如何善用to-do list?| Notion用法示範 | 教你杜絕你嘅拖延症!

大家成日問我點樣提升工作效率,其實我都冇咩特別方法😂 不過我就真係一直都有寫to-do list,覺得真好有用,令你啲嘢更加organised✨!今次就同大家詳細講吓可以點運用to-do list同埋順便講吓可以點善用Notion。 我通常都會結合手寫嘅to-do list同手機app入面嘅一齊用,我覺得咁樣可以發揮到最大嘅功效,有效咁提升你嘅工作效率。 詳細講吓實際操作係點~ 手寫to-do list通常係一日寫一張,可以喺前一晚開始寫/第二日朝早先寫,寫低嘅tasks都係即日要完成嘅。做完就剔咗佢,嗰吓好爽㗎哈哈~ 記住要放張to-do list喺檯頭嘅當眼位置,時刻提醒自己仲有啲咩需要做! 而手機入面嘅to-do list可以用唔同app去整,追求簡單易用嘅可以揀用Apple內置嘅Notes/Reminders,追求功能多嘅可以揀其他apps,例如係我之前介紹過嘅Taskade,不過我呢排用緊Notion就覺得佢都幾好用,但需要少少時間上手。咁用app嘅主要原因係因為你可以記錄一啲之後先需要完成嘅tasks,而呢啲app嘅有用之處就係可以畀你set每個task嘅所謂deadline,然後叫佢喺特定時間提醒自己要做,唔使擔心自己唔記得⏰ 咁樣亦都可以令你清楚遲啲有啲咩要做,盡早分配好時間,冇藉口再last minute先做嘢!順帶一提,Notion比起Taskade優勝嘅地方係你可以customise/加好多嘢,例如可以加table同calendar、embed一啲檔案等等~ 大家可以發掘吓! 不過講多尾,其實你嘅工作效率好睇你夠唔夠自律!寫to-do lists只係輔助,都要你扚起心肝做先可以確保嗰日啲嘢會做得完~ 如果係喺屋企到做嘢多嘅,就可以製造吓啲儀式感,執好張檯,set好啲嘢,等自己有一個舒服嘅空間去做嘢,同埋唔好喺床到/著住睡衣做嘢啦!

如何善用to-do list?| Notion用法示範 | 教你杜絕你嘅拖延症!