英國升學心得- 英國大學心理學Psycho巡禮 | 一文睇晒Exeter, Surrey, LSE, UCL嘅資訊!

多謝投稿分享Exeter同Surrey psycho嘅朋友仔❤️ 我見之前都有人喺我呢到分享過LSE同UCL psycho,所以就順便擺埋一齊喺到俾大家睇😆 希望幫到大家! Exeter Psychology C802 適合咩人讀?要有咩心理準備? 首先,一定要對心理學呢科有興趣先學。如果唔係嘅話好難堅持落去/讀到最尾連自己要往邊一個方向發展都唔知。 第二就係要做好有大量數據要處理嘅心理準備。如果數學成績唔係幾好/計數能力比較差嘅話,揀讀心理學year 1 一定要俾心機學statistics(fail咗就會畀學校要求轉major或者係transfer去另一間大學)。 教學模式 Lectures | Tutorials | Practicals (except statistics)。同埋今年因為係online上堂所以每個module都多咗Q&A session。 考核模式 絕大多數module 都係50% assignment,50% final exam (平時冇class quizzes)。 Research Method 呢個module會有10%嘅research participation,即係要我地填啲問卷interview之類(好易攞分嘅完全唔使擔心)。 Statistics:Sem 1 final exam 67%, Sem 2 final exam 33% (無論點都要pass呢科!!!!) 點解揀呢間大學? 唔同大學心理學專業課程focus嘅方向都有少少區別。揀中Exeter最大嘅原因就係Exeter psychology course多樣化,唔係好似有啲大學focus on brain science/language & development (如果鍾意clinical psychology嘅同學可以apply MSci Applied Clinical psychology,不過requirement會高啲)。 第二個原因就係學校專業排名唔差,又有higher嘅graduate prospects。 成績要求 DSE: 選修科:555 (包括一個science subject) IELTS (academic): Overall 6.5, 每個subset至少有6.0 (但6.5入讀psycho其實會有少少壓力,之後要多嘥時間練吓英文) Personal statement tips 可以寫幾句說話介紹自己有咩興趣愛好,呢啲愛好對於你未來學習生活有咩幫助。同埋仲可以用一小段話講下自己點解選擇去英國讀書 (呢啲係加分points 唔好寫太多字,100字左右最好)。 出路 如果將來想做psychological therapist/researcher嘅話,undergraduate之後至少要讀埋master。Undergraduate之後可以去參加相關NHS training積累經驗。 Exeter university有一個專門培訓professional clinical psychologist/therapist嘅department。 University of Surrey Psychology C801 究竟讀啲咩? Surrey嘅psycho涵蓋咗psycho嘅唔同範疇,包括biological, human development, personality theory同disorders等等。 要有咩心理準備? 如果你係真係好想讀psycho,要有心理準備 1/4 嘅psycho課程會係關statistics事。 點解揀呢間大學? 主要因為佢比較近London。 教學模式 Lectures | Laboratory-based practicals | Seminars | Tutorials | Workshops 考核模式 Essays, exams (year 1以MC為主,而year 2就以essay為主), research reports, posters and presentations. 成績要求 DSE: 444 (包2個electives) IELTS (academic): Overall 6.5, writing至少要有5.5, 其他subset至少要有5.5 (但6.5入讀psycho其實會有少少壓力,之後要多嘥時間練吓英文) Personal statement tips 都係show番你對呢科嘅熱誠同埋點解揀呢科而唔係其他科。 出路 除咗以上提到嘅psychological therapist/researcher,有部分人都會做human resources同marketing。 LSE Psychology C800 LSE psycho之前都同大家介紹過,所以喺到只會簡單咁同大家recap吓相關嘅資訊。 簡介 成個programme同approach都比較新。同其他大學嘅心理學嘅分別我覺得主要有兩個。一係我地會讀比較新嘅behavioural science,雖然比例上都係psychology多啲。二係所有PBS courses我地都會focus多啲係社會層面嘅應用,例如public policymaking咁。比起傳統心理學通常則重點係個人層面多啲,例如人有唔同嘅心理病等。 成績要求 DSE: 英文、數學: 4 | 中文、LS: 3 | 選修科: 5*55 IELTS (academic): Overall 7.0, 每個subtest至少有7.0 出路 如果你對behavioural science有興趣,可以諗做consultant。如果鍾意呢科但由想從商嘅,可以選擇讀我地department嘅masters,例如organisational psychology都好出名再而做相關嗰行。 UCL Psycho (UCL Psycho with Education: C801) (UCL Psycho: C800) UCL psycho之前都同大家介紹過,簡單咁同大家recap吓相關嘅資訊 簡介 UCL嘅psycho比較傳統啲,因為佢會讀多啲individual level嘅應用,例如係clinical/ educational psychology。如果你係讀UCL Psychology with Education呢個degree嘅話,第三年就會學好多應用方面嘅嘢,例如運用一啲theories或者研究結果去諗吓有啲咩interventions可以inform policymakers同學校。另外,UCL都有offer BSc Psychology and Language Sciences呢個degree,而呢個course都唔係好多大學有。 成績要求 [Psychology BSc] DSE: 英文、數學: 5 | 中文、LS: 3 | 選修科: 5*55 [Psychology with Education] DSE: 英文、數學: 5 | 中文、LS: 3 | 選修科: 5*55 IELTS (academic): Overall 7.0, 每個subtest至少有6.5

英國升學心得- 英國大學心理學Psycho巡禮 | 一文睇晒Exeter, Surrey, LSE, UCL嘅資訊!