如何寫英式CV?英國大學生/fresh grad必睇

就嚟畢業或者係仲係讀緊書嘅同學有冇苦惱緊CV應該點樣寫?你可能會擔心CV因為未有太多工作經驗而內容唔夠充實,或者CV因為自己冇同想要應徵嘅工作相關嘅經驗而唔夠突出?😓 今次就收到 @misscinuk 嘅投稿,帶大家睇一睇CV具體內容應該點寫先可以解決以上問題🔥 @misscinuk 由留學到畢業到工作喺英國已經居住超過6年。喺英國搵到第一份工作嘅時候用咗1個半月時間。佢中學同大學時期都曾經幫同學同屋企人睇personal statement、論文、CV同cover letter! 寫CV嘅一啲注意事項,例如內容需精簡、長短應在1-2頁內同埋需要根據應徵嘅職位而度身訂造等過往已經喺我嘅CV求生包同埋 @misscinuk 嘅post到提及過,所以呢到就唔重覆啦🙏🏻 Basics 首先,CV嘅開頭應有個人資料同聯絡方法,包括全名、電話、電郵同埋地址/所在地區。有英文名嘅話建議可以包括在內。 要注意如果係將CV send去某一間公司,可以寫地址,但如果係upload上一啲求職網站,因為存在個人私隱問題,所以只係建議寫地區。 跟住就係Profile/Professional Summary 。呢一個部分唔使太長,三至五行已經足夠,但一定要寫得夠eye-catching,因為通常係別人最先閱讀到嘅部分,所以一定要吸引到人繼續睇落去。 呢一個部分就係用嚟同人地講自己係邊個,highlight 自己最出眾嘅地方,同埋推銷自己就係應徵公司尋找嘅人才。 Education 、skills同work experience呢三個部分冇一定嘅先後次序,將想強調嘅排先就可以。 Education 需要跟時序列。可以由中學學歷開始,建議由most recent 至 least。 需要包括就讀至完結年份、學校同qualifications,一般嚟講都會包括學校同埋公開考試嘅成績。 如果學歷係喺英國以外嘅地方取得,建議喺學校後加上地方。喺成績方面都建議將grade加以說明係equivalent to 英國同等學歷的乜嘢成績。 除咗以上內容,小編當初畢業後揾工嘅時候CV都描述咗喺自己嘅專業學咗咩知識同埋拎咗咩practical experience ,亦都列出咗自己finial year project嘅題目同埋用一句來說明。 Skills 呢個部分一定要relevant,簡單嚟講job description 要求咩就寫咩,然後可以再加上一兩個additional skills係自己認為應徵嘅職位都需要嘅。要注意最重要嘅一點係唔能夠只係列出嚟,仲要加以說明證明自點樣具備嗰啲skills。 或者好多人會覺得因為冇咩特別嘅經驗而覺得呢部分好難,但其實會比想像中容易,因為好多skills已經喺3至4年嘅大學生涯中不知不覺practise咗,例如: 同人地做一啲group project 點樣展現咗teamwork同學習咗點樣同人溝通;點樣平衡學業同課餘活動已經係time management嘅展現;做Final year project/其他assignment 中點樣解決遇到困難,係problem solving 嘅表現。 Experience 如果有工作經驗,可以分為work experience同other experience 。如果冇,將title 寫作experience 就可以。同學歷一樣需要跟時序寫。當中學習到並relevant 嘅skills可以喺上一部分到說明。 Work experience 需列出時間、職位、公司名稱同地區(即使在英國以內也建議寫,如London),可簡單列出一啲job responsibilities。 做過一啲placement同internship都可以當做工作經驗,只需說明清楚係實習就可以。 Other experience 呢到可以寫一啲參加過嘅課餘活動。如果有一啲義工經驗,我好建議包括在內,因為一般企業都好鍾意見到。如果加入了一些與行業相關嘅組織,都可以喺到列明member of association,亦都記得要包括自己參加過咩event 、conference或training。 Achievements 可列出喺學術同非學術上拎過嘅獎項。如果冇就可以跳過,如果列出咗,一定要對該範疇好有把握同信心,因為面試時好有機會被問到。 Hobbies/ Interests 我建議一定要包括呢個部分,因為呢個可能係好多人唔會寫嘅,如果寫咗可能就令人眼前一亮。呢一個部分都可以顯示出你自己嘅personality ,更加可以證明自己具備嘅skills。 Referees 一般嚟講,如果喺填application嘅時候冇要求,我會寫available on request。

如何寫英式CV?英國大學生/fresh grad必睇