我Year 2 Term 2讀咗咩?大學嘅地理原來係讀呢啲?!| UCL Geog Modules

上次大家喺story到投咗票話有興趣睇埋我term 2讀咗啲咩🤣 今次就繼續同大家分享吓keke😆 希望大家鍾意睇🤟🏻 Cultural and Historical Geog 呢個module係一個research-based嘅module。一開始讀嘅時候覺得有啲悶,但之後讀吓讀吓都覺得幾有趣。我地主要研究UCL嘅digital archives (物件、相片、文字等等),然後用唔同嘅geog ideas去睇呢啲archives。例如如果一張相影到UCL個建築,我地可以諗吓institutional geographies,搵吓係邊個建築師起同埋幾時起、研究吓個建築特色等等,再諗吓佢點樣影響到個space同space入面發生緊嘅事。如果係一件喺博物館嘅物件,我地都可以諗吓佢嘅geographies。例如我地會諗吓點解個博物館會選擇選擇擺呢樣物件喺個collection到、個物件喺邊個地方運嚟同埋點樣運嚟等等,而 ‘power’ 係點樣滲透其中咁。 另外,呢個module好重要嘅一part就係學點寫一篇reflective essay,例如我地會反思吓我地點解會選擇咗某件物件嚟做研究,當中係咪有啲咩personal/ institutional influence等等。呢啲嘢我地平時可能係比較少諗嘅,所以呢一part都真係幾特別同有啟發性。 Statistics for Environmental Geographers 呢個係我今年take咗嘅唯一一個physical geog嘅module~ 之前已經聽過好多師兄姐推介,果然冇令我失望!呢個module嘅研究對象係啲upland Welsh lakes。除咗研究佢哋嘅diatoms同water chemistry之外,我地都有學整一個diatom-inferred pH model。 作為一個human geographer,我覺得當中有啲concepts係真係有啲複雜嘅,但好慶幸個lecturer教得好好。我覺得呢個module最好嘅地方係教識我用好多software,包括係SPSS, C2同Canoco 5。學識多樣技能傍身都好! Practice of Geography 簡單嚟講就係dissertation module~ 教吓我地點樣draft research aims, objectives同research questions等等,因為我地第三年需要寫一篇8000字或者係12,000字嘅畢業論文。其實都幾開心我地可以好自由咁揀自己做咩topic,而且我個supervisor係喺我嗰個geog topic入面數一數二嘅學者,所以真係喺佢身上學到好多嘢!

我Year 2 Term 2讀咗咩?大學嘅地理原來係讀呢啲?!| UCL Geog Modules