英國升學心得- Nottingham Architecture | 官網不會告訴你的資訊

今次係Nottingham Archi嘅分享🏛 ~想過英國讀archi嘅就要留意啦🔥 呢個分享唔係而家讀緊嘅人寫嘅,不過佢同呢個course嘅professor傾咗一段時間,所以都有啲有用嘅資訊畀到有意報讀嘅大家,呢啲都係官網冇寫㗎!⁣ ⁣ 考核模式嗰到年年有變,所以唔可以作準,大家參考吓啦!⁣ ⁣ 另外,雖然之前喺story到提過,但我喺到都重複一次啦。2022/23學年或之後去英國入讀嘅archi學生,畢業後返香港考牌需要先通過「學術資格測試」 (AQA),而2020/21同埋2021/22學年入讀CAA(英聯邦建築師協會)原本認可個英國課程學生就不受影響。⁣ 課程內容 Architectural Projects Studio project嘅數量、所需時間同埋複雜程度會喺你個degree嘅三年入面慢慢遞增。 喺year 1嘅時候,你主要都係做一啲比較短嘅project。最長嘅一個project就係你個final design project,因為佢會佔咗你第二個term大部分嘅時間。 到到year 2,你全年會有4個studio project,一個term兩個咁,而當中兩個係group,兩個係individual嘅。 Final year就會搞3個design project,包括一個比較大型嘅。 呢到就好鼓勵學生獨立啲,嘗試自己去諗吓啲ideas同自學吓點樣develop啲嘢出嚟,而有需要嘅時候都可以揾tutor一齊傾。通常有一個project嘅時候,你首先都會research吓個brief先,然後自己就住個brief/site/poetics/narrative等等brainstorm吓啲conceptual ideas。諗咗啲ideas之後就會透過畫畫、砌啲簡單嘅models同tutorials去test吓自己個idea啦~ 雖然個完成品好重要,但其實design啲rough work都同樣重要㗎!一個design project通常會為期6-7個禮拜,甚至係10-12個禮拜。 手繪同電繪嘅比例 Year 1就會比較著重培養你hand drawing嘅技巧,目的係想喺你學啲CAD programmes之前打好個基礎,學識architectural drawing嘅etiquettes同原則。另一個原因係因為佢想啲學生真真正正focus喺design嗰方面,而唔係一味覺得用電腦design就係design。雖則係咁,佢都會教一啲Photoshop同InDesign基本嘅skills,亦會略略咁教點用SketchUp。 至於year 2同3嘅studios,你可以喺年頭嘅時候揀join啲咩studio units。有啲unit就係computer based嘅,而有啲就會係比較著重自己落手落腳畫同整。 會用到啲咩software? 主要就係用Photoshop, InDesign, SketchUp, Revit同埋AutoCad。Revit同AutoCad學校會免費provide畀啲學生~ 高中冇讀過同建築直接相關嘅嘢,會唔會適應唔到? 讀呢個course嘅同學都係嚟自唔同嘅background同埋本身有唔同skills嘅,所有唔需要擔心。個course嘅設計就係會喺year 1嘅時候通過一連串嘅building同design projects教晒啲最基本嘅嘢,令到所有同學仔都可以喺year 1就掌握到點樣畫啲architectural drawings。 考核模式 以individual定group project為主? Year 1一開始嘅時候就會6-7個人一組咁去design一張凳,然後用cardboard以1:1嘅比例砌出嚟。之後你就會以3個人一組咁去研究吓一個出名嘅建築師嘅作品,其中就包括咗嗰位建築師design嘅一個house project。喺呢一個project入面,你除咗需要research吓關於嗰個建築師嘅嘢同埋啲建築之外,你都需要整一個model同埋個building嘅一啲plans同elevations。當中其實都有夾雜咗少少短嘅individual projects嘅。成個project主要就係想教識我地關於formal architectural drawings嘅技巧。Year 1第一個term最後尾一個project就係individual嘅,就係要design一個studio retreat for一個artist。而year 1第二個term就主要係要你自己一個人去整一啲small public building嘅design。

英國升學心得- Nottingham Architecture | 官網不會告訴你的資訊