用咩方法寫筆記先最啱你?

仲煩惱緊用咩方法寫notes?而家我就幫大家分析吓用邊種方法最啱你!⁣ ⁣ 1️⃣ 用電腦打notes⁣ ✅ 有效率,因為可以善用各種功能加快打notes嘅速度 (e.g. Google Translate, flowchart maker, CamScanner, 直接copy and paste老師ppt嘅野)。你亦都可以更容易整合埋喺網上搵番黎嘅資料。⁣ ✅ 容易統一個formatting (margin, font, font style, colour coding等等),令你溫書更有效率。⁣ ✅ 冇咁容易唔見 (Google Drive/ iCloud/ Microsoft OneDrive都可以幫你備份)。⁣ ✅ 方便你隨時隨地睇 (冇data/ Wifi嘅時候都得!只要事先download咗落部手機就ok),但又唔使拎多d野,有手機就ok💯⁣ ❌ 如果唔用慣電腦畫一d比較複雜嘅diagrams/ equations,用電腦打notes反而會拖慢你嘅進度。⁣ ❌ 我知道有d人如果唔係自己手寫notes,就難d記入腦。亦有研究話手寫notes比起打notes更能加深你對學習內容嘅印象。⁣ ⁣ 2️⃣ 手寫notes⁣ ✅ 適合一d要畫大量複雜diagrams嘅科目,e.g. 數學、化學。⁣ ✅ 有研究話過手寫notes可以刺激倒我地嘅心智,同觸動腦部嘅唔同區域,加深我地對學習內容嘅印象。⁣ ❌ 如果覺得份notes好亂,想再整理份notes,好多時都要再重新寫過一份。比起打notes可以隨時duplicate個file再arrange過會慢好多。⁣ ❌ 未必適合有大量文字內容嘅科目,e.g. 雙史。⁣ ❌ 大頭蝦嘅人拎咗出街溫可能會唔見💩⁣ ❌ 萬一唔小心倒寫d液體落去份notes,就....⁣ ⁣ 3️⃣ 手寫notes (iPad + Apple Pencil)⁣ ✅ 比起傳統嘅手寫notes更加整齊同有條理,但佢同時亦可以做倒加深記憶嘅效果。⁣ ✅ 比起喺電腦到畫圖,喺iPad到畫圖對於某d人黎講可能容易d同快d。⁣ ❌ 雖然有得好似電腦咁split screen,但感覺上寫野嘅時候都冇咁方便。⁣ ❌ 成本好高,唔一定人人可以用呢種方法黎寫notes。除咗iPad同Apple Pencil之外,你仲要畀錢買一d專係寫notes嘅apps (e.g. GoodNotes, Notability)。抵唔抵就見仁見智啦~⁣ ❌ Apple Pencil唔可以一路差住電一路用。即係話如果你支Apple Pencil冇電而你又唔記得差,就要等陣先可以再寫notes。但打notes就唔會出現咁嘅問題。

用咩方法寫筆記先最啱你?