英國升學心得- 英國倫敦政治經濟學院讀管理學 LSE Management | 同喺香港讀business有咩分別?超chur?

上次大家就聽完我另一位朋友講關於LSE Environment & Development嘅野,今次就請到另一位朋友講吓LSE Management😍 以下就係佢嘅分享👇🏻 大家聽Geogaholic講咗咁多UCL嘅生活,我就講下LSE嘅版本啦🤪! 自我介紹吓:我係LSE BSc Management Year 2嘅同學,係考2018 DSE🙆🏻‍♀️ 1. LSE Business-related subjects LSE提供嘅純business-related undergrad courses唔係好多,有A&F, Economics, Finance, Management。Management讀嘅野都幾闊,accounting, econ, finance, maths, statistics, marketing, operation management等等,我自己幾鐘意呢科,quantitative同qualitative嘅野都有,同埋有outside options可以揀自己有興趣business-related嘅科,課程幾flexible同 practical👍🏻。至於出路,其實大學讀嘅科同你將來做嘅工唔一定有關係嘅,想係business方面發展可以做consulting, ibank, asset management, sales and trading,又或者做MT, NGO, 其他工都得,當然LSE好多人選擇前者,大學呢幾年就係發掘自己興趣嘅時間😌~ 2. 香港 VS 外國讀Business 其實視乎你自己value啲咩,係外國讀書呢個經歷俾到你嘅係international exposure,同唔同culture嘅人相處同做野,外國嘅教學方式培養你多方面思考,唔似香港淨係填鴨式教育🙈,focus係exam skills同spoon-feed學生。實際啲咁睇,選擇留係香港定去外國視乎個offer,大學reputation都係其中一個重要考慮因素,如果想係香港做野,除咗外國出名嘅大學,其他外國大學其實係香港未必好多僱主會識。 3. LSE Atmosphere LSE應該出名student satisfaction全英國最低,好chur好competitive,我覺得錯唔哂🙊,但好睇自己嘅心態。LSE嘅同學其實個個都好勁,只不過每個人嘅focus都唔同,有一啲好career oriented,幾時都係報緊工搵緊intern,有啲就讀書好勤力,有啲就會玩好多society,學識調節自己嘅心態係重要💪🏻,與其係咁同人比較,我會當每一個相處做野嘅機會係一個學習嘅過程,係每個人身上都有啲優點係值得學習,同時間係join唔同野嘅過程中發掘自己其實想將來做啲咩,唔使人云亦云,唔使人地做ibank自己就要做ibank,所以我都幾enjoy LSE嘅生活。至於social life,LSE比起其他London U的確係少去social events,但其實都係睇你自己想點樣work life balance。 4. LSE academic requirements Apply UCAS嘅時候要交埋學校俾嘅predicted grades,最好個grades係高過佢出嘅grades (利申: PG完全冇5**都有機會有offer),最重要係份personal statement,LSE好著重你成績以外有咩motivate到你想讀個科。每科嘅要求都唔同,詳情可以係LSE個website到睇翻,但LSE好注重數學,如果寫到明會睇數學,即係睇DSE Maths compulsory part + M1/2 (利申: 考出嚟嘅成績如果數學miss咗offer真係唔會點再consider),如果大家想報又唔知自己讀嘅科報唔報得可以e-mail佢地嘅admission office📭。

英國升學心得- 英國倫敦政治經濟學院讀管理學 LSE Management | 同喺香港讀business有咩分別?超chur?