從中學到大學,你需要知道嘅幾點 | 附上超級有用嘅免費career resources!

唔知考完DSE嘅大家會唔會開始諗吓之後嘅大學生活會想點過呢?作為一個過來人,我今日都想同大家分享一下少少心得!希望大家會有啲得著啦🥰 盡早規劃自己嘅career 英國讀大學只有3年,變相你冇咩時間渾渾噩噩咁過。就算喺香港讀大學有4年,但其實由Year 1開始plan吓都完全冇壞,你之後一定會感激自己早咗開始plan!我會建議Year 1可以報吓啲spring insight programme,explore吓唔同嘢,了解多啲自己對邊方面有興趣同對邊方面冇興趣。Year 1嘅summer可以嘅話都應該搵intern做,而CV有冇嘢寫就好取決於你有冇上莊/做其他有意義嘅嘢。所以讀大學讀好書固然重要,但我覺得拎first hon或者2:1只係搵一份好工嘅入場券,更重要嘅係你點樣裝備好自己同埋interview嘅時候點樣包裝自己。我成日都覺得一啲講嘢叻嘅人喺呢方面幾有優勢,只要你impress到個interviewer,距離成功你又踏近一步啦! 喺到順便想介紹吓三個account俾大家 (非廣告),純粹係我自己覺得幾有用想推介俾大家! @fongcheunghr 免費幫人改CV,超有心同埋有用!佢都有拍好多YouTube片講求職方面嘅嘢,大家不妨去睇睇! 另外一個就係OnGrad,佢地有個app (OnMyGrad),入面有啲同大公司合作搞嘅virtual academy、唔同job openings同埋forum (例如可以俾你知道啲job嘅進度去到邊etc)。 HKCareers嘅話,我覺得佢哋啲posts幾有資訊性,我自己都學到唔少嘢! Networking嘅重要性 好多人都可能習慣咗喺舒適圈到,同識嘅人一齊,呢個當然冇問題。但我覺得大家都應該主動啲識多啲唔同人,例如可以透過上莊、參加出面嘅mentorship programme同比賽等等。成日都話「識人好過識字」,呢個係真㗎!話唔定有人refer你去做一間公司嘅intern,等你唔使左搵右搵呢! 讀書嘅重要性 好多人都覺得大學應該係要玩盡佢,但我不敢苟同。讀書我覺得真係唔係單純為咗個分。讀書可以令到你諗野更加有深度同埋令你更加有批判性思考,呢啲都係工作唔會教到你嘅。所以雖然讀書學番嚟啲知識未必可以喺其他領域到應用番,但讀書真係有用嘅!

從中學到大學,你需要知道嘅幾點 | 附上超級有用嘅免費career resources!