英國升學心得- Imperial Biochemistry | 好chur好難?有咩出路?

又有多一個Imperial嘅分享喇~ 今次係biochem🔬!多謝 @aggy.zc 嘅分享❤️ 佢都有開YouTube channel㗎,如果大家想了解多啲Imperial學生嘅生活同埋個vibe係點,可以睇吓佢啲片~ 課程結構 Biochemistry 同biotechnology 嘅同學喺year 1同year 2頭都係一齊上堂嘅, 所以直到year 2 尾揀selective module之前你都可以換你個degree嘅title。 Biotech喺year 2尾同year 3都有特定嘅selective module 要揀,而biochemistry嘅自由度就大啲。 Year 1 (11.3%): 4 modules 讀啲基本嘅嘢,比A Levels 難/深入小小。總共有4個core modules。 Year 2 (33.3%): 5 modules + 1 dissertation + 1 elective (必修) 會讀technical 啲嘅嘢,例如製藥/protein嘅結構係點樣推論出嚟/免疫系統等等。仲要寫一篇4000字嘅dissertation,內容嘅自由度都好大,一定會揀到自己有興趣嘅嘢嚟研究。最後一個elective係自選嘅,比較隨意/簡單。 Year 3 (55.3%):全部selective modules, 主要簡而精。只需要讀3個modules。Coursework 唔多,但要求好高,所以每一份都需要用好多時間同effort。最後會有一個final year project,係自己做嘅研究/report。 究竟係讀咩? 關於體內/生物裡面嘅reactions 點樣predict 一啲化學嘅structure/如何應用於製藥/研究藥物 例如COVID-19 嘅形狀/係點令人體感染/點樣製造對抗COVID嘅疫苗,呢啲都係關biochem事嘅 都會讀stem cells,點樣regenerate 細胞去醫病 好多genetic 嘅regulations 可以揀data analysis 嘅modules嚟讀,會有coding (Linux/Python/Matlab/R等等) 大致上都係學一堆bio knowledge,然後進行研究同埋需吓點應用喺醫病到。 理想 vs 現實 課程好難,coursework 好難摸索到點做。好多時候都有唔同形式要跟~ Coursemates畀到好好嘅influence,因為大家都好努力讀書,所以你自然都會努力啲。 Coursemates之間都好容易相處,好樂於助人,有啲咩唔識,佢哋都會好樂意教你 Professor 都好nice,有啲咩嘢都可以直接問professor,大部分好無架子,可以輕鬆做朋友,咩都可以傾 Campus 比想像中細好多 成個上堂氣氛都好輕鬆 適合咩人讀? 對biology 、醫療有興趣 想為社會出一分力(通過研究) 想讀一科有較多出路嘅。因為讀biochem都可以做好多方面嘅工作,亦可以幫你打好個底,等你可以有多啲masters嘅學科選擇 需要有自主學習能力,self-discipline同好好嘅時間管理,因為大部分curriculum 都係自學(如果想有理想嘅成績)。老師教嘅嘢唔多,好多都expect 你自己睇reading學識 教學模式 主要係lectures ,會有lecture recording,然後要睇readings Problem-based嘅堂 :將成個course 嘅人分為2-3組,一齊做啲題目,而有咩唔識都可以即時問 Tutorials:大約6-7個人一齊上。上tutorials之前要做啲題目先,之後上嘅時候professor就會講解啲題目 Labs:上完要寫report,係coursework嘅一部分 Computer labs:教coding/data analysis 考核模式 Coursework: 25% Exam: 75% MCQ 25% 3-4 題essays 75% 有時會冇MCQ Exchange? 呢個我都唔肯定,應該其他科才有,biochem 就冇嘅。只係知道有時候Imperial會接受其他大學嘅人插班,直接入讀year 2。 但成績優異嘅,通常year 3 都有大公司嘅placement,例如GSK。好多人都會喺year 3 之前take個placement year, 然後再番嚟讀year 3。 收生/成績要求 冇interview DSE:Grade 5 - 5* in relevant subjects. Where Mathematics is required applicants should achieve the required grade in both the Mathematics compulsory and Mathematics Extended 1 or 2 components. A level:AAA-A*AA IB:38分(chem HL 6 + bio/math/phy HL 6) IELTS (academic):Overall 7.0,每個subtest至少要有6.5。 點解揀呢間大學? - 英國頂尖大學 Imperial offer嘅學科比較專 (specific啲),感覺會比其他大學教得好啲 Research 好勁,professor 都係好出名 Alumni reputation 好好 大學提供到好多就業機會,同埋好多alumni 都係喺大公司到返工,對我地啲學生都有好處 大學嘅研究都有機會會畀學生參與其中,對CV好有幫助 啲professor都好有心機咁同你討論同交流 位置比較好,locate喺一個比較高尚嘅住宅區,所以夜晚都比較安全。喺library 溫書溫到好夜,返屋企都冇咁驚 Personal statement tips 寫多啲自己嘅experience,describe嘅時候要充分顯示到呢個experience 係增加咗你對呢一科嘅熱誠。 參加講座/ open day/ summer course 都好有用 出路 基本上有好多出路 可以再讀masters, 讀啲specific 啲嘅嘢。你亦都可以再進修其他科(醫科/牙醫 etc) 成績好嘅 (first class/ deans),通常都可以入一啲大公司到做研究/medical affairs/data analysis 好多人 (至少70%) 都會做consulting/banking (所以通常都會再讀business school masters),好少人最後真係會去做研究

英國升學心得- Imperial Biochemistry | 好chur好難?有咩出路?