暑期實習教識我嘅三樣嘢 | Year 1去做Intern嘅體驗⁣⁣

而家回望返,其實中學都真係算係喺自己個comfort zone到過嘅~你有咩事,身邊嘅同學/師姐/老師都會幫你。但出到嚟社會做嘢就真係要睇你好唔好彩啦~ 有好嘅supervisor同同事,恭喜你🎉。冇嘅,就要自己睇路啦🥴!⁣⁣ ⁣⁣ 好多問其實Year 1應唔應該做internship?我本身都有諗過唔好做㗎,然後hea咗個暑假佢😈,始終正常嚟講出年開始就一定會出去做intern,呢個應該係我最後一個暑假咁。但之後做咗之後又覺得都幾充實同埋有啲得著,令自己待人接物更加成熟。⁣⁣ ⁣⁣ 1. 做人謙虛好重要⁣⁣ ⁣就算你覺得自己有幾勁,都唔應該表現得好arrogant,因為咁樣會令人好反感,百害而無一利🤷🏻‍♀️。同埋其實吸收知識同develop技巧呢家嘢係唔會有完嘅一日㗎,千祈唔好覺得自己好勁就唔會喺其他同事,甚至其他interns身上學到嘢。其實做intern除咗為CV之外,亦都係教你做人同埋俾個機會你去學嘢。⁣ 後來我問返in我嘅其中一個同事,佢同我講返嗰時佢地struggle緊請我定另一個candidate,但最後尾佢冇請另一個人係因為覺得佢太串,覺得自己year 3有好多工作經驗就好勁咁,所以謙虛真係好重要!點都好,至少做個樣出嚟啦!唔好自掘墳墓☠️!⁣ 喺到想quote一句我喺網上見到嘅一句說話:「真正自信的人更懂得謙虛,謙虛之後更有自信」,food for thought~⁣ ⁣ 2. 多一個敵人不如多一個朋友⁣⁣ 出到嚟工作,做嘢同講嘢記住謹慎啲,唔好周圍得罪人🙈~ 基本嘅就係見到面打聲招呼、人地俾嘢你/幫咗你就講返聲唔該。有嘢唔識盡可能Google咗先,唔得再去問人,如果唔係人地都會覺得你煩。得罪人其實最終受苦嘅都係自己,所以就算唔憤氣,最好都等到返屋企先發洩/搵人擤。最重要真係唔好得罪自己個上司/supervisor,因為佢地係幫你寫reference letter嗰個人,會影響你搵下一份工㗎。同埋世界咁細,話唔定你之後出嚟做嘢會遇返同一個人㗎🤔,所以可以維持友好關係就最理想啦!⁣⁣ ⁣⁣ 3. 適當地做主動⁣⁣ 我個internship唔算chur,有時都會做晒啲tasks冇嘢做。如果過咗一段時間都冇新tasks,我自己通常都會搵個啱嘅時機問吓同事/supervisor有冇嘢需要我幫手~ 因為始終我覺得做intern就係要做多啲tasks學吓嘢,主動少少都應該冇問題(當然你自己都要試吓水溫睇吓其他同事會唔會覺得你咁樣好煩啦),因為你幫佢地做嘢都係減輕緊佢地嘅負擔(given你做嘢正正常常冇甩漏),佢地正常嚟講都會樂意俾啲細微嘅tasks俾你做嘅。講真,雖然你坐喺到扮工都可以拎到份糧,但你學到嘅嘢就一定少好多,其他同事亦少咗個機會袋錢落你個袋到。機會係自己爭取同把握嘅😌!⁣⁣ ⁣⁣ 多謝大家聽我9up😂 純粹突發奇想,想分享吓keke~⁣⁣

暑期實習教識我嘅三樣嘢 | Year 1去做Intern嘅體驗⁣⁣