅時候,不妨去睇吓佢地個Twitter,睇吓畀唔畀到啲靈感你,真係一個方便又快捷嘅方法!

大學Essay心得- Research篇 | 淨係識用Google Scholar?!教你搜尋技巧!