英國升學心得分享- KCL Law | LNAT要幾多分先入到?有咩特點?點解要揀KCL?

今次就會專講關於KCL Law嘅嘢,希望可以畀大家更深入了解呢間大學同埋個degree~ 再次多謝佢地咁用心寫呢篇分享文畀我❤️! 以下係佢地嘅自介👇🏻 Hello 我地係 KCLPASS! PASS 全名係Public Awareness and Social Service, 係香港人成立嘅soc, 大部份英國嘅大學都有! 成立嘅目的係推動學生積極接觸、了解同埋參與公共事務以及義工籌款活動! 我地不時都會舉辦有關學業、就業以及聯校嘅聯誼活動~ 如果有興趣知多啲, 可以follow同埋dm我地 @kcl.pass :) 1. KCL Law 課程資訊 Offer holder’s LNAT avg: ~27。Borderline cases先會睇essay。 成績要求: DSE: 必修科4444, 選修科5*55 A-level: A*AA (接受A-level Chinese) IB: HL 766, Total 35 including TOK/EE IELTS (academic): Overall 7.0, 6.5 in each skill KCL Law嘅考核模式: Law core modules: 70% closed book summative exam (taken in Summer term), 30% coursework。 2. KCL Law: 3大特點 1. KCL Law School 同香港嘅淵源 KCL算有唔少專屬法律學位嘅獎學金,同時都有適合和專為香港學生而設嘅獎學金。除此之外,其實KCL Law school正式係叫Dickson Poon School of Law:當時潘迪生先生給予KCL Law school嘅捐款係史上一間英國或歐洲法律學院收到最高嘅捐款金額。呢筆錢就投放係跨國法嘅研究工作。另外,KCL同HKU及CUHK都有joint law programs。 2. KCL Law School嘅特點 除咗係世界上著名嘅Law school,具有有利嘅地理位置 (倫敦,Law school對面係Supreme Court, main Law library (Maughan) 對面係Law Society),亦有其專長:提及過嘅Transnational Law (CTLS十個成員之一), International Commercial law, EU law, Arbitration…!順便一提, Law School 租用Somerset House嘅一部分為教學大樓, 真係超靚;作為Law student都好自豪我地嘅系能夠獨享一棟大樓嘅! 3. Law Societies 非常多 因為law socs比較多,所以exposure、參與機會都同樣多。 多數大學嘅Law Soc包辦大部分活動,可能舉辦嘅活動集中係商業事務律師嘅就業出路。但KCL除Law Soc之外,真係有10+ Law-related societies,例如有專屬Bar & Mooting,Pro Bono活動嘅soc;推廣diversity & inclusion嘅Women in Law, Diverse Lawyers;較為specialised嘅有 ELSA (European Law Student Association), KIIPS (IT & IP Law) 等嘅societies!KCL亦有Legal Clinic 作為optional course option or ECA;其他相關嘅societies都會提供有關就業或者practical嘅知識或資訊,例如Streetlaw, Blockchain。有興趣回港就業嘅Law students, 都可以留意KCLPASS 有份舉辦同推廣嘅Annual HK Law fair, Law firm presentations! 3. Why KCL? 雖然不能作出實際嘅比較,不過分享吓喺KCL或者外國讀大學嘅感覺! 1. 國際化|多樣化嘅學生群體 從上tutorial就可以感受到倫敦係幾咁國際化。因為KCL有幾多同EU 國家joint law degree program,同時又不乏印度、新加坡、馬來西亞、韓國人等,所以單單一個group十幾人,個個都嚟自唔同國家。同時,你會遇上好多唔同嘅人:譬如已經讀過bachelor’s degree,靠自己工作嘅收入儲蓄黎外國追夢嘅mature student,屋企過去13代都係做律師嘅學生,或者志願係翻自己國家改革司法制度嘅人… 當你同一班唔同背景但志同道合嘅人一齊讀書,嗰種感覺好奇妙! 2. 友善嘅氛圍 無論讀Law至做律師,競爭都係好大,大家不免會有所防備。自己喺KCL嘅遭遇卻係發現同學之間都會幫助大家,一齊討論tutorial prep、解答難題、作出鼓勵; 甚至我幸運咁遇上願意分享筆記、讀書經驗嘅師兄師姐。作為PASS嘅一份子, 我都有幸可以同其他來自香港嘅同學一齊參加活動、聚會,互相幫忙;所以我地都希望可以同樣地營造到咁warm嘅community俾以後入讀KCL嘅香港學生! 3. 教學設施同地方齊全 KCL其實有5個campuses, 其中Waterloo campus大樓係倫敦最大嘅大學大樓!Campus嘅用途除咗係上堂外,都係聯誼、活動、提供教學設施嘅地方。我認為一大好處就係令學生更有歸屬感,例如喺campus能夠識多啲自己科嘅人,更多機會接觸學科嘅活動,容易揾書/資料/careers support/工作室等。

英國升學心得分享- KCL Law | LNAT要幾多分先入到?有咩特點?點解要揀KCL?