我喺香港嘅英國大學生活 | 疫情之下online上堂究竟係點?

不知不覺我已經喺香港到上咗一年online嘅堂🥲,今次想同大家分享吓我嘅「留學」experience!唔知上緊online嘅大家又有冇同感呢? Online上堂 我地UCL Geog就係冇live嘅lectures嘅,所有都係pre-recorded。我自己覺得係有好有唔好嘅。好嘅係可以自己調教條片嘅播放速度,同埋想幾時睇就幾時睇,可以畀我自行分配時間同埋唔使好似上年咁咁早起身上堂哈哈!唔好嘅位就係冇咗互動同埋同同學一齊即時交流嘅機會。 雖然我地冇live lectures,但佢為咗增加互動會有online forums同埋live seminars!Online forums其實我個人覺得成效一般,雖然我地啲professors係真係會嚟睇同埋畀意見每個人嘅。Live seminars嘅話就係based on一啲readings然後進行討論。我自己覺得就咁喺大group到討論係比較awk嘅,我鐘意喺breakout rooms到同同學討論多啲。另外,live seminars係不設錄影,等我地可以暢所欲言,自由同開放咁討論。但因為時差嘅問題,我有時都要上得比較夜,試過上到凌晨12/1點咁。 講起online上堂/學習,唔知呢到人有冇人覺得因為online而多咗好多唔計分嘅tasks要做?啲professors好似覺得我地多咗好多時間咁哈哈哈。 Online上莊 今年同上年一樣我都係有上到兩支喺UCL嘅莊。由於時差嘅關係我通常都係夜晚先開始工作,而且好多活動同meetings都係喺夜晚/凌晨時分咁。我自己覺得今年online上莊嘅經驗同上一年face to face嘅真係好唔同。你會好容易feel到自己似係打緊一份工rather than真係喺一個團隊入面大家一齊拼搏咁。因為冇咩見面/socials嘅關係,所以大家都有一種disconnected嘅感覺。另外,online搞活動同真正你實體咁參與好唔同。試問邊個會想喺部電腦前面參加一個活動/講座?無可否認,大家嘅engagement都偏低。但我覺得好嘅係online上莊更容易兼顧到自己嘅其他commitments,因為節省咗travel嘅時間等等~ Online考試 上年因為疫情嘅關係,我已經冇試過真係坐過喺exam hall到考試。正常嚟講我地UCL係會book一個叫ExCel London嘅地方去考試,其實真係唔明點解唔可以喺UCL campus到考哈哈,因為呢個考場距離我地學校成一個鐘車程。今年就冇呢個煩惱啦!我地今年用咗好多錢搞一個system去考試,通常寫essay嘅考試都會變成24個鐘,好多考試都會喺香港時間5點-9點先開始!

我喺香港嘅英國大學生活 | 疫情之下online上堂究竟係點?