操Past Paper時嘅Dos and Don'ts

DOS
1. 先做by topic,後做by year
因為你f4-f5嘅時候通常都未學曬所有topic,所以做by year就冇咩意義。同埋by topic咁操可以幫你逐d逐d咁清concepts,test吓自己係咪真係明自己學/溫咗d咩。

2. 開錯題簿
做pp嘅時候,如果遇到一d難/自己唔識嘅題目,就應該mark/highlight/圈低佢,然後之後就將條題目+答案/需要留意嘅位手寫喺本錯題簿/打落個doc到。咁樣你臨近考試嘅時候就可以極速重溫啦!只要日日都願意付出吓,last min都一樣可以考好個試!

3. 有時要計時做
我個人嘅習慣係通常操by-topic嘅時候唔會計時,而操by-year先會計時呢。之前提到,兩者嘅性質其實好唔同。前者著重清concepts,理解一d你唔清楚嘅野。後者係畀你喺讀完成個課程之後試吓考試嗰種時間緊迫嘅感覺。咁做by-year嘅時候計時就可以訓練吓自己個手速同知道自己時間管理做得好唔好從而作出調整。

4. 參考cut-off
我覺得大家做完成份卷之後可以上DSE00睇下cut-off係點,知道番自己嘅實力究竟係點。當然,嗰個只可以當做參考。同埋,想真正了解自己嘅實力,建議大家做曬大部分年份d卷得出d levels之後再拉個average,睇番自己嘅水平喺邊,然後再調整自己嘅study plan.

DON'TS
1. 唔好為操而操
操卷嘅目的係為咗test吓自己同埋熟悉一下DSE模式。如果只係為咗「交功課」,咁就真係浪費咗份pp啦。大家要珍惜每一次操練嘅機會,因為每一次都係學校嘅良機呀!

2. 唔好對完答案就算
對完答案之後並唔係操卷嘅完結😂大家應該理解番點解自己某d題目會錯。係careless,係唔識,係解錯題?如果係唔識,就要睇題解。題解可以上youtube search吓有冇或者買本joint-us嘅solution黎睇(雖然d解釋一般般,但冇頭緒嘅時候參考一下都無妨)。

操Past Paper時嘅Dos and Don'ts