英國升學心得- Medic學生為你介紹University of East Anglia (UEA) | 附Healthcare Course嘅報讀同面試貼士

今次係UEA嘅分享🤩,之前喺IG story到你地都有人request想睇㗎 #有求必應 !好多謝我嘅中同朋友,寫咗好長嘅分享畀我😂 利申:非學校ambassador,本人都係喺呢到讀咗半年多啲,未能作準~ 校園 Campus唔算好大,不過學校有兩棟嘢好奇怪咁喺一個大草原後面,由central campus行過去大概要20-30 mins,如果你唔係讀healthcare科目嘅就唔使擔心。學校裡面有medical centre,入面有GP Surgery 同埋藥房(“Boots”)。學校嘅GP surgery 唔係24小時都開,亦都要預約,不過如果只係發燒感冒,可以去藥房買藥。學校Central campus有canteen,主要serve 早餐同午餐,canteen 隔離就係SU bar,有Blue Bar 同 Red Bar,Blue Bar 除咗drinks 之外,仲會有食物 (e.g. pizza, wraps, salad bowls)賣。Red Bar有個DJ 台,所有bar events 通常都喺呢到。SU bar附近就係library,library 係24小時開放,裡面會有齊所有course materials,所以我通常係借學校啲書,如果覺得非常有用先會買。Library個search engine有啲難用 (因爲佢可以search 埋 journal articles, research publications etc),不過induction week 會有librarians 教你用。學校有個post office,如果你係住係campus,你啲letters and parcels 就會送到呢到。Post office 會send email 通知你去攞parcels,不過唔會通知你攞letters。 宿舍生活 學校有幾種類型嘅宿舍,最主要係shared bathroom and ktichen或者 shared room。呢啲唔同種類嘅宿舍會分佈喺唔同嘅宿舍大樓。Ziggurats building 出名玩得最癲,差唔多隔日就會有party,如果想識好多人嘅話可以考慮。本人比較摺,所以揀咗Constable Terrace。我住嘅係two bedroom unit,即係同另外一個人share bathroom同kitchen。我同flatemate 同幾個neighbour 都係讀同一科,所以會一齊煮飯、溫書同玩。每個人係宿舍嘅生活都唔同,好視乎同你住嘅人係邊個,不過大部分人都好nice,所以只要你主動啲同人講嘢就一定會揾到friend。不過要提醒嘅係部分宿舍都會有人吸大麻,Ziggurats 係比較嚴重,所以揀宿舍要特別留意。 Societies 學校有好多clubs and societies,有好多唔同cultural societies,academic societies同sports club。每個club同society嘅大細都唔同,culture 都唔同。共同嘅係每個club and society 都會搞好多唔同種類嘅socials,e.g. movie nights,pub hunt,Christmas dinner,easter egg hunt... 個人覺得clubs and societies 係一個好途徑去識自己course 嘅 seniors 或者唔係自己course嘅人,學校裏面 join 得clubs and societies嘅人都好friendly,同埋學校有"zero-tolerance policy",所以無聽過發生任何「不適當」嘅行爲。至於上莊,呢到冇莊culture,個人覺得如果想豐富CV,可以上啲academic嘅莊,因爲呢到啲academic societies 嘅 academic exchange機會比較多,亦都可以識到好多該範疇嘅專業人士。只有你踴躍啲問,佢哋可能可以畀到outside course嘅機會畀你 (e.g. internship, shadowing, research opportunities)。 讀書 至少喺我讀嘅呢科,讀書叻嘅人會好叻,lecture總會有幾個學生問問題或者留低同professor 交流。上seminar嘅時候總會有啲人識好多 lecture/ reading 無講過嘅野。不過大部分嘅人係又玩得,又讀得書。當然總會有一兩個人係永遠唔會係lecture到出現,只會喺啲complusory seminar先會出現。大部分嘅coursemate都 friendly,如果功課上有咩問題都會盡量答你。我讀嗰科冇group project,所以唔係太清楚。英國人有好多唔同accent,e.g. Irish accent, Scottish accent etc, 尤其係medical school,有啲surgeon 會係Indian,呢啲accent喺香港好少接觸到,所以一開始上lecture 有啲唔習慣,有時會聼唔明lecturer講咩,不過隨住時間就會慢慢適應,如果聼唔明可以問同學,或者email lecturer問,大部分lecturer 都好歡迎學生問問題。 社交生活 英國人一般都好玩/飲得,通常Friday/weekend 都會去飲酒跳舞,SU bar一個星期差唔多每日都會有events,最出名嘅係星期二嘅sports night (因爲星期三係school holiday)。至於non-alcoholic嘅活動,通常都係card games,movie nights同comedy shows。UEA都有唔少international students,通常係Chinese 或者 Indians,亦都有唔少Europeans。個人覺得international students,尤其係内地人,比較close off,再加上我普通話唔流利,所以有啲難同佢哋friend。至於香港嘅學生,唔知點解個個都好似好有錢好多時間咁,生活好似好奢侈,所以我覺得同佢哋相處有啲壓力,我個人就無咩香港friend… 我覺得係UEA 比較多BBC/ BBI (British born Chinese/ Indians),我覺得佢哋比較容易相處, 佢哋會同你講好多英國嘅野,同時大家嘅culture 都好接近,所以大家喺生活飲食都會有好多相似嘅地方。 Norwich UEA位於Norwich,而Norwich係Norfolk嘅一個比較細嘅城市,不過都算係幾diverse,而且治安幾好。Norwich 最多嘅係教堂同公園,學校附近已經有兩個公園。最出名嘅就應該係市中心個市集。市中心距離校舍大概45分鐘車程,如果有單車嘅大概20分鐘就到,裡面會有齊各種商店。我覺得Norwich 一個唔係幾方便嘅地方就係唔係到到phone signal都好,有時去到啲偏僻地方就會收唔到信號,最麻煩就係某啲學校宿舍信號好差(例如Constable Terrace),所以當food delivery/ grocery delivery 到咗會收唔到電話通知,變咗要喺ETA嘅時候要係咁望住出面,有啲麻煩。另一樣嘢就係呢到啲天氣,冬天嘅時候會成日落雨,而且呢到比較空曠,所以一定會係又風又雨。個人建議可以買定一件又保暖又可以擋風擋雨嘅外套,我係用North Face嗰啲比行山嘅風褸羽絨。Norwich比較平凡,如果覺得悶嘅可以去附近嘅城市,例如Great Yarmouth beach 同Cromer beach都好出名,Waxham有得睇海獅,Ipswich 有好多古風buildings,或者去Cambridge參觀吓,Norwich 都係喺呢啲城市中間,所以車程唔係好耐,值得去吓。 Tips 據我所知,除咗healthcare course外,其他course都只係UCAS 交personal statement(唔係十分清楚)。UEA唔係啲高級學校,只要你講吓你點解想揀呢科,同埋做過啲咩去了解嗰科就可以,最重要嘅係show到你係一個點樣嘅人,最好嘅就寫吓啲related readings/ experience再加reflection。至於healthcare course就要interview,其他course我唔係太清楚形式係點,但係medicine 就係MMI,學校會有interviewer飛過嚟香港,所以唔使特別去英國interview。至於interview tips… 我覺得最緊要係識啲關於NHS 嘅資料/時事,同埋4 pillars of medical ethics。Interview 嘅時候比較輕鬆,所以做番自己就可以啦,最重要嘅係要show到你嘅logical thinking process同埋分析能力。

英國升學心得- Medic學生為你介紹University of East Anglia (UEA) | 附Healthcare Course嘅報讀同面試貼士