無法集中溫習?點樣先可以專心啲溫書?

呢個問題好多人都成日問我,以下係我小小嘅建議😛 1. 搵啱你嘅溫書時間 有d人鐘意喺朝頭早溫書因為頭腦比較清醒,有d人就鐘意喺夜晚溫。總之你就搵啱你最專注倒嘅時段,然後喺嗰個時段到淨係溫書。時段以外先安排其他需要做嘅野 (e.g. SBA, 功課) 2. 搵個朋友督促吓你 你可以選擇約你個朋友出黎去圖書館/一d靜d嘅地方到溫書,喺咁靜嘅環境到就算你好想同你個friend傾計都會容易d忍倒😂 如果嫌約朋友出去溫太嘥時間,我以前就會同朋友喺google doc上面溫書🤣 咁大概就係每人出d題目畀對方答,考吓對方~除咗可以逼倒自己溫書之外,亦可以知道自己邊part溫得唔夠熟/直頭忽略咗,一舉兩得! 3. 唔好逼自己一次過溫勁耐,適當咁畀d break自己 人就好難長時間都咁專注嘅,所以我會建議溫一陣(e.g. 1 hr)然後就休息一吓。休息完大約5-10分鐘就繼續再溫。我覺得咁樣會effective過你一次過塞大量資訊入你個腦到~ 4. 真 · 遠離你部手機 手機嘅誘惑真係好多,好多時大家諗住scroll一scroll IG、睇一睇youtube最後就會用咗1+鐘😭 咁我自己就會轉部手機去靜音+飛行模式,然後張部手機有咁遠放咁遠😂 我自己就反而覺得forest嗰d嘅效用都冇咁大,拎開部手機最實際🤫

無法集中溫習?點樣先可以專心啲溫書?