英國升學心得- 倫敦政治經濟學院心理學 LSE BSc Psychological & Behavioural Science | 究竟讀啲咩?同UCL Psycho有咩分別?

講咗好耐話要邀請個好朋友嚟寫關於LSE psycho嘅嘢😆 今日終於可以post俾大家睇啦!呢科喺LSE係比較新嘅,所以都冇講過人分享有關嘅資訊。如果大家有意考慮去英國到讀心理學就一定要睇呢個post啦❤️ 大家聽Geogaholic講咗咁多UCL嘅生活,我就講下LSE嘅版本啦🤪! 自我介紹吓:我係Geogaholic最好嘅朋友😍🥰😘認真番,我係LSE BSc Psychological and Behavioural Science (簡稱PBS) 嘅同學,係考2019 DSE🙆🏻‍♀‍ Programme個名咁長究竟係讀咩?同其他大學嘅心理學又有咩唔同?🤔 我year 1有三個compulsory courses,分別係Statistics and Research Methods for PBS (簡稱PB130)、Foundations of Psychological Science (簡稱PB101) 同Foundations of Behavioural Science (簡稱PB100)。然後可以再自由多一個course讀,我就揀咗經濟。 同其他大學嘅心理學嘅分別我覺得主要有兩個。一係我地會讀比較新嘅behavioural science,雖然比例上都係psychology多啲。二係所有PBS courses我地都會focus多啲係社會層面嘅應用,例如public policymaking咁。比起傳統心理學通常則重點係個人層面多啲,例如人有唔同嘅心理病等。 如果要同UCL psycho比較嘅話,UCL嘅psycho係比較傳統啲,因為佢會讀多啲individual level嘅應用,例如係clinical/ educational psychology。而LSE正如啱啱所講就係專注喺behavioural science方面多啲,諗嘢嘅層面會偏向喺policymaking方面,成個programme同approach都比較新。 DSE冇讀過psychology喎!點知自己有冇興趣上大學讀先?同埋報大學或讀上去嘅時候會唔會因冇AL psychology底而輸蝕? 🤍利申,我DSE讀phy、chem、econ同M1。純粹因為自己當初對呢科有啲興趣,所以自己係課餘時間會睇吓相關嘅TED Talk同書。了解多咗又肯定咗自己嘅興趣,就報咗呢科。所以如果大家對呢科有興趣或唔知自己有冇興趣,不妨上TED睇多啲了解多啲先。 🤍如果再想認真或學術啲,我會介紹兩本書:第一本叫Happiness By Design by Paul Dolan,內容主要由心理學角度窺探點樣每日開心啲。作者係我地鼎鼎大名嘅PBS Department Head,亦都係PB100嘅lecturer。即使話PB100就好似作者自己親身講解教授佢本書嘅內容,好多人都好似我咁慕名而來上堂嘎。第二本書叫The Secret of Our Success: How Culture Is Driving Human Evolution, Domesticating Our Species, and Making Us Smarter by Joseph Henrich,內容關於cultural and evolutionary psychology。作者係我PB101 professor嘅best friend👬,兩個都係呢方面嘅權威。佢地有好多學術性交流(包括呢本書裡面嘅研究都係佢地一齊做),而PB101一半嘅嘢同呢本書都好有關係。話就話係academic reading,但其實兩本書都係target普羅大眾嘅best sellers,所以好容易上手。 🤍至於冇AL psychology底係咪會輸蝕,答案係唔會!!!唔單止係我,就連我身邊大部分同學都冇讀過AL psychology。亦都唔洗擔心,因為啲嘢係會由零開始教起。 呢科適合咩人讀? 唔想嚇大家,但老實講我覺得quantitative同qualitative嘅能力都相當重要。因為例如PB130主要係讀做相關研究嘅統計學,所以數底好或有讀M1絕對有幫助。而例如PB101同PB100都係essay-based嘅subjects,再加上佢地都分別有海量readings,所以語文底好都絕對有優勢。不過講就咁講,其實過倒佢entry requirements已經足以證明有能力讀。😌 有咩UCAS Application心得? 講到UCAS Application,咁最緊要梗係篇personal statement啦。其實成篇嘢都係講個啲㗎啦:講吓自己點解有興趣讀、點解覺得自己適合讀、讀完想點樣貢獻社會等(吹水多哈哈)。🤭不過,我自己覺得勝人一籌嘅係提及自己有相關嘅work experience。嗰時我喺中環一間診所實習,跟一位喺ADHD方面係香港權威嘅心理學家。所以如果想提升自己嘅競爭力,不妨試試搵啲clinical psychology/ psychology-related internship。 畢業出嚟有咩做? 戴定頭盔先👷🏻‍♀‍,我啱啱先讀完一年,自己嘅路都係摸索當中。不過,先唔好講好多人讀呢行唔係做嗰行。正路去睇,如果你對傳統心理學有興趣,咁你可以讀埋master,做心理學家(例如ed psy、clin psy)。當然亦可以不斷讀上去,做academia嗰啲啦。而如果你對behavioural science有興趣,可以諗做consultant。例如UK government嘅Behavioural Insights Team專注喺政策上應用,或者係salient、cowry、ogilvy等公司專注係workplace嘅應用。咁如果鍾意呢科但由想從商嘅,可以選擇讀我地department嘅masters,例如organisational psychology都好出名再而做相關嗰行。 Geogaholic按:希望大家會覺得呢類英國升學心得posts有用啦❤️!我同呢位好朋友係中同,大家都知道傳統學校喺外國升學呢方面嘅support好少,甚至係冇,所以希望藉住呢啲分享幫到大家!

英國升學心得- 倫敦政治經濟學院心理學 LSE BSc Psychological & Behavioural Science | 究竟讀啲咩?同UCL Psycho有咩分別?