英國升學心得- Manchester School of Architecture | 由兩間大學合辦嘅課程?| 工作量?| 建築師以外嘅出路

到底係讀啲咩? 呢到三年嘅課程由三個大core areas組成,包括studio,humanities同technologies。 Studio會教你畫圖、modelling同埋點用啲software (e.g., SketchUp, Photoshop)。Humanities會讀吓建築史同埋影響建築風格嘅社會文化背景。而Technologies就會讀到關於建築設計嘅一啲technical嘢, Year 1主要想學生對現代建築有一個基本嘅了解。全年會有兩個studio,每一個term一個,會學吓basics of modelling, surveying, movement同space。而佢都會有一個humanities同technologies嘅unit。Humanities就會學吓建築史咁。Tech大概係學一啲design嘅技巧。 Year 2同Year 1個結構就差唔多~ 而Year 3就有得畀你揀啲options,自由度高啲~ 適合咩人讀? 適合有art sense同對design/畫畫有興趣嘅人。亦適合一啲鍾意諗嘢、創作同埋解決問題嘅人。 要有咩心理準備? 讀得archi就要預咗個workload唔細,所以識得時間管理其實都好重要哈哈。計晒上堂(studio days, lectures)同自己做嘢(assignments, projects)嘅時間,你一個禮拜應該要用40個鐘(甚至係更多)喺呢個degree身上。 教學模式 不外乎都係上lecture, studio同埋skills workshop (i.e., 上完lecture嘅short activity)。 我地都有field trips架,year 1可以去德國,而year 2就可以去比利時。 考核模式 基本上冇written exam。我地所有都係睇coursework,當中包括essays同studio projects。 點解揀呢間學校? Manchester School of Architecture係由University of Manchester同埋Manchester Metropolitan University合辦,喺QS 2020 Archi呢一科嘅世界排名上面位列第八,喺英國嚟講係繼UCL之後另一間出名讀archi嘅大學~ 由於佢係由兩間大學合辦,學生就可以享用兩間大學嘅設施! 入學要求 IELTS 6.5 overall, with 6.5 in writing and no other sub-section below 6.0 Portfolio,包括一篇唔多於450字嘅statement同埋10-12幅自己嘅artwork (可以係手繪、電繪或者係自己整嘅一啲artefacts等等) 出路 除咗可以繼續讀master同做實習成為一個建築師之外,其他人會投身real estate,或者從事design-related (e.g. graphic design, web design, visual merchandising)嘅工作等等。亦有人會去做advertising同marketing~

英國升學心得- Manchester School of Architecture | 由兩間大學合辦嘅課程?| 工作量?| 建築師以外嘅出路