英國升學心得- 畢業生為你介紹Exeter Marketing & Management | 好自由?出路闊?

今次係Exeter Marketing & Management嘅分享🤩 喺到多謝 @worknplayboy.uk 咁詳細嘅分享🔥 佢已經畢咗業㗎啦,所以個分享會更全面😆 想了解多啲Exeter呢間大學或者係呢科嘅,記住要睇呢個post同save低佢之後再重溫啦! 基本介紹 Exeter 可以話係一間好flexible嘅大學 (喺degree 結構上)。讀唔同科都有一定數量的module畀你讀其他學系嘅嘢,例如business可以讀language,甚至可以申請讀一兩個geography modules等等。同一道理,好多喺Exeter到讀地理嘅人都會讀business嚟增加自己就業機會,同一時間拉吓分,因為business啲科容易拎70% 以上哈哈~ 另外,佢好welcome國際學生,畀好多support 畀international societies,無論係金錢定係政策上。所有學生無論咩國籍都好融合!Career zone亦不斷都有新諗法,希望增加大家嘅employability!最後佢真係有好多唔同societies,可以令大家嘅校園生活好豐盛 (好明顯我就係用盡呢方面上好多莊)! Business School嘅自由度 同屬business school呢個umbrella下,讀business嘅人都可以用自己嘅optional module嚟讀leadership, marketing, accounting, economic或者係entrepreneurship嘅嘢!變相其實你讀business都可以tap into 其他專業,當然唔會係好專業,但係都可以激發你思維! 我就係因為呢個制度,第一年有讀leadership,當然亦有讀好多marketing 啦,同埋我最後一年有揀到entrepreneurship。Entrepreneurship係講你點樣建立一個startup, 同埋會涉及到更多personal development嘅嘢,令你成為一個business上更好嘅decision maker/ CEO/ leader/ manager! 課程內容 其實嚟嚟去去都係嗰啲啦,business我覺得無咩特別好講哈哈~ 我自己讀Exeter business覺得Exeter好墨守成規,課程唔貼近現實business發展。好多人讀完都對而家嘅商業世界冇咩概念。特別係marketing,我覺得Exeter嘅marketing好唔接地氣。我上年year 3 marketing 讀緊啲嘢係2010-12嘅case study,都差唔多十年前。Business發展日新月異,兩年前都嫌outdated啦,讀得好冇癮。 但係我必須要講exeter呢間大學作為「鄉村學校」,環境其實好適合個人成長嘅發展。我覺得business呢科如果你想有好啲嘅career發展,特別係喺英國發展,最重要就係你嘅soft skill發展,包括leadership, communication, time management, proactive attitude之類。而呢間大學都提供好多時間、societies同埋programmes畀你好好運用。但係真係好在乎你會唔會善用,唔善用真係好浪費哈哈哈。而我覺得喺Exeter到讀business就係剩低好多時間俾你去好好安排,做其他增值自己嘅事。至於我做咗咩,可以去我channel到睇~ 教學模式 主要都係lecture 同埋seminar。 要有咩心理準備? 冇話特別需要咩心裡準備。要講嘅話,accounting有啲難~ 理想 vs 現實 預期:距離London好遠,冇咩嘢做。 現實:其實係相反。呢到有好多唔同societies,當然有HKPASS同埋HK Soc,但仲有好多其他societies,例如volunteering, Kpop, Taylor switch, Korean, Japanese等等。有成二百幾個societies咁多,而好多都好歡迎國際學生,大家人都好好,亦有好多活動,會令你有好多得著。 Gap year制度 Exeter Uni 最近都對國際留學生鬆綁!冇記錯嘅話,你可以喺第一年讀書嘅時候先確定你take 唔take gap year (以前係入去之前就要決定好)。至於gap year,所有business school嘅人都可以選擇一係做placement year,一係exchange year。 Exchange嘅話可以去官網睇吓exchange邊間大學,我問過好多英國人,佢地都好鍾意佢地個exchange year。當然,placement year嘅話就係可以喺英國或者自己國家到做嘢。而我就選擇咗placement year,喺英國倫敦一間startup到做嘢。而我相信呢個係一年好重要嘅一年,令我畢業可以係英國有grad job!詳情可以睇我嘅post~ 收生/成績要求 3科5,科目配搭可以係以下任何一個: 3個Group A NSS Elective Subjects; 2個Group A NSS Elective Subjects加中文或者英文 IELTS (academic): Overall 6.5,每個subtest至少要有6.0。 如果最後都係唔達標,其實可以讀INTO International Year One,跟住喺嗰到考番上去year 2。唔使擔心,一般香港人通過率超過90%,呢個係官方數字+個人發現,所以正正常常咁讀就得。 出路 就呢一刻嚟講,我可以summarise我上年啲同學仔畢業後係點,俾大家一個概念個出路會係點。 返香港就業嘅學生:大部分做Big 4同律師樓。 喺英國嘅國際學生:我就係其中一個喺Big 6 energy公司到做grad scheme,即係香港叫的MT。(我仲有收到其他offer,例如Transport for London同BT嘅最後一輪面試,但係我已經有offer,所以就退出咗) 仲有其他香港同學做Dyson嘅grad scheme;有一個香港同學喺英國Nissan公司到做HR;台灣+泰國同學做英國big 4 (特別係EY同埋 Deloitte) ;有同學去咗Apple 英國分部到做;有俄羅斯同學區咗Microsoft到做。 英國本地同學:去咗Disney, IBM, Northern Highland等各大公司,但據我所知,佢地唔係話學業特別勁啲個啲,有2:1 亦有1st。 WorknPlayBoy真心建議 如果想要自由度、讀唔同科:揀Business & Management (N202)。就算你想讀Marketing,我都建議讀N202,之後再揀marketing,因為Exeter改晒新modules,同埋本身marketing又有啲難又悶,所以最好就揀management,之後先揀啲容易讀同好玩嘅marketing module。(如果想知多啲揀module嘅詳情,可以follow @worknplayboy.uk,佢之後出一個po專講Biz module) 如果想增加自己就業率,而又對數字有興趣、鍾意玩excel、唔怕chur:請選擇Business Analytics。呢個係新嘅degree,今年2020第一年開辦嘅。雖然冇人讀過、冇人知究竟係伏定係唔伏,但係我相信今年啲人如果仆咗街,你地下年讀一定會容易番。所以無論點,你地下年讀一定係相對地輕鬆,同埋係比較完整嘅體驗!同埋入面教識你嘅skills都係employer鍾意見到嘅! 仲有,千祈唔好揀Cornwall campus,佢畀獎學金你都唔好讀!因為嗰到好似除咗dominos之外,冇其他外賣好食,會相對悶啲。當然,如果你係鍾意大自然、本身好outgoing嘅,就冇咩問題。

英國升學心得- 畢業生為你介紹Exeter Marketing & Management | 好自由?出路闊?