畀中四至六嘅建議⁣ | 開學必睇!

話咁快就要開學啦🎒~唔知大家準備好未呢?⁣ ⁣ 今次呢個post就係想畀少少喺讀書同心態方面嘅建議畀大家💡 希望你地開學之後更加有方向🧭⁣ 【學術】中四-五 唔使咁急住補習,真心建議大家自己嘗試吓處理嗰科先。雖然補習好似係一個捷徑,但我自己就覺得佢skip咗畀你思考嗰part,更何況網上有咁多免費資源。某程度上如果你習慣咗有人spoon-feed你,就算你捱得過DSE,都唔會捱得過大學啲考試。 唔好亂買坊間嘅補充練習。其實喺呢個時期,老師每教完一個課題,你都可以開始操by-topic嘅past paper架啦!完全冇咩需要再出街買堆練習番嚟,因為佢地好多嘅出題模式都唔似DSE。 睇吓邊科需要整筆記,然後開始慢慢搞。好多人成日都後悔自己冇早啲整筆記,所以其實如果你開始feel到嗰科嘅資料喺教科書到好唔齊全/整理得好差,你就可以開始整份筆記,減輕你日後嘅負擔,亦都方便你之後重溫! 除咗整筆記,我都建議大家某啲科可以整錯題簿。錯題簿嘅用意就係畀你寫低你操by-topic pp嘅時候發現嘅伏位,等你日後可以集中溫呢本嘢,唔使再亂操pp。 【其他】中四-五 參加吓唔同嘅課外活動 (e.g. 啲比賽、之前我介紹嘅Coursera/edX網上課程、做義工)或者喺學校take up吓啲leadership positions!因為呢段時期你已經算係比較多空閒嘅時間,除咗可以畀你探索吓自己大學想讀啲咩,亦都可以畀你累積啲經驗寫喺Personal Statement/CV到~ 如果已經知道自己大學想讀啲咩,建議大家可以揾一啲同學科相關嘅活動嚟參加/posts嚟做。 開始養成時間管理嘅習慣。你可以寫schedule、to-do list又或者做calendar blocking,總之就揾一個方法令自己可以好好分配啲時間。因為你F6將會更忙,所以你應該盡早學識點樣prioritise唔同嘅tasks。 【學術】中六 如果未做完by-topic pp嘅就繼續做埋佢。做完嘅話就可以試吓計住時做by-year嗰啲,睇吓自己時間分配o唔ok~ 筆記如果有需要可以繼續整,但唔好用晒所有時間喺呢到!真係有迫切需要先整啦,你應該用更多時間去操卷同清concepts。 唔好盲目同人地跟風。到到呢個stage你可能開始緊張,見到身邊好多人報intensive可能自己都心郁郁想跟,唔做就好似落後人地咁。但你真係要諗吓自己有冇呢個需要,上完先發現原來教嘅嘢自己都識/教學模式唔啱自己到頭來都係浪費咗自己寶貴嘅時間。 唔好盲目同人地比較。可能你會見到/聽到人地已經操咗好多好多卷,然後就想自己加快速度去做。Motivate到自己努力啲固然係好事,但你亦都要記住操pp係質>量,意思即係如果你淨係不斷操卷,操完又唔理解點解marking scheme個答案係咁、自己可以點樣改善,咁其實同唔操冇分別。 【其他】中六 好好照顧好自己嘅身心健康。萬一你病咗,就好好休息先,休養好先在繼續奮鬥啦!病住溫書其實仲唔productive!心理健康都同樣重要,唔好畀自己太大壓力。覺得太辛苦就停低休息吓先,如果唔係累積太多壓力同負面情緒會爆煲㗎!太多負面情緒都會令自己嘅溫書效率下降,所以畀自己適當嘅喘息空間好重要!可以揾朋友圍爐取暖,呢個時候互相支持同鼓勵好重要~

畀中四至六嘅建議⁣ | 開學必睇!